Mateo 1:22 - Qullan Arunaca

²² Take acanacasti phokhasiscänwa cuntejj Diosajj profetap toke arscäna ucarjama.

Aymar Bibliia 1986

²² Take acanacasti phokhasiscänwa cuntejj Diosajj profetap toke arscäna ucarjama.

Qullan Arunaka DC

²² Taqi ukanakasti kuntix Diosax profetap tuqi arskatayna ukarjamaw phuqhasiskäna.

Mateo 1:22 Jak'a apnaqawi uñst'ayäwi

1 Reyes 8:15

aqham sasa: “Bendicitäpan Israel marcan Tatit Diosapajja, jupajj phokhewa cuntejj David awquejjaru arscäna ucjja, cunapachatejj aqham arscäna:

1 Reyes 8:24

Jumasti phokharactawa David awquejjaru arscäyäta ucjja, uqhamatwa jichhürunjja luräwimpisa arsutampisa phokhasi.

Esdras 1:1

Cunapachatï Persianquiri Ciro sat reyejj mä mara reinascäna, uqhamarac Tatitun arupajj Jeremías profeta toke parlatäcäna uca phokhasiñapataqui, ucqhawa Tatitojj Ciro sat reyiru ch'amañchäna take reinopana yatiyatäñapataqui aru toksa kellkata toksa aca arsut'äwi:

Mateo 12:17

Take acanacasti phokhasiscänwa Isaías profetan arsutaparjama:

Mateo 13:21

ucampis jan suma saphinïtap laycojja, janiw jaya acht'quiti. Cunapachatejj t'akhesiñanacajj uqhamarac jan walt'añanacas juti ucqhajja, janc'aquiw uca suma arunacatjja mayjt'asjje.

Mateo 13:35

Take acanacasti phokhasiscänwa cunjämtejj profetajj kellkatayna ucarjama: “Uñtasïwinac toke parlä; cunanacatejj imantatäqui orak kalltäwitpacha ucanac saraquï.”

Mateo 2:15

Uca Egipto marcansti Herodesan jiwañapcamaw ucancapjjaraquïna. Take acanacasti phokhasiscänwa cuntejj Diosajj profetap toke arscäna ucarjama: “Egiptotwa wawajjarojj jawsta” sasa.

Mateo 2:23

Ucar purisinsti, Nazaret marcaru jacasiriw sarjjapjjäna. Acasti phokhasiscänwa cuntejj Diosajj profetanac toke arscäna ucanacarjama: “Nazaretanquir Jesús satäñapataqui.”

Mateo 5:17

“Janiw jumanacajj amuyapjjañamäquiti nayjjatjja, Moisesan leyinacap chhakayiris jutquirista uqhama, ni profetanacan yatichäwinacapsa. Janiw uc apakerit jutctjja jan ucasti cuntejj yatichañ munquistu uc phokheriw juttjja.

Mateo 8:17

Take acanacasti phokhasiscänwa Isaías profetan arsutaparjama aqham sataparu: “Jupaw api jiwasan usunacasa, uqhamarac chhojjrinacasa” sasa.

Lucas 21:22

Uca urunacasti mutuyäwi urunacäniwa, ucan take cunatejj Kellkatanacanjj sisqui ucanacajj phokhasini.

Lucas 24:44

Ucjjaruw saraquïna: —Cunatejj nayamp lurasqui ucajj cunatejj jumanacampïsin sapcäyäsma ucawa: Phokhasiñapänwa take cunatejj naya toketjj kellkatäqui Moisesan leyipana, profetanacan libronacapana, uqhamarac Salmonacansa ucanacajja.

Juan 10:35

Yattanwa cuntejj Kellkatanjj sisqui ucjja, janiw ucjja janiw uqhamäquiti siscsnati; Diosasti sutichänwa: ‘diosanac’ sasa, qhitinacatejj arunacap catokqui ucanacaru.

Juan 15:25

Ucampis acanacajj pasañapapuniwa, jupanacan ley kellkatanacapan: ‘Alekat uñisipjjetu’ sisqui uca arunacajj phokhasiñapataqui.

Juan 17:12

Cunapachatejj acapachanjja jupanacampïcäyäta ucqhajja, ch'amamampiw imäyätjja cawquïrinactejj churquista ucanacarojja, uqhamarac irparaquïyätjja. Janiw jupanacatjja maynis chhakquiti, jan ucasti chhakhatapunïcänsa ucaquiw chhakjje, Kellkatanjj cunjämtejj sisqui ucarjam phokhasiñapataqui.

Juan 18:9

Acajj lurasïnwa cunjämtejj Jesusajj arscäna: “Cawquïrinactejj Awquejj churquitu, ucatjj janiw cawquïris chhakquiti”, uca satapar phokhasiñapataqui.

Hechos 3:18

Ucampis Diosajj uqhamatwa phokhawayi cuntejj profetanacap toke arscän Criston t'akhesiñapjjata ucjja.

Romanos 1:2

Khespiyasiñajj jakenacatac utjatapjja, Diosajj nayra urunacatpachwa arsuwayäna profetanac toke, kollan Kellkatanacana.

Apocalipsis 17:17

Diosaraquiw jupanacan chuymaparojj uscu mayaquïpjjañapataqui, ucatsti cuntï Diosajj munqui uc lurapjjañapataqui, uca jach'a ajjsarcañ animalarus munañanïña churasa, cuntï Diosajj arsqui uca phokhasiñapcama.