Mateo 16:27 - Qullan Arunaca

²⁷ Jaken Yokapajj Awquipan jach'a munañapampiw angelanacapampi jutani, ucatwa sapa maynirus luratanacaparjama churjjani.

Aymar Bibliia 1986

²⁷ Jaken Yokapajj Awquipan jach'a munañapampiw angelanacapampi jutani, ucatwa sapa maynirus luratanacaparjama churjjani.

Qullan Arunaka DC

²⁷ Jaqin Yuqapax Awkipan jach'a munañapampiw, angelanakapampi jutani, ukatsti sapa mayniruw lurataparjam churani.

Mateo 16:27 Jak'a apnaqawi uñst'ayäwi

Job 34:11

Jupajj sapakatarusa luräwipatjamwa pago churi; sapakata jakerusa cunatejj waquisqui ucwa churaraqui.

Proverbios 24:12

Jumajj sascamsa: “Janiw cunsa yatcäyätti” sasa, ucampis Tatitojj chuymamjja uñt'iwa, yatiraquiwa cunjämattejj khespiyascasamäna ucsa. Tatituwa sapa mayni jakenacarusa luratapatjama churi.

Eclesiastés 3:17

Ucatsti nayajj sistwa: “Diosaquiw chekapar uñj-jjani, asqui jakerusa ñankha jakerusa, mä horasa utjatapata take cuna lurasïwitaquisa, uqhamarac take cuna lurañataquisa.”

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Jeremías 32:19

Jumajj amtäwinacamanjja jach'ätawa, luräwinacamansti ch'amaniraquïtawa. Jumaw sapa mayni jakeru luratanacap uñjtajja, ucatsti luratanacaparjamaraquiw cunsa churtajja.

Ezequiel 18:20

Qhititejj jucha lurqui ucaw jiwascanejja. Wawajj janiw awquin juchapatjja phokcaniti, awquis janiw wawan juchanacapatjja phokcaraquiniti. Asqui jakejj asqui lurataparjamaw suma wajjt'asïwi catokani, ñankha jakesti ñankha lurataparjamaraquiw mutuyäwi catokaraquini.

Ezequiel 7:27

Reyejj ch'iyar isimpiw isthapisini, marca apnakeristi llaquisiñaruw puriraquini, jakenacasti qhathatipjjaraquiniwa. Sarnakäwinacaparjamaw jupanacarojj uñjaraquëjja, cunjämtejj jupanacajj mayninacaru uñjapqui uqhamaracwa jupanacarojj uñjäjja. Uqhamatwa jupanacajj yatipjjani nayan Tatitütajja” sasa.

Daniel (hebreo) 7:10

Jupa nayrakatatsti mä nina jawirjamaw misturaquïna. Waranka warankanacaraquiw juparojj sirvipjjäna, millón millonanacaraquiw jupa nayräjjan sayt'atäpjjäna. Tribunalasti uca tantachasïwin parlañanacjja kalltayjjaraquïnwa, libronacasti jist'arasiraquïnwa.

Zacarías 14:5

Jumanacasti uca pä kollu taypin valle kheparcanejja ucanjama jaltjjapjjaraquïta, ucasti puriniwa maysäjjanquiri Azal orakcama. Jumanacasti jaltjjapjjätawa cunjämatejj nayra awquinacamajj Uzías rey Judá marca apnakcän ucqhajj orake qhatati sartipanjja jaltjjapjjänjja uqhama. Tatitu Diosajjasti takpacha cheka jakenacampiw jutani.

Mateo 13:41

Jaken Yokapasti angelanacaparojj qhitaniraquiniwa, Diosan reinopata take juchanacar tincuyiri jakenacar apthapiri, uqhamarac qhitinacatejj jan asqui lurapqui ucanacarusa.

Mateo 13:49

Uqhamaraquiw lurasini acapachan tucusiñap urunjja, angelanacaw asquimpi, jan asquimpjja jaljiri jutani.

Mateo 24:30

Ucapachaw alajjpachan mä chimpojj uñstanini Jaken Yokapata. Take marcan jaquir jakenacasti ucapachaw jachapjjani, Jaken Yokaparusti uñjapjjaraquiniw kenayjjan jutasquiri jach'a ch'amapampi, uqhamarac jach'a c'ajquir cancañapampi.

Mateo 25:31

“Cunapachatejj Jaken Yokapajj reyjama jutcani ucapachajja, angelanacapampi muyuntataw jupajj kont'asini tronoparojja take ch'aman cancañapampi.

Mateo 26:64

Jesusasti saraquïnwa: —Jïsa nayätwa, cunjämtejj jumajj sisctas ucajja. Sapjjaracsmawa, uñjapjjaraquïtawa Jaken Yokaparojj ch'aman Diosan cupëjjapan kont'atäsquiri, uqhamarac alajjpachat kenayjjan sarakasinquiri.

Mateo 8:20

Jesusasti juparojj saraquïnwa: —Kamakenacas putunacaniwa, jamach'inacasti tapanacaniraquiwa, ucampis Jaken Yokapajj janiw cawqharu p'ekepa samart'añataquis mä chekajj utjquiti —sasa.

Marcos 14:62

Jesusasti sänwa: —Jïsa, nayätwa. Jumanacajj Jaken Yokaparojj uñjapjjätawa, jach'a ch'aman Diosan cupëjjapan kont'ata, ucatsti alajjpach kenay taypin jutasquiri —sasa.

Marcos 8:38

Maynitejj nayatsa arunacapjjatsa p'enkasinejja aca jucharar jakenacan nayrakatapanjja, Jaken Yokapajj jupatjja p'enkasiraquiniwa cunapachatï Awquipan jach'a cancañapampi, kollan angelanacapampi jutcan ucqhajja.

