Mateo 13:23 - Qullan Arunaca

²³ Ucampis suma lak'aru purir jathajja acamp sasiwa: Diosan arunacapa ist'asinjja amuyt'apjjewa, ucatsti mä sumwa achupjjaraqui, mayat patacaru sojjta tuncaru uqhamaraqui quimsa tuncarusa.”

Aymar Bibliia 1986

²³ Ucampis suma lak'aru purir jathajja acamp sasiwa: Diosan arunacapa ist'asinjja amuyt'apjjewa, ucatsti mä sumwa achupjjaraqui, mayat patacaru sojjta tuncaru uqhamaraqui quimsa tuncarusa.”

Qullan Arunaka DC

²³ Ukampis suma laq'ar purir jathax, Diosan arunakap ist'irinakawa, jupanakax sum amuyt'apxi, ukatsti mä suma achu churapxaraki, mayatxa patakaru, mayatsti suxta tunkaru, yaqhipasti kimsa tunkaru.”

Mateo 13:23 Jak'a apnaqawi uñst'ayäwi

Ezequiel 18:31

Cuna ñankhanactejj naya nayrakatan lurapcta ucanacsti mäpita apanucupjjam, mä machaka chuymani, mä machaka ajayuni tucupjjaraquim. Israel marca, ¿cunatarac jiwascätasti?

Ezequiel 36:26

Jumanacarusti mä machak chuyma, mä machak ajayu uscjjapjjaraquïma. Jumanacatsti uca kala chuymjja apakjjapjjaraquïmawa, mä llamp'u chuyma churjjapjjaraquïma.

Mateo 12:33

“Mä kokatejj sumächi ucajja, suma achuniwa; jan suma kokäcchi ucasti, janiw sumäquiti achupajja. Uqhamasti mä kokajj achupat uñt'atawa.

Mateo 13:8

Ucampis ucat ucjjar jathajja wali suma lak'awjaruw puri, ucatsti wali sum achuraqui, mayasti patacaruw achu, chicatanacasti sojjta tuncaru, quimsa tuncaruraqui.

Mateo 3:10

Ucampis sapjjaracsmawa, niyawa hachajja kokanaca saphitpach phat'arañatakejja uscuta, jan cuna achu churiri kokasti phat'anucutawa, ucatsti ninaru phichantataraquiwa.

Mateo 3:8

Jichhasti jumanacajj sumay sarnakapjjam, arrepientisipjjatamatsti asqui luräwinac uñacht'ayapjjaraquim.

Marcos 10:15

Khanacwa sapjjsma, qhititejj jan mä wawar uñtata Diosan reinop catokcan ucajja, janiw cunapachas ucar mantcaniti —sasa.

Marcos 4:20

Ucatsipana yakhepanacajj Diosan arunacap ist'asinjja catokapjjewa. Ucatsti achupjjaraquiwa suma lak'ar purquis uca jathanacar uñtata; mayat quimsa tuncaru, mayat sojjta tuncaru, yakhepasti patacaru —sasa.

Lucas 13:9

Inas ucampejj achjjchini; ucat janipun achcanejja, ucapachaw phat'anucjjäta’ ” sasa.

Lucas 8:15

Suma lak'aru jalaktirïqui ucasti acaraquiwa: qhitinacatejj take chuymampi Diosan arupjj ist'apqui, uqhamarac catokapjje, ucatsti take chuyma sarapjje, sum achupjjaraqui ucanacawa.

Lucas 8:8

Ucampis mä yakhep jathajj suma lak'awjaruw puri. Jilsuwayjjatatsti, wali sum achu, sapa mayatsti patacar cunaw achu.” Uc sasinwa, Jesusajj jach'at jupanacarojj saraqui: “¡Jumanacatejj ist'añ munapjjstajja, ist'apjjam!” sasa.

Juan 15:16

Janiw jumanacati nayar ajllipquista, jan ucasti nayaw jumanacar ajllipjjsma sarapjjañamataqui, uqhamaraqui walja achupjjañamataqui, uca achusti acht'añapataquiraqui. Uqhamatwa cuntejj nayan sutejjar mayipcäta ucjja Awquejj churapjjätam.

