Mateo 13:46 - Qullan Arunaca

⁴⁶ Cunapachatejj mä wali jila alan perla jicjjati ucqhajja, take cunatejj jupan utjquis uca aljantasinwa uca perla alasjje.

Aymar Bibliia 1986

⁴⁶ Cunapachatejj mä wali jila alan perla jicjjati ucqhajja, take cunatejj jupan utjquis uca aljantasinwa uca perla alasjje.

Qullan Arunaka DC

⁴⁶ kunapachatix wali jila alan llijkir mä qala jikxatki ukkhasti, taqi yänakap aljantasin uka llijkir qal alasxi.

Mateo 13:46 Jak'a apnaqawi uñst'ayäwi

Proverbios 2:4

kollkerjama, jila alani imat yänacarjama, thakaraquïta ucqhajja,

Isaías 33:6

wiñayataquiw jupajj imaraquini. Yatiñ cancañampi yatjjatañampisti mä suma kamir yänacjamawa, khespiyaraquiwa, Tatitur ajjsartañasti kamir cancañat sipansa juc'ampi sumawa.

Mateo 13:44

“Diosan reinopajj cunjämatejj mä korejj oraken imantatäquis ucamp sasiwa. Mä jakew uca imantat kori jicjjati, ucatsti uca pachparuw wasitat imantjjaraqui, ucatsti cusisitaw take cunatejj jupan utjquis ucanac aljantasin uca orakjja alasjje.

Mateo 13:45

“Diosan reinopajj cunjämatejj mä alaquipa jakejj suma perlanaca thakqui ucamp sasiwa.

Mateo 13:47

“Diosan reinopajj cunjämatejj mä känajj kotar jakontatajj take casta chawllanaca catsojja ucamp sasiwa.

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

Gálatas 6:14

Ucampis nayajj janiw cunatsa jach'ar tucuñ muncti, jan ucasti jiwasan Tatit Jesucristosa crusan jiwatapatacwa jach'aru tucuñajjajj utjitu. Criston crusap tokequiwa nayataquejj acapach luräwinacajj jiwata, nayasti acapach luräwinacataquejj jiwataraquïtwa.

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

Colosenses 2:3

Uca Criston imantatäscaraquiwa take yatiñasa, amuyt'asiñasa.

Apocalipsis 18:12

Ucanacasti acanacänwa: kori, kollke, suma kalanaca, perlanaca, linot lurata suma telanaca, uqhamarac suma seda telanaca, suma wila morado coloranaca, suma k'aphini maderanaca, marfilat lurat yänaca, suma maderanaca, bronce, hierro, uqhamarac marmolasa.

Apocalipsis 21:21

Tunca payani puncusti perlat luratänwa. Sapa puncuwa mä perlänjja. Uca marcan jach'a callepasti koricamaquiraquïnwa, mä suma khanquiri vidrior uñtata.