Mateo 13:32 - Qullan Arunaca

³² Chekpachansa mostazajja take jathanacat sipansa sinti jisc'awa, ucampis cunapachatejj alsuni ucatsti jiltasinjja, pankar yapun take kokanacat sipansa, jach'a kokaw tucu. Jach'a kokätap laycusti jamach'inacas tapanacwa ucan lurasiraqui” sasa.

Aymar Bibliia 1986

³² Chekpachansa mostazajja take jathanacat sipansa sinti jisc'awa, ucampis cunapachatejj alsuni ucatsti jiltasinjja, pankar yapun take kokanacat sipansa, jach'a kokaw tucu. Jach'a kokätap laycusti jamach'inacas tapanacwa ucan lurasiraqui” sasa.

Qullan Arunaka DC

³² Chiqpachansa mostaza jathax taqi jathanakat sipan sinti jisk'akiwa; ukampis alsunisin jiltki ukkhasti, panqar yapun taqi alinakat sipan jach'awa, mä jach'a quqjamaw tukuraki, ukarusti, jamach'inakaw juti, layminakaparuw tapachasipxi” sasa.

Mateo 13:32 Jak'a apnaqawi uñst'ayäwi

Salmos 104:12

Jawir jac'anacan jamach'inacajj jacasipjje, layminac taypin chhiwekepjjaraqui.

Ezequiel 31:6

Uca ramanacarusti alajjpach jamach'inacaw tapanacapa tapachasipjjaraquïna. Montenquir animalanacaraquiwa uca koka c'uchunacan wawachasipjjaraquïnjja. Ch'iwinacap c'uchunacansti walja marcanacaw jacapjjaraquïnjja.

Daniel (hebreo) 4:12

Laphinacapas wali sumaraquïnwa, achunacapasa waliraqui, take jakenacaru mank'ayañataquisa phokt'ataraqui. Pampanquir animalanacasti uca kokan ch'iwiparuw jutapjjäna; jamach'inacas layminacaparuw tapachasipjjäna, take acapachasti uca kokatwa jacapjjäna.

Zacarías 4:10

Qhitinacatejj jani yäkapcänti jisc'a kalltäwinacjja, ucanacasti jichhajj cusisipjjaniwa Zorobabelan uca luräwinac tucuyjjatapatjja’ sasa. Uca khepatsti angelajj yapt'araquiwa: “Aca pakallko lamparanacasti Tatitun nayranacapawa, ucasti uñch'uquiyasquiwa take acapacharu.”

Marcos 4:30

Jesusasti saraquïnwa: “¿Cunar uñtasitas Diosan reinopajja? Jan ucajj ¿cuna uñtasïwimpich chicayañäni?

Marcos 4:32

Phawantatatsti, take alinacat sipan jach'aw jili. Jach'a layminïtap laycusti jamach'inacas ch'iwinacaparojj tapachasipjjaraquispawa.”

Lucas 13:18

Ucjjarojj saraquïnwa: —¿Cunarus uñtasi Diosan reinopajja? ¿Cunampis uñtasiyaraquiristjja?

Hechos 1:15

Ucürunacansti patac pä tuncanjam jilatanacaw tantacht'asipjjäna. Ucatsti Pedrojj jupanac taypin sayt'asisinwa säna:

Hechos 21:20

Ucanac ist'asinsti jupanacajj Diosaruw wal yuspagarapjjäna. Pablorusti sapjjaraquïnwa: —Waliquiw jilata, ucampis jumajj yattawa judionacatjja walja warank jakenacan iyawsapjjatapa. Take jupanacasti, ‘Moisesan leyinacapajj phokhañapapuniwa’ sapjjänwa.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.