Mateo 15:27 - Qullan Arunaca

²⁷ Ucampis uca warmejj Jesusarojj sänwa: —Jïs, Tata. Ucampis anunacajj uywirinacan mesapat jalaktquis uca t'ant'a puchunacsa mank'asiraquiwa —sasa.

Aymar Bibliia 1986

²⁷ Ucampis uca warmejj Jesusarojj sänwa: —Jïs, Tata. Ucampis anunacajj uywirinacan mesapat jalaktquis uca t'ant'a puchunacsa mank'asiraquiwa —sasa.

Qullan Arunaka DC

²⁷ Warmisti Jesusarux saskakïnwa: —Tatay, ukax chiqapunïskiwa; ukampis anunakax uywiripan manq'äwipat jalaqtir t'ant'a puchunaksa manq'apxchixaya —sasa.

Mateo 15:27 Jak'a apnaqawi uñst'ayäwi

Génesis 32:10

Janiw cuna asquïctsa juman nayar qhuyapayasiñamampi, uqhamarac cheka cancañamampi uñjatäñataquejja. Nayajj aca Jordán jawira pasayäta, thujru ayt'ata mayaqui, jichhasti pä tama yänacaniw jicjjatasta.

Ezequiel 16:63

Jumasti amtasisajj wal p'enkasïta, jisc'achatäcasmas uqhamaw amuyasiraquïta, janiw arsuscaraquïtasa cunapachatejj nayajj jumar perdoncäma ucapachajja. Naya Tatituw ucjja arsta.’ ”

Daniel (hebreo) 9:18

Ist'apjjet Tata, nanacan Diosajja; nanacan aynacht'atanacajjarusti uñtanipjjaraquita, cawquïri marcatejj sutima apqui uca marcan aynacht'atapsa. Janiw nanacan asquïpjjatajj laycutejj jumaru mayisinipcsma, jan ucasti juman jach'a qhuyapayasiñam laycuw mayisinipjjsma.

Mateo 15:26

Ucjjarojj Jesusajj saraquïnwa: —Janiw walïquiti wawanacat t'ant'a apakasin ankanquir anunacar churañajja —sasa.

Mateo 15:28

Jesusasti juparojj sänwa: —Warmi, ¡cunja jach'as iyawsañamajja! Cunjämtejj muncta uqhamay luraspan —sasa. Ucspachaw uca warmin phuchapajj c'umaraptjjäna.

Mateo 5:45

Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Mateo 8:8

Capitanasti ucjjarojj saraquïnwa: —Tata, janiw asquïcti jumajj nayan utajjaru mantañamataquejja, jan ucasti lacamampiquiy arsumjja uywatajjan c'umaraptañapataqui.

Marcos 7:28

Warmisti Jesusarojj saraquïnwa: —Uqhamaw Tata, ucampis jisc'a anunacamppachaw mesa mankhat suyasinjja, mank'apjje, wawanacas jalaktayquis uca mank'a t'unanacjja —sasa.

Lucas 16:21

Aca pobresti kamirin mesapat jalaktirinacampiw sist'asiñ munäna; anunacaw jutasin llejjtinacapjja jallk'apjjerïna.

Lucas 18:13

Ucampis impuesto cobrirejj jayaruwa kheparjjäna, janiraquiw alajjpachar uñtañs muncänti, jan ucasti jupapachaquiw chuymap lek'esïna, saraquïnwa: ‘Oh Dios, naya juchararat qhuyapayasita’ sasa.

Romanos 10:12

Janiraquiw yakha yakhäñajj utjquiti judionacataquejja, ni yakhanacampisa, jupaquiraquiw takenin Tatitupajja take jupar art'asqui ucanacarusti take cuns churaraquiwa.

Romanos 3:19

Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.

Romanos 3:29

¿Diosasti judionacan Diosapaquiti? ¿Janit jan judiöpquis ucanacan Diosapäcaraquejja? Chekpachansa jupanacan Diosaparaquiwa.

Romanos 3:4

Janiw cunäquipansa, jan ucasti Diosajj take cunsa chekaparjamaw luraraqui, jakenacajj c'arisisipcpansa. Ucatpï arunacapajj aqham saraquejja: “Arsutanacam laycuw chekan uñt'atäyäta. Taripatäcät ucqhasti atipätawa.”

Efesios 3:19

Mayiractwa, Criston uca munasiñap uñt'apjjañamataqui uca munasiñapajj take cuntejj uñt'ctan ucat sipansa sinti jach'awa jan tucusquiriraquiwa, uqhamat Diosampi phokhantatäpjjañamataqui.

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.