Mateo 12:43 - Qullan Arunaca

⁴³ “Cunapachatejj mä ñankha ajayojj mä jaket mistjjejja, waña chekanacanwa sarnakasqui samarañ thakasa; jan jicjjatasinsti amtt'asiwa:

Aymar Bibliia 1986

⁴³ “Cunapachatejj mä ñankha ajayojj mä jaket mistjjejja, waña chekanacanwa sarnakasqui samarañ thakasa; jan jicjjatasinsti amtt'asiwa:

Qullan Arunaka DC

⁴³ “Kunapachatix mä ñanqha ajayux mä jaqit mistuxa, samarañ thaqhasaw waña chiqanakan sarnaqi; jan jikxatasinsti, amtt'asiwa:

Mateo 12:43 Jak'a apnaqawi uñst'ayäwi

Job 1:7

Ucatsti Tatitojj Supayarojj jisct'änwa: —¿Cawquitsa jumajj jutta? —sasa. Supayasti saraquïnwa: —Nayajj orake maysat maysa muytanïwitwa jutascta —sasa.

Job 2:2

Ucatsti Tatitojj Supayarojj jisct'araquïnwa: —¿Cawquitsa jumajj jutta? —sasa. Supayasti saraquïnwa: —Nayajj orake maysat maysa muytanïwitwa jutascta —sasa.

Salmos 63:1

Diosajjay, jumaw Diosajjätajja, jumar thakasaw khantatta, almajjajj jumatjam pharjatawa; janchejjajj jumatjam awtjatawa, jan umani, jan jacañan waña oraker uñtatawa.

Isaías 41:18

Nayaw jawir umanaca sartayä wasara kollunacana, vallenacansti uma jalsunacracwa utjayaraquï; wasara orakenacasti wali umani orakenacaruw tucuyaraquï, waña orakenacatsti umwa jalsuyaraquï.

Mateo 12:44

‘Cawquittï mistuncta ucaruqui cutt'jjä’ sasa. Cunapachatï cutt'qui ucqhasti, uca jaker uñjasinjja wali sumwa chuymapjja jicjjati, pichst'ata, c'achacht'ataraqui.

Mateo 8:29

Ucanacasti wali jach'at art'apjjäna: —Jesús, Diosan Yokapa, ¿cunatsa jumajj nanacan ucaru jutta? ¿Nanacaru t'akhesiyirit juttajja janïra horasas purinquipana? —sasa.

Hechos 8:13

Quicpa Simonaraquiw iyawsasinjja bautisasjjäna. Felipemp chicaraquiw jupajj sarnakjjäna, muspharcañ milagronaca, uñacht'äwinac uñjatap laycu.

1 Pedro 5:8

Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.