Mateo 11:24 - Qullan Arunaca

²⁴ Ucampis nayajj sapjjsmawa, taripäwi urunjja jumanacajj uca Sodomanquirinacat sipansa juc'amp t'akhesiñwa catokapjjätajja.”

Aymar Bibliia 1986

²⁴ Ucampis nayajj sapjjsmawa, taripäwi urunjja jumanacajj uca Sodomanquirinacat sipansa juc'amp t'akhesiñwa catokapjjätajja.”

Qullan Arunaka DC

²⁴ Ukampis nayax sapxsmawa, taripäwi urun jumanakax Sodomankirinakat sipansa juk'amp t'aqhisiñ katuqapxäta”.

Mateo 11:24 Jak'a apnaqawi uñst'ayäwi

Jeremías 23:14

Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.

Lamentaciones 4:6

Orakejjanquiri marcan juchapasti Sodoma marcan juchapat sipansa juc'ampiwa, uca marcasti janc'aqui t'unjataquëjjänwa, jan qhitin nuwata t'unjataquiraquïnwa.

Ezequiel 16:48

Naya Tatituw ucjja arsta juramentompi pachpa jacañajj-jjaru: Sodoma cullacamasa, uca jisc'a marcanacapasa, janiw cuntejj jumajja uqhamaraqui jisc'a marcanacamasa lurapcta ucjja lurapcänti.

Mateo 10:15

Khanacwa sapjjsma, uca marcanacan mutuñapajj juc'ampiraquïniwa taripäwi urunjja, Sodoma uqhamarac Gomorra marcan mutuñapat sipansa.

Mateo 11:22

Ucampis nayajj sapjjsmawa, taripäwi urunjja jumanacaw Tironquirit sipansa, Sidonanquirit sipansa jach'a mutuña catokapjjätajja.

Mateo 23:14

[¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti ijmanacan utanacapjja aparapjjtawa, uca jan wali luräwinacam imt'añataquisti jach'a oracionanac lurapjjtajja. Ucatwa jumanacajj jach'a mutuyäwi catokapjjätajja.]

Marcos 6:11

Cawqhantejj jan catokañ munapcätamjja, ni ist'añs munapcaraquïtamjja, uca chekatjja mistuwayjjapjjätawa. Cayunacamatsti lak'anacjja thalarasiwayjjapjjätawa, jupanacan amuyasipjjañapataqui. Khanacwa sapjjsma, cawqui marcantejj jankatokapcätamjja, ucan mutuyäwipajj taripäwi urunjja juc'ampïniwa, Sodomampina Gomorrampina mutuyäwipat sipansa —sasa.

Lucas 10:12

Sapjjsmawa, taripäwi urun mutuña catokañapajj aca marcanjja Sodoma marcanquir jakenacat sipansa juc'amp jach'äniwa.