Mateo 20:19 - Qullan Arunaca

¹⁹ Yakha toke jakenacaruraquiw catuyapjjani ucat jupanacan larusiñapataqui, nuwjapjjañapataqui ucat ch'accatapjjañapataqui, ucampis quimsüru jiwatatjja jactanjjaniwa.”

Aymar Bibliia 1986

¹⁹ Yakha toke jakenacaruraquiw catuyapjjani ucat jupanacan larusiñapataqui, nuwjapjjañapataqui ucat ch'accatapjjañapataqui, ucampis quimsüru jiwatatjja jactanjjaniwa.”

Qullan Arunaka DC

¹⁹ juparusti yaqha markankir jaqinakaruw katuyapxani, jupanakan jupat larusipxañapataki, nuwjapxañapataki, cruzar ch'akkatapxañapataki; ukampis kimsür jiwatat jaktanxani.

Mateo 20:19 Jak'a apnaqawi uñst'ayäwi

Job 30:8

Jan cunatac sirviri jakenaca, jan awquini, jan taycani jakenaca, janiraquiw aca marcan jacapjjañapas waquisquiti.

Salmos 35:16

Khoru cancañampiw nayat sawcasipjjetu, uñisiñat laca ch'aqhanacap t'urusirapipjjetu.

Isaías 26:19

Ucampisa juman jiwirinacajja jacatatapjjaniwa, jiwat janchinacapas jacatatapjjaraquiniwa. Aca oraken iquirinacasti iquinacapatjja sartapjjaniwa, cusisiñatwa arnakasipjjaraquini. Jumaw khanamjja mä jallu sullar uñtat apayantajja, ucampis jiwatanacajj jacatatapjjaraquiniwa.

Isaías 53:3

jakenacajj juparojj jisc'achapjjänwa, apanucupjjaraquïnwa. T'akhesiñan phokt'at jakënwa, t'akhesiris yatitaraqui. Jupajj janis qhitimpi uñjatäñapas waquiscaspa uqham jisc'achatänwa, uqhamäquipansa uñisnuctanwa, apanucuractanwa.

Oseas 6:2

Mäquiw c'umar sarnakasiñjja churjjestani, jupa nayrakatan jacañasataquiw sartayasjjaraquistani.

Mateo 12:40

Cunjämtejj Jonasajj mä jach'a chawllan puracapancän quimsürumpi quimsa arumampejja, uca quicparaquiw Jaken Yokapajj quimsürumpi quimsa arumampi orak mankhancani.

Mateo 16:21

Ucapachatpachwa Jesusajj discipulonacaparojj khanañchañ kalltäna jupan jiwäwipjjata. Saraquïnwa: —Jerusalenar sarañajjaw wact'itu, ucansti chuymani jilïrinacajj, uqhamarac sacerdotenacan jilïrinacapampi, ley yatichirinacampejj wal t'akhesiyapjjetani. Ucatsti jiwayapjjaraquitaniwa, ucampis quimsüru jiwatatsti jactawayjjäwa —sasa.

Mateo 17:23

ucatsti jiwayapjjaniwa. Quimsüru jiwatatsti jactawayjjaraquiniwa” sasa. Uca yatiyäwisti jupanacarojj wal llaquisiyäna.

Mateo 27:26

Pilatosti Barrabasarojj antutjjänwa, ucatsti Jesusarojj jawk'jayänwa, ch'accatatäñapataquiraquiw catuyäna.

Mateo 27:63

sapjjaraquïnwa: —Tata, nanacajj amtasipjjaractwa cuntejj uca c'ari parlir jakejj siscänsa uca. Jupasti saraquïnwa: ‘Quimsürut jactawayjjä’ sasa.

Marcos 14:65

Ucatsti yakhep jakenacajj Jesusar thuscatañ kalltapjjäna, nayrap imantasin ch'acunokapjjaraquïna: —Sapjjeta, ¿qhitis ch'actam? —sasa. Soldadonacasti Jesusarojj t'ajjllinokapjjaraquïnwa.

Marcos 15:1

Willjtanipansti niyaw parlthapipjjäna jilïr sacerdotenacampi, jilïr chuyman jakenacampi, ley yatichirinacampi, jach'a jilïr Tantachasïwimppacha. Ucatsti Jesusar ñach'antat irpasinjja, Pilatoruw catuyapjjäna.

Marcos 15:15

Pilatosti jakenacamp sumancañ munasina Barrabasaruw antutjjäna, Jesusarusti jawk'jayasinjja crusar ch'accatatäñataquiw catuyjjaraquïna.

Lucas 18:32

Jan judiöpquis ucanacaruw catuyatänejja, larusipjjaniwa, jan walinac lurapjjani, thuscatapjjaraquiniwa.

Lucas 23:11

Ucapachasti Herodesampi, soldadonacapampejj wal jisc'achapjjäna, ucatsti p'enkachañat juparojj suma isinacampiw ist'ayapjje mä reyirjama. Ucat Herodesajj wasitat Pilaton ucar qhiti.

Lucas 24:46

Ucatsti saraquïnwa: —Aqham kellkatawa: Cristojj jiwaniwa, ucatsti quimsürut jiwatanac taypitjj jacatatani;

Hechos 2:23

Ucampisa, cunapachatï Jesusajj jumanacar catuyatäcän ucqhajja, phokhasiscänwa cunjämtï Diosajj nayratpach amtcatayna uqhamarjama. Jumanacasti jucharar jakenacan amparanacap tokew catuntapjjtajja. Ucatsti jiwayapjjaractawa, mä cruzar ch'accatasina.

Hechos 21:11

Jupasti nanacar uñjiriw jutatayna. Ucatsti Pablon cinturonap catusinjja, cayunacap uqhamarac amparanacap ñach'antasisinwa säna: —Kollan Ajayojj aqham siwa: ‘Jerusalenanjja judionacajj aqhamwa ñach'antapjjani aca cinturonajj qhitinquitï ucarojja. Jan judío jakenacaruraquiw catuyapjjani’ —sasa.

Hechos 4:27

“Chekpachansa Herodesampi Poncio Pilatompi yakha marcat jutirinacampi, israelitanacampisa, mayaquiw sayt'apjje aca marcana kollan Jesús Yokam tokejja.