Marcos 8:6 - Qullan Arunaca

⁶ Ucatsti Jesusajj —Jakenacajj konurt'apjjpan —sänwa. Pakallk t'ant'a apjjarusinjja Diosaruw yuspagaräna. T'ant'anac pachinokasinsti discipulonacaparuw churäna, jupanacasti jakenacaruw laquintaraquïna.

Aymar Bibliia 1986

⁶ Ucatsti Jesusajj —Jakenacajj konurt'apjjpan —sänwa. Pakallk t'ant'a apjjarusinjja Diosaruw yuspagaräna. T'ant'anac pachinokasinsti discipulonacaparuw churäna, jupanacasti jakenacaruw laquintaraquïna.

Qullan Arunaka DC

⁶ Ukatsti Jesusax jaqinakan qunurapxañapatakiw mayïna. Paqallqu t'ant'a apxarusinsti, Diosaruw yuspagaräna, t'ant'anak pachinuqasinsti yatiqirinakaparuw churäna, jupanakasti jaqinakaruw lakintarakïna.

Marcos 8:6 Jak'a apnaqawi uñst'ayäwi

Mateo 26:26

Uqham mank'asquipansti, Jesusajj t'ant'a irtasinwa yuspagaräna. Pachjasinsti discipulonacaparuraquiw churäna: —Mank'apjjam; acajj nayan janchejjawa —sasa.

Marcos 8:20

—Cunapachatï pakallko t'ant'ata, pusi waranka jakenacar mank'arayctjja ucqhajj ¿kawkha canastarus puchunacjja apthapipjjaractajja? —sasa. Jupanacasti sapjjewa: —Pakallko canastaruw apthapipjjta —sasa.

Marcos 8:5

Jesusasti jupanacarojj jisct'araquïnwa: —¿Kawkha t'ant'as jumanacan utjapjjtam? —sasa. —Pakallkoquiw utjapjjetu —sasaw jupanacajj sapjjäna.

Marcos 8:7

Mä kawkha chawllanacaraquiw jupanacan utjäna. Jesusasti Diosar yuspagarasinjja uca chawllanacjja jakenacaruw laquirayaraquïna.

Lucas 12:37

Cusisiñanïpjjewa cawquïr uywatanacarutï uywiripajj suyquiri jicjjatqui ucanacajja. Khanacwa sapjjsma, uca uywiripajj jupa quicpaw wact'ayasin mesar kont'ayasajj mank'jja loktaraquini.

Lucas 24:30

Cunapachatï mesan jupanacamp chica kont'ascäna ucqhajja, t'ant'a irtasin Diosaruw yuspagaräna, pachjasinsti jupanacaruw churäna.

Juan 2:5

Ucampis Mariajj sirvirinacarojja sänwa: —Cuntejj sapcätam jupajj uc lurapjjam —sasa.

Juan 6:23

Ucchañcamasti yakha botenacaw Tiberias marcatjja purini, cawqhantejj Tatitojj yuspagarcäna, uqhamarac jupanacajj t'ant'a mank'apcänjja ucawjaru.

Romanos 14:6

Maynitejj mä uru yakhachchi Diosaru sirviñataquejja, ucat maynejj janiraqui yakhachcchiti ucajj waliquiwa, ucampis panpachaniwa Diosarojj sirvipjje. Qhititejj take cunsa mank'chi ucajj Diosar jach'añchañataquiw mank'e, Diosar yuspagaratap laycu. [Uca quipcaraquiw mä cunsa jan mank'qui ucas luraraqui.]

Colosenses 3:17

Cuntejj lurapjjäta, uqhamarac arsupjjäta ucanacjja Tatitun sutiparu lurapjjam, Dios Awquir yuspagarasa Jesucristo toke.

1 Samuel 9:13

Marcaru purisinsti janc'aquiw juparojj thaktapjjäta, janïra santuarior mank'eri sarquipana. Jakenacasti janïraw mank'apcaniti jupan puriniñapcamajja, juparaquiw sacrificio loktatarojj bendiciñapa, uca khepatwa jawsayata jakenacajj mank'asipcani. Ucatpï jichhajj janc'aqui sarapjjam, anchhitajj jicjjatasipcätawa —sasaw tawakonacajj sapjjäna.