Lucas 21:27

Ucapachaw Jaken Yokaparu uñjapjjani, kenay patan ch'amampi, jach'a cancañapampi jutasquiri.

Lucas 22:69

Jichhatpachaw Jaken Yokapajj take ch'aman Diosan cupëjjapan kont'atäni —sasa.

Lucas 9:26

Maynitejj nayat p'enkaschitu, uqhamarac arunacajjatsa ucajja, Jaken Yokapajj jupatjja p'enkasiraquiniwa cunapachatï Reyjam jutcani Awquipan jach'a cancañapampi, uqhamarac kollan angelanacampi ucqhajja.

Juan 21:22

Jesusasti sänwa: —Nayatejj muniristjja jupan jacañapa nayan cutt'aniñajjcama, ¿cuna waquisiris ucajj jumataqui? Jumajj arquita —sasa.

Juan 21:23

Ucatsti jupanacpuraw yatiyquipasipjjäna: “Uca discipulojj janiw jiwcaniti” sasa. Ucampis Jesusajj janiw siscänti: “Janiw jiwcaniti” sasajja, jan ucasti sänwa: “Nayatejj muniristjja jupan jacañapa nayan cutt'aniñajjcama ¿cuna waquisiris ucajj jumataqui?” sasa.

Hechos 1:11

Uca chachanacasti Jesusan apostolonacaparojj sänwa: —Galileanquir jakenaca, ¿cunats alajjpachar uñch'uquisipcta? Cunjämtejj jumanac taypit Jesusar alajjpachar maqhatquir uñjapctajja, uqhamaraquiw jupajj wasitat cutt'anini —sasa.

Romanos 14:12

Uqhamajj take maynipï Diosarojj luräwinacasat cuenta churañänejja.

Romanos 2:6

Ucapachasti Diosajj churaniwa sapa maynirus luräwiparjama.

1 Corintios 15:23

Ucampis sapa mayniw horasapar sartani. Cristow nayrakata jactejja nayrakata achur uñtata, ucjjarusti cunapachatejj Cristojj jutcani ucqhajj jupar iyawsirinacaraquiw jactapjjaraquini.

1 Corintios 3:13

Sapa maynin luräwipasti taripañ urunwa sum uñstjjani. Uca urojj ninampiwa sapa maynin luräwipajj yant'atäni, uca ninaraquiwa khanstayani cunjämas sapa maynin luräwipajj ucjja.

1 Corintios 8:8

Cuntï mank'ctan ucajj janiw Diosatjja jayarst'ayquistuti. Janiw mank'asati asquïcañänejja, ni jan mank'asas jan asquïcaraquiñänejja.

2 Corintios 5:10

Criston tribunalap nayrakatarusti takeniw uñstañäni, sapakat maynis catokañapataqui cunatejj wact'qui uca, walsa jan walsa jacäwipanjja lurataparjama.

Efesios 6:8

Sapa maynis yatjjapjjtawa, esclavosa, khespitasa, asqui luratanacapatjamwa Tatitutjja catokapjjani.

Colosenses 3:25

Ucampis jan wali lurirejja jan wali luratapatjja pago catokaraquini. Diosasti takeniruw uñji, janiraquiw qhitirus yakhachcaspati.

1 Tesalonicenses 1:10

Uqhamaraquiw parlapjje jumanacatjja cunjämtejj Jesusar alajjpachat cutt'aniñap suyapcta ucsa, cawquïrirutejj Diosajj jiwatanac taypit jactaycänjja ucaru. Jupaw ajjsarcañ mutuña jutqui ucatjja khespiyistu.

1 Tesalonicenses 4:16

Tatit pachpawa alajjpachat sarakanini, arcangelan art'ataparu, Diosan trompetap phust'ataparu. Cristor iyawsasa jiwirinacajja nayrakatwa jactapjjani;

Santiago 5:7

Ucatpï jilatanaca, jumanacajj llamp'u chuymanïpjjamay Criston jutañapcama, yapu jakejj llamp'u chuymampiw jallupachan kalltañapjja suyt'i, ucatsti jall sarjjepansti yapu apthapjjaraqui.

1 Pedro 1:17

Jumanacajj Diosarojj “Awqui” sapjjtawa. Diosasti take jakenacarojj sapa maynirusa chekapwa uñjani, ucatpï jumanacajj Diosar ajjsarapjjañamajja aca oraken jaccasinjja.

1 Juan 2:28

Jichhasti wawanaca, mayac Cristompi sayt'apjjam, uqhamat juparu iyawsañampi catokañäni cunapachatejj wastat uñstancani ucqhajja, jupan nayrakatapan jan p'enkachat uñjasipjjañasataqui.

Judas 1:14

Adanat kheparojj pakallköricäns uca Enoc chachajj Diosan amuyt'ayataw parläna ucanacatjja, cunapachatï säna: “Uñjtwa Tatitur jupanacanquirinacampi waranka warankanacampi jutasquiri,

Apocalipsis 1:7

¡Uñtapjjam, Tatitojj kenay patanjam jutasqui! Takeniw uñjapjjani. Jupar chhojjriñchirinacas uñjapjjaraquiniwa. Take marcanacasti jupar uñjasajj wal jachapjjani. Jïsa, uqhampunïscaniwa.

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.

Apocalipsis 20:12

Jiwatanacarusti jisc'arus jach'arus jupan nayrakatapan sayt'ata uñjta. Libronacasti jist'aratänwa, uqhamarac yakha librosa. Uca librosti jacañ libro satawa. Jiwatanacasti luräwinacaparjam uñjatäpjjänwa, cunjämtï uca libronacan kellkatäcänsa uqhamaru.