Mateo 12:24 - Qullan Arunaca

²⁴ Uca fariseonacajj jakenacar uqham parlir ist'apjjatapatsti jupanacajj sapjjänwa: “Aca jakejj ñankha ajayunacacwa alissusqui, Beelzebú sat supayanacan jilïripan ch'amapampi” sasa.

Aymar Bibliia 1986

²⁴ Uca fariseonacajj jakenacar uqham parlir ist'apjjatapatsti jupanacajj sapjjänwa: “Aca jakejj ñankha ajayunacacwa alissusqui, Beelzebú sat supayanacan jilïripan ch'amapampi” sasa.

Qullan Arunaka DC

²⁴ Ukham ist'asinsti, fariseonakax sapxänwa: “Aka jaqix, Beelzebú sat supayanakan jilïripan ch'amapampiw ñanqha ajayunak alissu” sasa.

Mateo 12:24 Jak'a apnaqawi uñst'ayäwi

Salmos 109:20

Uqhämay Tatitojj nayamp timasirinacarojj phokhañchpan, nayar c'arintirinacarus luraracpan.

Mateo 10:25

Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Mateo 9:32

Jupanaca ucqhat mistunisipquipanjja mä kawkha jakenacaw Jesusan ucar mä amuturu irpanipjjäna, ucasti ñankha ajayun mantataraquïnwa.

Mateo 9:34

Fariseonacasti sapjjänwa: —Aca jakejj uca ñankha ajayunacarojj alissuwa, uca quicpa ñankha ajayun jilïripampïtap laycu —sasa.

Marcos 3:22

Jerusalenat jutiri ley yatichirinacajj sapjjaraquïnwa: “Aca jakejj Beelzebú jilïr ajayun mantatäpachawa, ucatpï ajayunacarojj jakenacat alissojja” sasa.

Lucas 11:14

Mä jaker amuct'aycatayn uca ñankha ajaywa Jesusajj alissuscäna. Cunapachatï ñankha ajayojj mistjjän ucqhajj uca amutojj parljjänwa. Jakenacasti ucatjja wal muspharasipjjäna.

Lucas 11:15

Ucampis yakhepanacajj sapjjänwa: —Aca jakejj Beelzebú sat jilïri supayan ch'amapampiw ñankha ajayunacjja alissu —sasa.