Mateo 19:5 - Qullan Arunaca

⁵ Saraquïnwa: ‘Ucatwa chachajj awquiparu taycaparu jaytanucusin warmipampi mayachasjjani, panipasti mayaquëjjaraquiniwa.’

Aymar Bibliia 1986

⁵ Saraquïnwa: “Ucatwa chachajj awquiparu taycaparu jaytanucusin warmipampi mayachasjjani, panipasti mayaquëjjaraquiniwa”.

Qullan Arunaka DC

⁵ Sarakïnwa: ‘Ukat chachax awkiparu, taykaparu jaytanukusin warmipampi mayachasxani, panpachanisti mä janchirukiw tukxani’ sasa.

Mateo 19:5 Jak'a apnaqawi uñst'ayäwi

Génesis 34:3

Ucampisa uca Siquem jakejj sintipuniraquiw Dinarojj munatayna, ucatsti cunayman toketwa munayasiñ munäna.

2 Samuel 1:26

“¡Jonatán jilajja, jumatjamajj wali llaquitaw uñjasta! ¡Cunja suma chuymampis nayarojj uñjayätajja! Nayataquejj munasiñamajj warminacan munasiñapat sipansa jilt'atänwa.

1 Reyes 11:2

cawquïr marcanacanquir warminacampitejj Diosajj jan muncänjja, israelitanacana casarasipjjañanacapa, jupanacan chuymanacapasti jan yakha diosar apatäpjjañapataqui. Ucampis Salomonajj uca warminacaru munasinwa jupanacampi mayachasïna.

Salmos 45:10

Uñtanim, phuchajjay: jinchum alcatanisin ist'ita: marcamat armasjjam, wila masinacamat armasjjaraquim:

Salmos 63:8

Ajayojjajj jumamp chict'atawa, cupi amparamasti janiw antutnucquituti.

Malaquías 2:15

¿Janiti Diosasti panpachaniru mä janchini mä ajayuni tucuyapctamsti? Ucatsti ¿cunsa ucanacat Diosajj munpacha? ¿Janiti wawanacaman jacañanacapajj Diosaru loktatäñap muncpacha? ¡Uqhamasti jumanacpachat amuyasipjjam, janiraqui waynäcasin casarasipcta uca warminacamarojj sallkjapjjamti!

Mateo 19:6

Uqhamasti janiw paninïcjjapjjeti jan ucasti mayaquëjjapjjewa. Uqhamajj jakejj janiw jaljtaycaspati cuntejj Diosajj mayachquis ucjja.

Romanos 12:9

Cheka munasiñajj jumanacanjja maynit maynicam utjpan, jan wali lurañanacarusti uñisipjjaraquim, sumäquis ucrac lurapjjam.

1 Corintios 6:16

Jan ucajj ¿janich jumanacajj yatipcta cunapachatï mä jan wali sarnaker warmimpi wachoka juchan sarnake ucqhajj mä sapa janchiqui tucjjapjjatapjja? Diosan Arunacapasti saraquiwa: “Panpachanejj mä sapa janchiquiw tucjjapjje” sasa.

1 Corintios 7:2

Ucampis sinti wachoka jucha luraña utjatap laycojja, sapa mayniw warminïñapa uqhamaraqui sapa mayni warmiraquiw chachanïñapa.

1 Corintios 7:4

Warminjj janiw janchipajj jupancjjeti jan ucasti chachapancjjewa, uqhamarac chachasa janiraquiw janchipajja jupancjjeti jan ucasti warmipancjjaraquiwa.

Efesios 5:31

“Ucatpï chachajj awquip taycap jaytanejja warmipampi mayachasiñataquejja, ucatsti paninitjja mä sapaquïpcaspas uqhamaw tucupjjani.”

Deuteronomio 10:20

“Tatitu Diosamarojj jach'añchapjjam, yupaychapjjaraquim jupa saparuqui servipjjam; ucatsti cunapachatï juramento lurapjjäta ucqhasti Diosan sutipjjaru lurapjjaraquim.

Deuteronomio 11:22

“Jumanacatï aca camachi arunaca suma imapjjäta, phokhapjjaraquïta, ucatsti suma chuymampirac Tatitu Diosamaru munapjjäta, uqhamaraqui suma iyawsañampi thaquipansa arcapjjäta ucqhajj,

Deuteronomio 4:4

Ucampis cawquïrinacatï jumanacat Tatitu Diosamaru take iyawsañampi arcapjjta ucanacajj jacasipctawa.

1 Samuel 18:1

Davidan Saúl reyimpi parlañ tucuyjjatapatsti, Jonatanajj Davidampejj wali suma amigonacapuniw tucupjjäna, ucatsti Jonatanajj jupa quipcarjamaw munasïna.

1 Samuel 25:43

Davidasti Jezreelanquir Ahinoamampisa casarasiraquïnwa, ucatsti panpachaniw warmiparaquïnjja.