Mateo 17:27 - Qullan Arunaca

²⁷ Ucampis jan qhitirus mayjt'ayañataquejj kotar saram, ucat chawlla catuñ anzuelo umaru jakontam. Cawquïr chawlltejj catcäta ucan lacapanwa mä kollke jicjjatäta. Uca kollksti nayampita jumampita impuesto paganjjam —sasa.

Aymar Bibliia 1986

²⁷ Ucampis jan qhitirus mayjt'ayañataquejj kotar saram, ucat chawlla catuñ anzuelo umaru jakontam. Cawquïr chawlltejj catcäta ucan lacapanwa mä kollke jicjjatäta. Uca kollksti nayampita jumampita impuesto paganjjam —sasa.

Qullan Arunaka DC

²⁷ Ukampis jupanakar jan mayjt'ayañatakix qutar saram, ukatsti chawlla katuñ anzuelo umar jaquntam, kawkïr chawlltix katkäta ukan lakapan mä qullqi jikxatäta. Uka qullqsti nayampita jumampit qullqi churañäki uk churanxam —sasa.

Mateo 17:27 Jak'a apnaqawi uñst'ayäwi

Génesis 1:28

ucjjarusti bendiciraquïnwa: “Jichhajj wali mirantapjjam, aca orakerusti phokhantapjjaraquim, apnakapjjaraquim; take chawllanacarusa, jamach'inacarusa apnakapjjam, uqhamaraqui orakenjam katatnaktir animalanacarusa” sasa.

1 Reyes 17:4

Ucanwa jumajj uca umata umasiscäta, uqhamarus saractwa cuervo sat jamach'inacaru mank'a jumataqui apaniñapataqui” sasa.

Salmos 8:8

alajj chek thoknaker jamach'inaca, lamar kotanquir chawllanaca, lamar kotan take utjirinaca.

Jonás 1:17

Uccañcamasti, Tatitojj mä wali jach'a chawllwa waquichäna Jonasar mank'antañapataqui. Uqhamaw Jonasajj quimsa urumpi quimsa arumampi chawlla purac mankhancascäna.

Jonás 2:10

Ucatsti Tatitojj waquicharaquïnwa chawllajj waña orakeru Jonasar wak'sjjañapataqui.

Mateo 17:26

Pedrosti ucjjarojj sänwa: —Yakhanacaruwa —sasa. Jesusasti saraquïnwa: —Uqhamajj jupanquirinacajj janiw pagañapäquiti.

Mateo 18:6

“Qhititejj mä jisc'a wawanacaru juchar tincuntayanejja, uca jakejj walïspawa mä jach'a molino kalampi cuncar chinuntasina kota mankharu jakontatäñapajja.

Mateo 18:8

“Ucatpï sapjjsmajja, amparamatejj jan ucajj cayumatejj juchar puriyirjamächi ucajja, qharekam ucatsti jayaru liwtam; jumataquisti walïspawa jan amparani jan ucajj jan cayuniqui jacañaru mantañamajja, wiñaya akquir ninaru paypach cayunisa jan ucajj paypach amparani mantañat sipanjja.

Mateo 5:29

“Uca laycu, cupi nayramatejj juchar puriyirjamästam ucqhajja, apsusina jayar liwtam. Walïspawa mä nayrama janchiman chhakhañapaqui takpacha jañchima infiernor jakontatäñat sipansa.

Mateo 5:30

Jan ucajj cupi amparamatejj jan waliru puriyirjamästamjja, qharekasim ucatsti jayar liwtam. Walïspawa mä amparama janchiman chhakañapaqui, takpach janchima infiernor jakontatäñat sipansa.

Marcos 9:42

“Qhititejj nayar iyawsir jisc'a wawanacaru juchar puriyaspa ucqhajj, uca jakejj walïspawa mä jach'a molino kalampi cuncar chinuntasina kota mankharu jakontatäñapajja.

Marcos 9:43

Amparamatejj juchar puriyañ munstamjja, walïspaw qharekjjañamajja, ucatsti juc'amp sumäspaw wiñay jacañar ch'ulla amparan mantañamajja; pä amparanpacha infiernor mantañamat sipansa, jan jiwarir ninan naqhañat sipansa.

Lucas 17:2

Asquïsapänwa, uca jakejj mä molino kalamp cuncata chinuntasin kotar jakontatäñapajja, aca jisc'anacat maynir juchar puriyañapat sipansa.

Juan 6:61

Jesusasti uqham parlaquipasipjjatanacap yatisinjja jupanacarojj saraquïnwa: —¿Acajj mayjt'ayapjjtamti?

Romanos 14:21

Asquiwa jan aycha mank'añajja, ni vino umañasa, ni cuna luräwitejj jilamaru jucharu tincuntayirjamächi ucasa. Juchar puriyirjamächi, jan ucajj iyawsäwipan t'uqhasiyirjamächi ucjja jan luramti.

1 Corintios 8:13

Ucatpï, nayatejj jilajjaru mank'atajjampi juch luraysta ucqhajja, janipuniw aychjj mank'cäti jilajjar jan juch lurayañ laycu.

1 Corintios 8:9

Ucampis jumanacajj amuyasipjjam, ucatrac uca libre luratanacamampejj qhitinacatejj Tatitur iyawsañanjja pisi ch'amäsipqui ucanacarojj juchar puriyasipcasma.

2 Corintios 6:3

Janiraquiw qhitirus cuna jan walsa lurapcti, uqhamata nanacan luräwinacajjat jan walinac parlasipcañapataqui.

2 Corintios 8:9

Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.

1 Tesalonicenses 5:22

Take jan walinacat saraktapjjam.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.