Mateo 18:12 - Qullan Arunaca

¹² “¿Cunjämas acajj jumanacataquejja? Mayni jaketejj patac ovejanïspa, ucat mayajj chhakatäspa ucqhajja, ¿janit jupajj uca llätunc tunca llätuncan kollur jaytawayasin chhakatäquis uca thakerejj sarqui?

Aymar Bibliia 1986

¹² “¿Cunjämas acajj jumanacataquejja? Mayni jaketejj patac ovejanïspa, ucat mayajj chhakatäspa ucqhajja, ¿janit jupajj uca llätunc tunca llätuncan kollur jaytawayasin chhakatäquis uca thakerejj sarqui?

Qullan Arunaka DC

¹² “¿Kunjämsa jumanakax amuyapxta? Jumanakat maynitix patak ovejanïspa, ukat maya chhaqhayaspa ukaxa, ¿janit llätunk tunka llätunkan oveja jaytawayasax, chhaqhat oveja thaqhir sarkaspaxa?

Mateo 18:12 Jak'a apnaqawi uñst'ayäwi

1 Reyes 21:17

Ucatsti Diosajj Tisbe chekanquir Eliasarojj sänwa:

Salmos 119:176

Chhaker ovejar uñtataw payinucta, nayar thakerejj jutaquimaya, janiw arunacamat armascti.

Isaías 53:6

Take jiwasanacaw ovejanacar uñtat saranuctan, chhakharactan, sapa maynis pachpa thaquipa sarasa, ucampis Tatitojj juparuw apjjaruyi jiwasan ñankha luratanacasjja.

Jeremías 50:6

“Marcajjasti chhakat ovejanacjamaw sarani, jan wali awatirinacapan irpata, uca awatirinacasti monte tokenacanwa ananucupjjänjja. Mä kollut mä kolluruw sarapjjänjja, pachpa uyunacapatsa armasjjapjjaraquïnwa.

Ezequiel 34:12

Cunjämtejj mä awatirejj ovejanacapjj anthapisjjejja ovejanacapajj aywitatatäpjje ucapachajja, uqhamaraquiw nayajj anthapisjjäjja, ucatsti cunjämtejj jupanacajj mä urojj mä ch'amaca taypin maysaru saranucupcänjja ucanacatsti khespiyjjaraquïwa.

Ezequiel 34:16

Chhaktat ovejanacjja thaktasjjäwa, saranucutanacsti cuttayanjjaraquïwa, cawquïrinacatejj cayu p'aquita sarnakapjjani ucanacarusti uca p'aquit cayunacapjja kolljjatt'araquïwa, usutanacarusti yanapt'araquïwa, liq'i ovejanacarusa, t'uqhanacarusa sumwa uñjasiraquëjja. Cunjämatejj uñjañajj waquisqui uqhamarjamaw nayajj uñjasiraquëjja.

Ezequiel 34:28

Yakha marcanacasti janipuniw jupanacarojj mayampsa catuntcjjapjjaniti, janiraquiw kamakenacas jupanacarojj mank'antcjjaniti. C'uchiquiw jacasipjjani jan qhitinsa ajjsarayata.

Ezequiel 34:4

Pisi ch'ama ovejanacarojj janiw yanapt'apctati, usutanacarus janiw kollt'apcaractati, cayu p'aquita ovejanacarus janiw ch'okjjatt'apcaractati, jan ucasti khoru cancañampi jan munasiñampiw uñjapjjaractajja.

Ezequiel 34:6

Take kollu tokenacaru jach'a kollunac tokeruw aywitatawayjjapjje, take acapacha tokenacaruw aywitatawayjjapjje, ucatsti janiraquiw qhiti jupanacat llaquiris utjcänti, ni qhitis jupanacaru thakerejj sarcaraquïnti.

Mateo 12:11

Jesusasti ucjjarojj saraquïnwa: —¿Qhiti jakes jumanacatjja utjaspa mä ovejani, uca ovejasti samarañ urunjja mä p'iyaru jalantaspa ucatjja jan apsuri sarcaspajja?

Mateo 18:13

Khanacwa sapjjsma, jicjjatasinsti jupajj uca ovejat juc'amp cusisi jan chhakquis uca ovejanacat sipansa.

Mateo 21:28

Jesusasti jupanacarojj sänwa: “¿Cunjämas aca amuyt'ajj jumanacataqui? Mä jakew pani yokanïna; ucat maynïriruw irnakeri qhiti, saraquiwa: ‘Saram irnakeri uva yapojjaru’ sasa.

Mateo 22:42

Jesusajj jupanacarojj jisctäna: —¿Qhitiw Cristojj sapjjtas jumanacajja? ¿Qhitit jutiriw sapjjaractasa? —sasa. Jupanacasti sapjjänwa: —Davidat jutiriwa —sasa.

1 Corintios 10:15

Amuyun jakenacarjamaw parlapjjsma, jumanacpacharaquiw amuyt'apjjasmajja cuntï sapcsma ucjja.

1 Pedro 2:25

Jumanacajj jan awatirin ovejanacar uñtatäsipcäyätawa, ucampis jichhajj Tatituruw cuttanjjapjjtajja. Jupasti mä awatirir uñtataraquiw jumanacarojj imapjjtamjja, almanacamatsa llaquiraquiwa.