Mateo 17:17 - Qullan Arunaca

¹⁷ Jesusasti saraquïnwa: —¡Pächasir jakenaca, jan wali amtaninacaraqui! ¿Cunapachcamarac jumanacampïscäjja? ¿Cunapachcamarac jumanacasti ch'am tucuyapjjetäta? Acawjaru uca waynaru irpanipjjam —sasa.

Aymar Bibliia 1986

¹⁷ Jesusasti saraquïnwa: —¡Pächasir jakenaca, jan wali amtaninacaraqui! ¿Cunapachcamarac jumanacampïscäjja? ¿Cunapachcamarac jumanacasti ch'am tucuyapjjetäta? Acawjaru uca waynaru irpanipjjam —sasa.

Qullan Arunaka DC

¹⁷ Jesusasti sarakïnwa: —¡Pächasiri, jan wali amtani jaqinaka! ¿Kunapachkamarak jumanakampïskästi? ¿Kunapachkamarak jumanakasti ch'am tukuyapxitätasti? Akawjar uka waynar irpanipxam —sasa.

Mateo 17:17 Jak'a apnaqawi uñst'ayäwi

Salmos 95:10

Pusi tunc maraw qhä jakenacataquejj k'apisïyäta, ucat säyäta: Aca marcajj wali pantjataw sarnake; ¡janiw arsutanacajjar jaysapquiti!, sasa.

Éxodo 10:3

Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: ‘¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui.

Éxodo 16:28

Tatitusti Moisesarojj sascaquïnwa: —¿Cunapachcamasa, camachi arunacajjaru, ni yatichäwinacajjarus jan ist'apquitäta?

Proverbios 1:22

‘Jan yatiñani, sawcasiri, pisi amuyt'an jakenaca, ¿cunapachcamaraqui pisi amuyt'añan sarnakapjjäta, sawcasiñanacamana cusisisa, yatiñarusa jisc'achasasti?

Proverbios 6:9

Jayra jake, ¿cunapachcamas iquiscäta? ¿Cunapachas iquit sartjjätajja?

Isaías 19:14

Tatituw jupanacjjaru churi pantjayiri ajayunaca; jupanacasti Egiptorojj pantat thaquinjamwa irpapjje, take cuna lurañapansa, cunjämatejj mä machat jakejj wak'jasi, liwinaktaraqui uqhama.

Jeremías 4:14

Jerusalén, ñankhanacatjja chuymam k'omachasim, uqhamatwa jumajj khespita uñjasïta. ¿Cunapachcamas p'ekemanjja amtäta jan wali amtañanacjja?

Números 14:11

Ucatsti Tatitojj Moisesarojj sänwa: —¿Cunapachcamas aca marcajj jisc'achascaquitani? ¿Cunapachcamas nayatjja pächasisipcaquini, jupanac taypina milagronac lurcta ucqhasa?

Números 14:27

—¿Cunapachcamas isch'uquëjja aca khoru israelitanacan parlatanacapjja? Niyaw istt'a nayjjat jan wali parlatanacapjja.

Mateo 13:58

Ucatwa jan walja milagronacjja ucanjja lurcänti, jupanacan jan juparu iyawsapjjatap laycu.

Mateo 16:8

Jesusasti ucjj amuyänwa, ucat jupanacarojj saraquïna: —¿Cunats: ‘Janiw t'ant'anïctanti’ sapjjtajja? ¡Wali pisiw jumanacan iyawsañanacamajja!

Mateo 17:16

Nayasti apantwa discipulonacaman nayrakataparu, ucampis jupanacajj janiw kollañatac ch'amanïpquiti —sasa.

Mateo 17:18

Ucapachaw Jesusajj uca ñankha ajayurojj tokenokäna, ucatsti uca waynatjja alissuraquïna. Waynasti ucspachaw c'umaräjjäna.

Mateo 6:30

Niyaquitejj Diosajj ucqha suma uca pankaranacarojj isthapiychejja jichhürojj pampancasqui ucat kharürusti ninaru phichhantatäñataquiqui ¡cunja juc'ampinacsa Diosajj jumanacataquejj luranejja, pisi iyawsañan jakenaca!

Mateo 8:26

Jupasti saraquiwa: —¿Cunatsa sinti ajjsarapjjta? ¡Jumanacan iyawsañanacamajj sinti pisiwa! —sasa. Sartasisinsti thayampiru kotampiruw tokenokäna, arsutaparusti thayajj t'acurawayjjänwa.

Marcos 16:14

Uca khepatsti Jesusajj tunca mayan discipulonacaparuw uñstäna mesan kont'atäsipquiriru. Jupanacarusti pisi iyawsañanïpjjatapatwa khant'äna, kala chuymanïpjjatapataraqui, Jesusan jactatap yatiyirinacaru jan iyawsapjjatap laycu.

Marcos 9:19

Jesusasti jupanacarojj sänwa: —¡Ay, jan iyawsañan jakenaca! ¿Cunapachcamas jumanacampiquïscäjja? ¿Cunapachcamarac jumanacasti ch'am tucuyapjjetäta? Irptanipjjam uca waynaru —sasa.

Lucas 24:25

Ucapachaw Jesusajj jupanacarojj saraquïna: —¡Cunja jan amuyt'irïpjjaracta jumanacasti, kala chuymaninaca cunatarac profetanacan arsutanacapar jan iyawsapjjtasti!

Lucas 9:41

Jesusajj saraquïnwa: —¡Ay, jan iyawsañan jan wali jakenaca! ¿Cunapachcamas jumanacampiquïscäjja, take acanac apjjäsisajja? Acar uca wawam irptanim —sasa.

Juan 20:27

Ucjjarusti Tomaserojj sänwa: —Luc'anamamp acaru llamct'am, amparanacajj uñjaraquim, amparam apanim ucatsti ch'illajj llamct'araquita. Iyawsam, jan pächasimti —sasa.

Hechos 13:18

Diosasti wasaranjja pusi tunca maraw apjjasïna jupanacan take casta jan wali luräwinacapatjja.

Hechos 2:40

Aca arunacampi, yakha arunacampi cunaw Pedrojj jupanacar ewjjt'äna, saraquïnwa: —Jethektapjjam aca ñankha jucharar jacañata —sasa.

2 Corintios 11:1

Nayajj muntwa jumanacajj llamp'u chuymampi nayar ist'apjjañama, nayajj mä lokhe jaker uñtatas parlctsa ucasa.

Deuteronomio 32:5

“Khoru chuymani ñankha jakenaca, Diosarojj ñankhachapjjtawa, janiraquiw wawapat uñt'atäñataquis asquïpctati.