Mateo 15:2 - Qullan Arunaca

² —¿Cunatsa juman discipulonacamajj nayra awquinacasan yatichäwipjja jan phokhapquejja? Janiraquis mank'añataquejj amparanacapjja jarekasipquitejjä —sasa.

Aymar Bibliia 1986

² —¿Cunatsa juman discipulonacamajj nayra awquinacasan yatichäwipjja jan phokhapquejja? Janiraquis mank'añataquejj amparanacapjja jarekasipquitejjä —sasa.

Qullan Arunaka DC

² —¿Kunatarak juman yatiqirinakamasti nayra awkinakasan yatichäwipar jan yäqapkisti? ¿Kunatarak manq'añatak amparanakap jan jariqasipkisti? —sasa.

Mateo 15:2 Jak'a apnaqawi uñst'ayäwi

Génesis 1:14

Diosasti saraquïnwa: “Alajjpachanjja khananacajj utjpan, urumpi arumampi yakhachañataqui, uca khanasti tiemponaca, urunaca, maranaca señälañataquiraquïpan. Uqhamaraqui alajjpachat aca oraker khananiñapataquiraqui” sasa. Ucatsti uqhampuniw lurasïna.

Ester (hebreo) 3:3

Uqham uñjasinsti take reyin sirvirinacapasti Mardoqueorojj jisct'apjjänwa “¿cunatsa jan jaysañ muncta reyin arsutaparojja?” sasa.

Mateo 15:3

Jesusasti jupanacarojj jisct'araquïnwa: —Jumanacasti ¿cunataraqui Diosan camachinacapsti jan phokhapjjaractasti, awquinacaman amtäwinacaparuqui arcañataquisti?

Marcos 7:2

Ucanacasti Jesusan yakhep discipulonacaparojj amparanacap jan jarekasisa mank'er uñjasinjja jisc'achapjjänwa, mank'añataquejj jan amparanacapjja yatichäwinacarjam jarekasipjjatap laycu.

Marcos 7:5

Ucatpï fariseonacampi ley yatichirinacampejj Jesusar jisct'apjjänjja: —¿Cunatsa discipulonacamajj nayra awquinacasan sarnakäwinacaparjama jan phokhapjje? ¿Cunatarac mank'añataquisti amparanacap jan jarekasipjjesti? —sasa.

Lucas 11:38

Fariseojj wal muspharasïna, mank'añataqui ampar jarekasiñ ley jupan jan phokhatapata.

Gálatas 1:14

Judionacan religionapanccäyät ucqhajja, walja nayamp chica marca masinacajjatjja take cunansa nayrancäyätwa. Nayasti awquinacajjan saräwinacap wali chekapar phokhañ munirïyätwa.

Colosenses 2:8

Wal amuyasipjjam, janiraqui sallkjayasipjjamti qhitinacatejj c'ari amuyt'anacapampi sallkjañ munapjjtam ucanacampejja. Jupanacasti janiw Tatitur iyawsapquiti, jan ucasti jakenacan sarnakäwinacaparu, amtatanacaparuquiw phokhapjje cuna tokensa.

1 Pedro 1:18

Diosasti jumanacarojj khespiyanipjjtamwa uca ina ch'usa jacaña nayra awquinacamata catokapcta ucata. Jumanacasti sumwa yatipjjaractajja uca khespiyasiñajj janiw tucusir korimpis kollkempis alatäquiti,