Mateo 1:12 - Qullan Arunaca

¹² Uca khepatsti, Jeconiasajj Salatielan awquipänwa, Salatielasti Zorobabelan awquiparaqui.

Aymar Bibliia 1986

¹² Uca khepatsti, Jeconiasajj Salatielan awquipänwa, Salatielasti Zorobabelan awquiparaqui.

Qullan Arunaka DC

¹² Uka qhipatsti, Joaquinax Salatielan awkipänwa, Salatielasti Zorobabelan awkipänwa.

Mateo 1:12 Jak'a apnaqawi uñst'ayäwi

2 Reyes 24:14

Ucatjja Jerusalenanquir take jakenacaruwa preso apasjjäna, take jilïrinacaru, suma soldadonacaru, take amparamp luririnacaru, herreronacaru, tunca waranka preso jakenacaru phokhachañcama. Judá orakenjja janiw qhitis kheparcjjänti, jan ucasti wali pobre jakenacaquiwa kheparjjäna.

2 Reyes 25:27

Cunapachatï Joaquín chachajj jayan apanucuta jacascäna quimsa tunca pakallkoni mara, tunca payani phajjsita pä tunca pakallkon uru sarakata, ucqhawa Evil-merodac reyejj Babilonia marcana reyïña kalltäna; jupasti suma jakew tucüna Joaquín chachampi, ucatsti carcelatjja apsjjänwa.

1 Crónicas 3:17

Marcapata jayar apanucutäcäna uca Jeconías chachan wawanacapasti acanacänwa: Salatiel, ucasti jilïr yokall wawapänwa,

Esdras 3:2

Ucatsti Josadac chachan Josué yokapasa, uqhamarac sacerdote masinacapasa, Salatiel chachan Zorobabel yokapasa, uqhamarac familianacapasa Israelan Diosapan altarapa lurañaruwa uchasipjjäna, uca patjjana nact'ata loktäwinaca loktañataqui, cunjämtï Moisés Diosan jakep toke leyejj siscäna uqhamarjama.

Esdras 5:2

Ucatsti Salatiel chachan Zorobabel yokapampi, uqhamarac Josadac chachan Josué yokapampejj wasitataw lurañ kalltapjjäna Jerusalenan Diosan templopa, ucatsti Diosan profetanacapajj jupanacampïscänwa yanapañataqui.

Nehemías 12:1

Aca sacerdotenacamp uqhamarac levitanacampiw cutt'anjjapjjänjja Zorobabelamp chicajja, jupasti Salatiel ucan yokapa, uqhamarac Jusueyamp cuna; sacerdotenacasti acanacänwa: Seraías, Jeremías, Esdras,

Jeremías 22:24

Tatitusti Jeconías chacharojj siwa, ucasti Judá orakenquiri Joacim reyin yokapänwa, juparusti aqham sasa: “Juramentompiw arsta: Cupi amparajjanjja sellaña anillöcasma ucasa, amparajjatjja apanucupunirismawa,

Jeremías 22:28

“¿Jeconiasajj mä p'acjata chatumpi sasiti, jan cunataqui inamaya jan qhitin munata jaktatati? ¿Cunatraqui jupasa, wawanacapasa jan uñt'ata jaya orakeru apanucuta uñjasipjjesti?

Jeremías 22:30

Tatitojj siwa: “Aca jakerojj libronacamaru kellkantapjjam mä jan wawani jakëcaspas uqhama; jacañapanjja aynacht'caspas uqhama. Janipuniw jichhajj mayni wawapasa Davidan tronoparojj kont'ascaniti, Judá orakena wasitata apnakañataquejja” sasa.

Hageo 1:1

Rey Darion pä mara apnakataparusti, sojjtïri phajjsina kallta uruwa Tatitojj Hageo profeta toke Salatielan Zorobabel yokaparojj parli, jupasti Judá marcanjja gobernadoränwa, uqhamarac Josadacana Josué yokapampiru cuna, jupasti uca pachajj jach'a jilïri sacerdotënwa.

Hageo 1:12

Zorobabelas, Josué chachasa, uqhamarac jakenacasa, Tatitojj cuntejj profeta toke parlcän ucanac ist'asajj wal ajjsarthapipjjäna. Ucracwa Dios Tatitojj jaytawayatayna yatiyañataqui.

Hageo 1:14

Uqhamwa Tatitojj ch'amacht'äna Zorobabelarojja, jupasti Judá marcanjja gobernadoränwa, uqhamarac Josué chacharusa, jupasti jilïri sacerdoteraquïnwa, uqhamarac take jakenacarusa. Ucasti rey Darion pä mara apnakataparusti sojjtïri phajjsina pä tunca pusini uru sarakatarojja wasitatwa take ch'amani Tatitu Diosan templop utachañjja kalltapjjäna.

Hageo 2:2

ucatsti Zorobabelampiru, Josueampiru, uqhamarac take jakenacampiru sañapataquiw parläna:

Hageo 2:23

Ucürusti, nayan uywatajja Zorobabel, naya quipcanjama munañanïña churäma, nayarjama naya quipcaw ajllissma uca laycu. Naya take ch'amani Tatituw ucjja arsta.”

Mateo 1:11

Josiasasti Jeconiasan awquipänwa uqhamarac jilanacapampina. Uca urunacanaracwa israelitanacajj Babiloniaru preso apatäpjjäna.

Mateo 1:13

Zorobabelasti Abiudan awquipänwa, Abiudasti Eliaquiman awquiparaqui, yokapasti Azor satänwa.

Mateo 1:17

Uqhamasti tunca pusini awquinacawa pasawayäna Abrahamat Davidcamajja. Uqhamaraqui tunca pusini awquinacaraquiwa pasawayäna Davidan urunacapat Babiloniaru preso apatäpcän ucürcamajja. Preso apatäpcän ucüruta Jesucriston nacïwipcamajja tunca pusini awquinacaraquiwa pasawayjjäna.

Lucas 3:27

Judasti Joanán yokapänwa, Joanasti Resan yokapänwa, Resasti Zorobabelan yokapänwa, Zorobabelasti Salatielan yokapänwa, Salatielasti Nerin yokapänwa,