Mateo 11:18 - Qullan Arunaca

¹⁸ Ucatsti Juanaw juti. Jupasti janiw mank'cänsa ni umcänsa, ucatsti jumanacajj juparojj sapjjtawa: ‘ñankha ajayuniw’ sasa.

Aymar Bibliia 1986

¹⁸ Ucatsti Juanaw juti. Jupasti janiw mank'cänsa ni umcänsa, ucatsti jumanacajj juparojj sapjjtawa: “ñankha ajayuniw” sasa.

Qullan Arunaka DC

¹⁸ Ukatsti Juanaw juti, jupax janiw manq'kiti, umkarakisa, jumanakasti juparux ‘ñanqha ajayun mantatawa’ sapxtawa.

Mateo 11:18 Jak'a apnaqawi uñst'ayäwi

2 Reyes 9:11

Ucatsti cunapachatï Jehú capitanajj reyin oficialanacapan ucar saräna ucqhasti, jupanacajj jisct'apjjänwa: —¿Cunas pasi? ¿Cunataquis uca lokhe jakejj jumamp jiquisiri jutejja? —sasa. Ucjjarusti Jehú capitanajj sänwa: —Jumanacajj juparojj uñt'apjjtawa, uqhamarac cunjäm parlirïtapsa yatipjjaractawa —sasa.

Jeremías 15:17

Qhitinacatejj aleka cusist'añaqui munapjje, ucanacampi chicachasiñsti janiw muncaractti; cunapachattejj jumajj nayaru catuntasista ucat acsarusti, sapaquiw sarnakjjta, colerasiñamampi nayar phokhantatam laycu.

Jeremías 29:26

Tatituw jumarojj sacerdotet usctam, Joiada lanti, uqhamata templonjja mä jilïrit uñt'atäñamataqui. Ucat mä lokhe jaketejj jutasin profetäcaspas uqham parlani ucapachasti, jumajj catusin carcelaru cadenanacampi ñach'antasin apantañama.

Oseas 9:7

¡Mutuyäwi urunacajj purinjjewa! ¡Luratanacamat pago catokañ urojj purinjjaraquiwa! Israelajj ucanacan puritapjja yatiraquiniwa. Jumanacasti sapjjtawa: “Profetajj pisi amuyt'an jakewa, amuyt'ayata jakesti lokheraquiwa” sasa. Ucsti sapjjtawa, ñankha lurañanacampi phokhantatäpjjatam laycu, uqhamarac uñisisiñanacamas jach'ätap laycu.

Mateo 10:25

Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Mateo 11:17

aqham sasa: ‘Pinquillwa phust'arapipjjsma, jumanacasti janiw thokopctati; llaquiscañ k'ochunac k'ochurapipjjsma, jumanacasti janiraquiw jachapctati’ ucamp sasiwa.

Mateo 3:4

Uca Juanan isipasti camello t'awrat luratänwa, cinturonapasti mä lip'ichit lurataraquïnwa, t'ijut'ijunacwa mank'erïna, uqhamarac montenquir misq'inacampi.

Mateo 9:34

Fariseonacasti sapjjänwa: —Aca jakejj uca ñankha ajayunacarojj alissuwa, uca quicpa ñankha ajayun jilïripampïtap laycu —sasa.

Marcos 3:22

Jerusalenat jutiri ley yatichirinacajj sapjjaraquïnwa: “Aca jakejj Beelzebú jilïr ajayun mantatäpachawa, ucatpï ajayunacarojj jakenacat alissojja” sasa.

Lucas 1:15

Aca wawajj Dios nayrakatanjja jach'äniwa. Janiraquiw umcaniti vinsa, ni cuna casta umañanacsa. Jupajj janïr nasquis ucqhatpacha Kollan Ajayun phokt'atäniwa.

Juan 10:20

Waljaniw jupanacat sapjjäna: —¿Cunatsa juparojj yäkapjje? Acajj ñankha ajayuniwa, lokheraquiwa —sasa.

Juan 7:20

Ucjjarusti jakenacajj sapjjaraquïnwa: —Ñankha ajayunïtawa. ¿Qhitis jiwayañ muntamjja? —sasa.

Juan 8:48

Judionacajj ucjjarojj saraquïnwa: —Chekacwa sasipcsma, jumajj samaritanötawa uqhamarac ñankha ajayuniraquïtawa —sasa.

Juan 8:52

Judionacasti ucjjarojj sapjjaraquïnwa: —Jichhaw yatjjapjjtjja ñankha ajayunïtama. Abrahamasa, uqhamarac take profetanacasa jiwapjjewa, jumasti arstawa: ‘Qhititejj nayan arsutajjarjama cuns luranejja, janiw cunapachas jiwcaniti’ sasa.

Hechos 26:24

Pablon uqham arsusitapatjja Festojj jach'atwa art'i: —Lokhëtaw, Pablo. Sinti yatjjatatamaw lokheptaytam —sasa.

1 Corintios 9:27

Jan ucasti, nayajj janchejjan munañaparojj t'akhesiytwa jaysayasiractwa uqhamata yakhanacar yatichcasina jan apanucutäñajjataqui.