Juan 8:47

Qhititejj Diosanquirïqui ucajja, Diosan arunacapjja ist'iwa, ucampis jumanacajj janiw Diosanquirïpctati, ucatpï Diosan arupjja jan ist'añ munapctatejja —sasa.

Hechos 16:14

Uca warminacat maynïristi Lidia satänwa. Jupasti Tiatira marcanquirïnwa, suma color morado isinac aljirïnwa. Tatitusti juparojj chuymap ch'alljjtayäna, cuntejj Pablojj siscäna ucar jaysañapataqui.

Hechos 17:11

Uca marcanquir judionacasti juc'amp suma chuymanïpjjänwa, Tesalonicanquir judionacat sipansa. Jupanacasti take chuymaw Pablompir Silasampirojj isch'uquipjjäna. Sapüruraquiw Kellkatanacsa yatjjatapjjäna —Uca arunacajj ¿chekapunïpachati janicha? —sasa.

2 Corintios 9:10

Qhititejj jatha churi yapuchañataqui, uqhamaraqui mank'a mank'asiñataqui uca Diosasti jumanacarojj take cunwa churapjjätam yapuchapjjañamataqui. Uca yapuchäwinacamsti jiltayaraquiniwa, ucatsti suma luräwinacamsti wali jach'a cosechäcaspas uqhamaracwa apthapiyapjjätamjja.

Filipenses 1:11

Uqhamwa jacañanacamanjja mä suma cosech apthapiñäcaspas uqhama, Tatit Jesucristor yuspagarasina Diosar jach'añchañataqui.

Filipenses 4:17

Janiw nayajj jumanacat catokañacti munctjja, ucatsipana muntwa jumanacan Diosata juc'ampi jilarquiri bendicionanac catokapjjañama.

Colosenses 1:10

Mayipjjaractwa jumanacajj Tatitunquirjama sarnakapjjañamataqui, uqhamarac cunatejj jupataquejj asquïqui ucanac lurapjjañamataqui, uca suma luräwinacamajj mä suma cosechjama utjañapataqui, Diosarus juc'ampi sumrac uñt'apjjañamataqui.

Colosenses 1:6

Aca pachpa Diosan arunacapasti take chekanwa wali jiltasqui, take chekan parlataraquiwa, take chekanracwa apthapitäscaraqui. Uqhamaw jumanac taypinsa lurasiscaraquejja cunapachattï jumanacajj Diosan munasiñapat ist'apjjäyäta, uca munasiñapajj chekätap yatipjjaraquïyäta ucqhatpacha.

1 Tesalonicenses 4:1

Jichhajj jilatanaca, achict'apjjsmawa, ewjjt'apjjaracsmawa acjja Tatit Jesusan sutipana: cunjämatejj nanacajj yatichapjjsmajja Diosar cusisiyquiri sarnakañjjatjja, uqhamarjama lurasipcaquim juc'amp juc'ampi.

2 Tesalonicenses 2:10

Take casta jan walinacampiw sallkjani infiernor saririnacarojja, Tatitun khespiyasiñ arunacap jan catokañ munapjjatap laycu.

Hebreos 4:2

Jiwasanacarusti khespiyasiñ arunacjj churaraquistuwa, jupanacarus churqui uqhama; ucampis jupanacarojj janiw cunats sirvquiti uca arunac ist'apjjatapajja, jan iyawsasa ist'apjjatap laycu.

Hebreos 6:7

Jupanacasti cunjämatejj orakejj jallu catokejj sapa cuti jallu puripanjja uqhamäpjjewa. Uca oraketejj sum achchi irnakerinacataqui ucqhajja, Diosan bendicionapwa catoke.

Hebreos 8:10

Israel marcampi mä arust'äwi lurcä qhaya urunac khepata ucajja aqhamäniw, siw Tatitojja: Jupanacan p'ekeparuw camachi arunacajj uchä, chuymaparuw kellkantaraquï. Ucapachaw nayajj jupanacan Diosapäyäjja, jupanacasti nayan marcajjäpjjaraquiniwa.

2 Pedro 3:18

Ucampis khespiyiri Tatit Jesucristosar uñt'apjjam, munasiñapanraqui jiltapjjam. ¡Jupasti jach'achatäpan jichhas, wiñayataqui! Uqhamäpan.

1 Juan 5:20

Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.