Mateo 19:27 - Qullan Arunaca

²⁷ Pedrosti ucjjarojj sänwa: —Tata, nanacajj take cunanacatejj utjapquitän ucanacjja apanucunipjjtwa, ucatsti jumaruw arcapjjsma. ¿Cunarac nanacataquisti utjani? —sasa.

Aymar Bibliia 1986

²⁷ Pedrosti ucjjarojj sänwa: —Tata, nanacajj take cunanacatejj utjapquitän ucanacjja apanucunipjjtwa, ucatsti jumaruw arcapjjsma. ¿Cunarac nanacataquisti utjani? —sasa.

Qullan Arunaka DC

²⁷ Pedrosti ukxarux sänwa: —Tatay, nanakax taqi kunanakatix utjapkitän ukanak apanukunisaw jumar arkapxsma. ¿Kunarak katuqapxästi? —sasa.

Mateo 19:27 Jak'a apnaqawi uñst'ayäwi

Mateo 19:26

Jesusasti jupanacar uñtasinjja sänwa: —Jakenacataquejj take acanac lurañajj wali ch'amawa, ucampis Diosataquejj janiw ch'amäquiti —sasa.

Mateo 19:28

Jesusasti juparojj sänwa: —Khanacwa sapjjsma, cunapachatejj take cunas wasitat machak lurascan ucqhajja, cunapachatejj Jaken Yokapajj konuñapjjar kont'ascan ucqhajja, jumanacan nayaru arcatam laycojja tunca payan konuñaruraquiw kont'asipjjäta ucat tunca payani Israel tribüquis ucar taripañataqui.

Mateo 9:9

Jesusasti ucat sartasinjja mä jakeruw uñjäna, Mateo sutini. Uca jakesti impuesto cobrañawjan kont'atäscänwa. Jesusasti saraquïnwa: —Arquita —sasa. Mateosti sartasisinjja juparuw arcjjaruwayi.

Marcos 10:28

Pedrosti ucjjarojj saraquïnwa: —Tata, nanacasti take cun jaytanucusinjjay arcanipjjsmajja —sasa.

Marcos 2:14

Uca chek sarcasinsti, Alfeon Leví sat yokaparuw uñjäna, impuesto cobrañäwjan kont'ata. Jesusasti —Arquita —sasaw juparojj sï. Ucatsti ucspachaw sartasinjja Jesusamp chic sarjjäna.

Lucas 14:33

Uqhamajja, cawquïritejj jumanacat take cunapsa jan jaytcani ucajja, janiw discipulojjäcaspati.

Lucas 15:29

Jupasti awquiparojj sänwa: ‘Jumajj yattawa kawkha maras jumarojj jan arum p'aquis sirvsmajj ucjja, ucampis janiw cunapachas mä cabritocs churquistati, amigonacajjamp fiesta lurañataquejja.

Lucas 18:28

Pedrosti saraquïnwa: —Tata, nanacajj take cunanacajj jaytasinwa arcapjjsma —sasa.

Lucas 5:11

Ucatsti kota thiyaru botenac jaytawayasinjja take cuna apanucusinwa Jesusampi sarjjapjjäna.

1 Corintios 1:29

Uqhamata jan qhitis Diosan nayrakatapan jach'a jach'a tucuñapataqui.

1 Corintios 4:7

¿Qhitirac jumarusti mayninacat sipansa juc'amp suma tucuytamsti? Jan ucajj ¿cuncha Diosajj jan churctamjja? Diosatejj cunsa churstam ucajj ¿cunataraqui jach'a jach'a tucta jumas ch'amamampi jicjjatcasmas uqhama?

Deuteronomio 33:9

cawquïritejj awquinacaparojj: ‘Janipuniw uñjcti’ sisqui, jilanacaparusa: ‘Janiw uñt'caractti’, wawanacaparojj: ‘Janiw yatctti, qhitïsipcchejja’ sasa. Jupanacasti arunacamaruw phokhapjje, jupanacasti arust'äwinacam phokhañaruw catuyasipjjaraqui.

Filipenses 3:8

Ucat juc'ampis, take cunatejj nayan utjquitu ucanacsti chhakatäcaspas uqhamwa amuyta, Cristo Tatitojjar uñt'añajj mä jach'a asquïtap laycu. Cristo laycuw take cunsa apanucta. Take cunsa mä jan cunatac sirvir t'unäcaspas uqhamwa uñjta Cristor jicjjatañ laycu.