Mateo 13:39 - Qullan Arunaca

³⁹ Jan wali jathampi phawantirïqui ucasti, pachpa supayawa. Yawthapiña horasasti acapach tucuscan uca uruwa, uca yapu apthapiristi angelanacawa.

Aymar Bibliia 1986

³⁹ Jan wali jathampi phawantirïqui ucasti, pachpa supayawa. Yawthapiña horasasti acapach tucuscan uca uruwa, uca yapu apthapiristi angelanacawa.

Qullan Arunaka DC

³⁹ jan wali jathampi phawantirix pachpa supayawa. Yawthapiñ pachasti akapach tukuskan uka uruwa, yapu apthapiristi angelanakawa.

Mateo 13:39 Jak'a apnaqawi uñst'ayäwi

Daniel (hebreo) 7:10

Jupa nayrakatatsti mä nina jawirjamaw misturaquïna. Waranka warankanacaraquiw juparojj sirvipjjäna, millón millonanacaraquiw jupa nayräjjan sayt'atäpjjäna. Tribunalasti uca tantachasïwin parlañanacjja kalltayjjaraquïnwa, libronacasti jist'arasiraquïnwa.

Joel 3:13

Jupanacasti wali khorunacäpjjewa, k'ellurat trigor uñtat yawthapipjjam, cosech apthapiñasti horasäjjaraquiwa; uvarjam ch'irwsupjjam, vino lurañataquisti waliquëjjaraquiwa.

Mateo 12:32

Qhititejj Jaken Yokap contra parlcan ucajja, perdonatäniwa, ucampis qhititejj Kollan Ajayu contra jan walinac parlcanejja, janiw perdonatäcaniti, acapachansa ni qhäpachansa.

Mateo 13:22

Ch'aphi taypinacar jalantat jatha misturisti acamp sasiwa: Suma arunac ist'casinsa, sintwa llaquisipjje acapach yänacatsa, kollketsa. Take ucanacasti juparojj atipjiwa, suma arunacasti janiraquiw jupan chuymapanjja jiltcaspati.

Mateo 13:25

Ucampis cunapachatejj takeni iquisipcäna ucapachawa mä uñisirejj jutasina jan wali kora jathampi phawantawayi.

Mateo 13:28

Yapunisti jupanacarojj siwa: ‘Mä uñisiriw ucjja luri’ sasa. Jupanacasti jisct'asipcaquiwa: ‘¿Muntati nanacan korsuri sarapjjañajj-jja?’ sasa.

Mateo 13:40

Cunjämtejj jan wali koranacajj apthapisejja ninaru phichhantañataquejja, uqhamaraquiw lurasini acapachan tucusiñap urunjja.

Mateo 13:49

Uqhamaraquiw lurasini acapachan tucusiñap urunjja, angelanacaw asquimpi, jan asquimpjja jaljiri jutani.

Mateo 24:3

Jupanacasti Olivos sat kolluruw mistjjapjjäna. Ucan Jesusajj kont'atäsquipanwa discipulonacapajj mä jisct'a jamasat jisct'apjjäna: —Nanacajj munapjjtwa yatiña cunapachatï take acanacajj pascani ucanaca. ¿Cawquïrïnis chimpojja jumajj cutt'ancät ucqhajja, uqhamarac acapach tucuscan uca urutsa? —sasa.

Mateo 25:31

“Cunapachatejj Jaken Yokapajj reyjama jutcani ucapachajja, angelanacapampi muyuntataw jupajj kont'asini tronoparojja take ch'aman cancañapampi.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

1 Corintios 10:11

Take acanacaw nayra awquinacasarojj pasatayna. Ucanacasti kellkatawa jiwasanacan amuyt'asipjjañasataqui, ucatsti jan uqham lurañasataqui.

2 Corintios 11:3

Cunjämatejj catarejj Eva warmirojj wali c'arinacapampi sallkjänjja, uqhamaraquiw nayajj jumanacatjja llaquista: “Acanacajj amtäwinacapan sallkjayasipcanicha” sasa, uqhamäspa ucajj jumanacajj saraktasjjapjjasmawa, Cristor k'oma chuymampi sirviñatjja.

2 Corintios 2:17

Nanacajj janiw Diosan arunacapjja mä alaquip lurañar uñtata churapcti, cunjämatejj yakhepanacajj lurapjje uqhama. Diosan arunacapjja take chuymaw yatiyapjjta, Diosan qhitatanacapjama, Dios nayrakatan parlasa, Cristonquir jakenacjamaraqui.

Efesios 2:2

Acapachan sarnakäwinacaparjamaw jacasipcäyäta, cawquïri ajayutejj ñankha ajayunacaru apnakqui, uqhamarac ch'amañchqui Diosar jan ist'irinacarusa, uca ajayun munañap lurasina.

Hebreos 1:2

Jichhasti aca khepa urunacanjja, Yokap tokew parlaraquistu. Diosaraquiw aca oraksa luri aca Yokap toke, uqhamarac take cuns jupar jaytaraqui.

Hebreos 9:26

Uqhamäsapän ucajja walja cutiraquiw jiwañapäsapänjja aca orake kalltatpachjja. Jichhajj take uca urunac phokhasisquipanjja, Cristojj mä sapa cutiquiw pacha tucuyar uñstani, jupapachparaquiw mä sacrificio loktasiwayi take juchanac apakañataqui.

1 Pedro 5:8

Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.

Judas 1:14

Adanat kheparojj pakallköricäns uca Enoc chachajj Diosan amuyt'ayataw parläna ucanacatjja, cunapachatï säna: “Uñjtwa Tatitur jupanacanquirinacampi waranka warankanacampi jutasquiri,

Apocalipsis 12:9

Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.

Apocalipsis 13:14

Nayrïri jach'a ajjsarcañ animal nayrakatana uca uñacht'äwi lurañapatac munañanïña churatätap tokesti, take aca oraken jaquirinacaruw sallkjäna. Ucatsti jakenacarojj mä c'ari diosa lurayaraquïna nayrïri jach'a ajjsarcañ animalar uñtata, cawquïritejj espadampi chhojjriñchjatäsina jacayascjjataynas ucar uñtata.

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.