Mateo 10:41 - Qullan Arunaca

⁴¹ Qhititejj mä profetar catokejja Diosat jutatap laycu ucajja, profetan churatäquis uca quicpwa catokani. Qhititejj mä suma jaker catokani suma jakëtap laycu ucajja, catokaraquiniwa asqui jaken catokañapäquis uca quicparaqui.

Aymar Bibliia 1986

⁴¹ Qhititejj mä profetar catokejja Diosat jutatap laycu ucajja, profetan churatäquis uca quicpwa catokani. Qhititejj mä suma jaker catokani suma jakëtap laycu ucajja, catokaraquiniwa asqui jaken catokañapäquis uca quicparaqui.

Qullan Arunaka DC

⁴¹ Khititix mä profetar Diosat jutatapat katuqixa, profetan katuqañapäki uk katuqani; khititix mä aski jaqir aski jaqïtapat katuqanixa, aski jaqin katuqañap katuqarakini.

Mateo 10:41 Jak'a apnaqawi uñst'ayäwi

Génesis 20:7

Ucampisa jichhajj uca warmjja chachapar irpjjaruyjjam, jupasti profetawa, juman jacañam laycusa achict'araquispawa, ucampisa janitejj chachaparu irpjjaruycjjätajja, chekpachansa jumampi, familianacamampejja jiwarapjjätawa” sasa.

Isaías 3:10

Ucampis cusisiñaniw asqui jakejja, jupataquisti take cunas waliquïscaniwa. Asqui luratanacapatsti cusisiraquiniwa.

Mateo 16:27

Jaken Yokapajj Awquipan jach'a munañapampiw angelanacapampi jutani, ucatwa sapa maynirus luratanacaparjama churjjani.

Mateo 25:44

Ucapachaw jupanacajj juparojj sapjjani: ‘Tata, ¿cunapachas jumarojj mank'at awtjata umat pharjata, jan utani, jan isini, usuta, carcelana, uñjapjjsma, ucat jan yanapapcsmatejja?’

Mateo 25:45

Reyisti ucjjarojj saraquiniwa: ‘Khanacwa sapjjsma, mä jilajjarutejj alt'at chuymanïtap laycu jan lurapcsta ucajja, nayaruw uqham jan lurapquistati.’

Mateo 6:1

“Jan jaken uñjatäñataquiqui Diosanquirjam, tucupjjamti. Uqham lurapjjät ucqhasti, alajjpachanquir Awquimajj janiw cuna churäwsa churapcätamti.

Mateo 6:18

uqhamata jakenacajj jan amuyapjjañapataqui juman ayunascatama. Juma sapampïquis uca Awquimaquiwa yatiñapajja, ucatsti jupajj bendiciraquïtamwa.

Mateo 6:4

jan ucasti jan qhitiru yatiyasaqui luram, uqham luratamatsti alajjpachanquir Awquimajj cuttayjjätamwa.

Mateo 6:6

Jumajj mayiscätas ucqhajja, utamar mantam; puncum jist'antasisinsti mayisiraquim Awquimata qhititejj jumampïsqui ucaru. Awquimasti uñjasctamwa jamasan mayisisquirjja, ucatsti jupajj mayisitamarojj ist'ätamwa.

Mateo 7:8

Mayirejja catokewa, thakheristi jicjjataraquiwa, puncu lekt'irirusti jist'arataraquiwa.

Hechos 16:15

Jupasti bautisasïnwa, familiapamp cuna. Ucjjarusti nanacarojj achict'apjjaraquituwa: —Jumanacatejj nayan Tatitur chekpach iyawsatajj amuyapjjstajja, jutapjjam ucatsti utajjan korpachasipjjam —sasa. Nanacarusti munquir jan munquir kheparayapjjetu.

Romanos 16:23

Gayo jilatasti aruntanipjjaractamwa. Nayajj utapan korpachatäsctwa, jupasti utapjj iglesiaruw mayt'araqui. Erasto jilatasa aruntanipjjaractamwa, jupasti kollke caturiwa aca marcanjja. Cuarto sutin jilatas aruntanipjjaractamwa.

1 Corintios 9:17

Ucatpï take chuymampi luratajj laycojja, Tatitojj nayarojj wajjt'asiñapa churitani. Jariyatjamaqui lurirista ucasa, ucampis Diosan ewjjapa catokcta ucwa phokhascta.

Hebreos 6:10

Diosasti asquiwa, janiw armascaniti cuntejj lurapcta, uqhamarac munasiñanacamsa uñacht'ayapjjaracta Diosanquir jilatanacar yanapt'asina ucanacatjja. Jichhacamas ucjj lurasipcactawa.

2 Juan 1:8

Wal amuyasipjjam jumanacpacha, irnakatanacamajj jan chhakañapataqui, jan ucasti Diosan phokhat pagop catokapjjañamataqui.