Mateo 13:35 - Qullan Arunaca

³⁵ Take acanacasti phokhasiscänwa cunjämtejj profetajj kellkatayna ucarjama: “Uñtasïwinac toke parlä; cunanacatejj imantatäqui orak kalltäwitpacha ucanac saraquï.”

Aymar Bibliia 1986

³⁵ Take acanacasti phokhasiscänwa cunjämtejj profetajj kellkatayna ucarjama: “Uñtasïwinac toke parlä; cunanacatejj imantatäqui orak kalltäwitpacha ucanac saraquï.”

Qullan Arunaka DC

³⁵ Taqi akanakasti kunjämtix profetax qillqkatayna ukarjamaw phuqhasiskäna: “Uñtasïwinak tuqiw parlä; kunanakatix uraqi qalltäwitpach imantatäkän ukanak yatiyä.”

Mateo 13:35 Jak'a apnaqawi uñst'ayäwi

Salmos 49:4

säwinac ist'añaruw uchasï; chuymajjan imantat arunacsti arpamp chicaw arsuraquï.

Salmos 78:2

säwinac tokew arsü, nayra pachatpach imantatanac parlä.

Isaías 42:9

Amuyapjjam, cunjämsa phokhasisqui cuntejj nayratpach yatiycta ucajja, jichhasti machak yatiyäwinac yatiyaraquëjja, ucanacsti janïra uñstquipanwa jumanacarojj yatiyapjjsma.”

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Mateo 13:14

Uqhamwa cuntejj Isaías profetajj arsuwaycatayna ucajj phokhasi: ‘Jumanacajj ist'casinsa janiw amuyapcätati, uñjcasinsa janiw uñjapcaraquïtati.

Mateo 13:3

Jupasti walja yatichäwinacwa yatichäna, uñtasitanac toke. Saraquïnwa: “Mä yapuchir jakew phawir mistu.

Mateo 25:34

Ucapachaw cupëjjapancquis ucanacarojj sani: ‘Jutapjjam, jumanacajj Awquejjan bendicitanacapa, catokapjjaraquimay wiñay jacañjja jumanacataqui waquichatäquis uca, cawquïritejj aca orake kalltatpacha luratäqui.

Mateo 5:2

Jesusasti aqham sasaw yatichañ kalltäna:

Lucas 10:14

Ucampis jumanacajj taripäwi urunjja juc'amp mutuña catokapjjäta Tiro, Sidón marcanacat sipansa.

Juan 17:24

“Awquiy, jumaw jupanac churista. Jichhajj muntwa nayajj cawquinccätejja, jupanacajj ucancapjjañaparaqui, jumajj jach'a cancañwa churista uc uñjapjjañapataqui, jumasti janïra acapachajj utjquipanwa munasista.

Hechos 15:18

“Uqham siw Tatitojja. Jupasti nayratpachaw take ucanacjja jakenacar yatiyi.”

1 Corintios 2:7

Diosan yatiñ cancañapatwa parlapjjtjja, uca Diosan amtatapasti jan amuyt'cayawa. Aca orakejj janïra utjcän ucqhatpachracwa Diosajj ucanacjja amtäna jiwasan khespiyasiñasataqui, wiñayan wiñayapataqui.

Efesios 3:5

Pasïr maranacanjja janiw qhitirus uca jan amuyt'caña imantata arunacajj yatiyatäquiti, ucampis jichhajj Diosajj uñacht'ayiwa kollan apostolonacaparu, profetanacaparu Ajayup toke.

Efesios 3:9

Nayaruw qhititu, nayra urunacatpacha cunäcäntejj Diosan amtäwipajj uca imantatanac jumanacar yatiyañataqui, uca Diosaw take cunsa luraraqui.

Hebreos 1:1

Nayra urunacanjj Diosajj awquinacasarojj walja cutiwa parläna cunayman toketa profetanac toke.

Apocalipsis 13:8

Take qhitinacatejj aca oraken jacapqui, uqhamarac kalltatpacha sutinacapas jiwquis uca Corderon jacañ libropan jan kellkatäpquis ucanacajja, uca jach'a ajjsarcañ animalaruw yupaychapjjani.

Apocalipsis 17:8

Uca ajjsarcañ animal uñjctas ucajj nayrapachajj jaccäna ucawa, jichhasti ucajj janiw jaccjjeti. Ucampis aca orak mankhatwa mistunini janïra jiwañaru sarcasajja. Qhitinacatejj oraken jacasipqui ucat janiraqui sutinacapajj jacañ librona kellkatäquiti aca orake kalltäwitpacha ucanacajja, uca ajjsarcañ animal uñjasajj wali sustjasipjjani. Uca ajjsarcañ animalasti nayraw utjäna, jichhasti janiw utjcjjeti, ucampis ucapachajj uñstaniniwa.