Mateo 15:29 - Qullan Arunaca

²⁹ Jesusajj uca chekat mistunjjasinjja Galilea kota thiyaracwa jutascäna. Ucatsti mä kollur maqhatasinwa kont'asiraquïna.

Aymar Bibliia 1986

²⁹ Jesusajj uca chekat mistunjjasinjja Galilea kota thiyaracwa jutascäna. Ucatsti mä kollur maqhatasinwa kont'asiraquïna.

Qullan Arunaka DC

²⁹ Ukawjat mistusinsti, Jesusax Galilea quta thiyaruw purïna; ukatsti mä qullur makhatasin qunt'asïna.

Mateo 15:29 Jak'a apnaqawi uñst'ayäwi

Isaías 9:1

Ucampis janiraquiw ch'amacajj wiñayataquïcaniti qhititejj llaquisiñancqui ucatakejja, cunjämatejj t'akhesiñajj mä tiemponjja Zabulón orakeru, Neftalí orakerusa wact'änjja uqhama, jan ucasti kota thiyanjam sarasquir thaquejj mä jach'a khanampi khant'atäniwa, Jordán jawirat maysa toketpacha, cawqhantejj jan Diosar uñt'ir marcanacajj jacapqui uca Galilea orakena.

Mateo 13:2

Cunjämatejj walja jakenaca tantachasipjjänjja, ucatwa Jesusajj barcor mantasinjja kont'asi, jakenacasti kota thiyancasipcaraquïnwa.

Mateo 4:18

Jesusasti Galilea kota thiyanjamwa sarascäna, uñjaraquïnwa pani chachanacaru; maynïristi Simón satänwa, yakha sutipasti Pedro; maynipäquis ucajj Andrés jilapänwa. Jupanacasti käna kotaruw jakontasipcäna.

Mateo 5:1

Jesusajj walja jakenaca uñjasinjja, mä kolluru maqhatasinwa kont'asïna. Ucatsti discipulonacapajj jupan ucaruw jutapjjaraquïna.

Marcos 1:16

Jesusajj Galilea kota thiya sarcasinwa, Simonaru uñjäna, Andrés jilapampiru, känap kotar jakontasipquiri, jupanacasti chawlla caturïpjjänwa.

Lucas 5:1

Mä cutejj Jesusajj Genesaret kota thiyancascänwa; ucarusti walipuniw jakejj tantthaptanïna wali ñekjjasiñcama Diosan arunacap ist'añataqui.

Juan 21:1

Acanac pasatatsti, Jesusajj wasitampiw discipulonacaparu uñstäna Tiberias sat kota thiyana. Aqhamwa uñstäna.

Juan 6:1

Uca pasatatsti Jesusajj sarawayjjänwa Galilea kotat mayscataru, uca kotasti Tiberias sataraquiwa.

Juan 6:23

Ucchañcamasti yakha botenacaw Tiberias marcatjja purini, cawqhantejj Tatitojj yuspagarcäna, uqhamarac jupanacajj t'ant'a mank'apcänjja ucawjaru.

Josué 12:3

Jordán jawirat inti jalanta tokerus atipjaraquïnwa, Cineret kota chekata Mar Muerto ucacama, Bet-jesimot toketpacha, ucatsti Pisga sat kolluta aynach tokecama.