Mateo 20:15 - Qullan Arunaca

¹⁵ Nayaw uqham lurañ munta kollkejjampi cunjämarutejj muncta uqhamaru. ¿Jan ucajj uqham suma jakëtajj laycu envidiasistacha?’ sasa.

Aymar Bibliia 1986

¹⁵ Nayaw uqham lurañ munta kollkejjampi cunjämarutejj muncta uqhamaru. ¿Jan ucajj uqham suma jakëtajj laycu envidiasistacha?” sasa.

Qullan Arunaka DC

¹⁵ ¿Janit qullqixampix kuntix nayax munkta uk lurañaxax wakiskitu? Jan ukax, ¿janich jumatak suma chuymanïtaxax walïki?’ sasa.

Mateo 20:15 Jak'a apnaqawi uñst'ayäwi

Éxodo 33:19

Ucat Tatitojj saraquïnwa: —Nayasti jumansa uñjcatawa qhuyapayäjja, uqhamarac sutejjsa juman ist'cataraquiw arsuraquëjja. Nayajja qhuyapt'ayäwa qhitirutejj muncta ucaru, uqhamarac yanaparaquïwa qhitirutejj muncta ucaru.

Proverbios 23:6

Jan kont'asimti mich'a jakempi mank'añataquejja, janirac suma mank'anacapsa munapayamti.

Proverbios 28:22

Inampst'iri jakejj mäquiwa kamiriptañ muni, ucampis jupajj janiw yatquiti pobres cancaña jupjjaru jutañapjja.

Jeremías 18:6

“Israelitanaca, ¿janit nayasti jumanacampi, cunjämtejj sañu lurirejj lurqui uqham lurcaraquiriststi? Jumanacajj nayan amparajjanjja sañu luraña ñek'jamäpjjtawa, cunjämatejj ñek'ejja sañu luririn amparapancquejj uqhama. Naya Tatituw ucjja arsta.

Mateo 11:25

Ucapachajj Jesusajj saraquïnwa: “Yupaychsmawa, Awquejja, munañaniraquïtawa alajjpachansa acapachansa. Jumawa yatiñ cancañ imanttajja wali yatiñan jakenacatjja; ucatsti juc'a yatiñan jakenacaruw uñacht'aytajja.

Mateo 20:14

Pagom catokasis sarjjañamaquiwa. Nayaw munta aca khepa mantanquis ucaru jumarjamarac pagaña.

Mateo 6:23

Nayramatejj jan walïcchejja, take janchimajj ch'amacancaniwa. Juman utjquis uca khanamatejj ina ch'usa ch'amacaru tucuni ucajja ¡cunja lajjänisa uca ch'amacajja!

Marcos 7:22

lunthatasiña, jaken yänacap munaña, luraña, sallkjasiña, k'añu luraña, envidiasiña, c'ari arunac apnakaña, jach'a jach'a tucuña, jan amuyunjam sarnakaña.

Juan 17:2

Jumajj Yokamarojj take jakenacjjaru ch'amanïñwa churtajja, cawquïrinactejj churcta ucanacar wiñay jacaña churañataqui.

Hechos 13:45

Uqham walja jakenac uñjasinjja, Judionacajj wal colerasipjjäna. Pablon arunacaparusti: ‘Janiw chekäquiti’ sapjjänwa. Juparusti cunaymanwa tokepjjaraquïna.

1 Corintios 4:7

¿Qhitirac jumarusti mayninacat sipansa juc'amp suma tucuytamsti? Jan ucajj ¿cuncha Diosajj jan churctamjja? Diosatejj cunsa churstam ucajj ¿cunataraqui jach'a jach'a tucta jumas ch'amamampi jicjjatcasmas uqhama?

Efesios 1:11

Cristompïtas laycuwa Diosajj nayratpacha ajlliwayistu, cuntejj jupajj jiwasanacar churañapäcän uc catokañasataqui. Take acanacasti Diosan amtäwiparjamawa, cawquïritejj take cuns lurqui cunatejj jupataquejj asquïqui uqhamarjama.

Efesios 2:1

Diosajj Cristomp chicaw jumanacar jacañ churapjjtam, jan wali luräwinacamana uqhamarac juchanacaman jiwatäsipcäyätas ucqha.

Efesios 2:5

Ucatwa Cristomp chica jacañ churistu, juchanacasan jiwatascchïyätan ucasa. Uqhamajj jumanacajj Diosan qhuyapayasiñapatwa khespiyatäpjjtajja.

Deuteronomio 15:9

Janirac jumanjja aca jan wali amtäwejj utjcpanti: ‘Niyaw jac'äjje pakallköri marajja, cawquïri marantejj manunacajj perdonasqui ucajj’ sasa, uqhamat jan wali ajanumpi pobren jicjjatasiri jila masimarojj uñcatañataqui, janiraqui cunsa mayt'cätati ucapachajj jupajj Diosaruwa juma contra mayisini, uca luratamasti jucharaquïniwa.

Deuteronomio 28:54

Cawquïri jaketï jumanac taypina utji wali llamp'u chuymani uqhamaraqui munasiñani ucasa mayjt'at nayrampiw quipca jilaparus uñcatani, uca quipcaraqui wali munat warmiparusa, uqhamaraqui cawquïri wawanacapatï jupampi chica kheparapqui ucanacarusa,

Santiago 1:18

Jacañwa churistu cheka arunacap toke, uqhamata jiwasajj nayräwiri achunacjamäñasataqui, cuntï jupajj lurqui ucanjja. Jupasti uqhamäñasracwa muni.

Santiago 5:9

Jilatanaca, janirac jumanaccamajja jan walinacsa parlasipjjamti, Tatitun jan juchañchatäscañataqui. Diosasti, qhititejj taripcani ucajj jac'ancjjewa.