Mateo 14:23 - Qullan Arunaca

²³ Jakenaca qhitanucjjatatsti, jupajj sapaquiw kolluru oración luriri maqhatawayjjäna. Ucancascaraquïnwa arumt'añapcama.

Aymar Bibliia 1986

²³ Jakenaca qhitanucjjatatsti, jupajj sapaquiw kolluru oración luriri maqhatawayjjäna. Ucancascaraquïnwa arumt'añapcama.

Qullan Arunaka DC

²³ Jaqinak khithanukxasinsti, Jesusax sapakiw qulluru Diosat mayisir makhatäna. Arumt'añapkamaw ukan sapaki Diosat mayisiskäna.

Mateo 14:23 Jak'a apnaqawi uñst'ayäwi

Mateo 26:36

Jesusasti Getsemaní sat chekaruw discipulonacapampi purïna, jupanacarusti saraquïnwa: —Acawjaru kont'asipjjam, nayasti oración luririw sarä —sasa.

Mateo 6:6

Jumajj mayiscätas ucqhajja, utamar mantam; puncum jist'antasisinsti mayisiraquim Awquimata qhititejj jumampïsqui ucaru. Awquimasti uñjasctamwa jamasan mayisisquirjja, ucatsti jupajj mayisitamarojj ist'ätamwa.

Marcos 1:35

Willjtanjjepansti Jesusajj ch'amac ch'amacaw marca thiyaru mistüna mä wasar chekaru, ucansti Diosat mayisïna.

Marcos 6:46

Jakenacar qhitanucjjasinsti, Jesusajj kolluruw saräna Diosat mayisiri.

Lucas 3:21

Juanajj take jakeru bautisascäna ucapachajja, Jesusajj bautisataraquïnwa; ucatsti jupa oración lurquïpanwa alajjpachajj jist'artäna.

Lucas 5:16

Ucampis Jesusajj wasar chekanacaruw sarjjäna, uca chekansti oración luräna.

Lucas 6:12

Uca urunacansti Jesusajj mä kolluruw oración lurir saräna, ucan jupajj arum pakariw Diosat mayisïna.

Lucas 9:18

Mä urojj sapaquiw Jesusajj Diosat mayisiscäna; ucaruw discipulonacapajj jutapjje, ucat Jesusajj jupanacar jisct'äna: —Jakejj ¿qhitiw sapjjetus nayarojja? —sasa.

Lucas 9:28

Acanac satapat quimsakallko uru sarakatarjamaw Jesusajj mä kollur oración lurir maqhatäna Pedrompi, Santiagompi, Juanamp cuna.

Hechos 6:4

Nanacasti Diosat mayiñaruw juc'amp uscusipjjä, uqhamarac jupan arunacap yatichañaru —sasa.