Marcos 8:2 - Qullan Arunaca

² —Aca jakenacatjja walpun qhuyapt'ayasta, jupanacasti quimsa uruw nayamp chicäjjapjje, janiraquiw cuna mank'añanacapas utjquiti.

Aymar Bibliia 1986

² —Aca jakenacatjja walpun qhuyapt'ayasta, jupanacasti quimsa uruw nayamp chicäjjapjje, janiraquiw cuna mank'añanacapas utjquiti.

Qullan Arunaka DC

² —Aka jaqinakat walpun khuyapt'ayasta, jupanakax kimsa uruw nayamp chikäxapxi, janirakiw kuna manq'añapas utjkiti.

Marcos 8:2 Jak'a apnaqawi uñst'ayäwi

1 Reyes 19:6

Eliasajj take toke uñatatasïna, ucatsti uñjänwa ch'ijmañapana nina sanc'aru khatit mä tortampi, uqhamarac mä wayucha umampi. Ucatjja sartasisinjja mank'änwa, uqhamarac umt'araquïna; ucatsti wastataw icjawayjjäna.

Salmos 103:13

Cunjämatejj mä awquejj wawanacapat qhuyapayasquejja, uqhamaw Tatitojj iyawsirinacapat qhuyapayasi;

Salmos 145:15

Takenin nayranacapaw jumarojj uñch'uquisipctam, jumaw waquisitarjam mank'añ jupanacar churtajja.

Salmos 145:8

Tatitojj munasiriwa, qhuyapayasiriraquiwa, k'apisiñapajj c'achhaquiwa, munasiñapasti jilarquiriwa.

Miqueas 7:19

Nanacatsti wasitatay qhuyapt'ayasipjjeta, ñankha luratanacajjsti jach'a kotar jakontjjam.

Mateo 14:14

Botet mistusinsti Jesusajj uñjänwa walja jakenacan ucancatapa. Jupasti uca jakenac uñjasinjja qhuyapt'ayasïnwa, ucatwa usutanacarus kollaraquïna.

Mateo 20:34

Jesusasti jupanac uñjasinjja qhuyapt'ayasïnwa, ucat nayranacap llamct'äna. Juyqhunacasti ucspacharaquiw uñj-jjapjjäna, ucat Jesusaruw arcjjapjjäna.

Mateo 9:36

Walja jakenac uñjasinsti, Jesusajj jupanacatjja qhuyapt'ayasïnwa, jupanacasti wali llaquitäpjjänwa, t'akhesitäpjjaraquïnwa jan awatirin ovejanacjama.

Marcos 1:41

Jesusasti jupat qhuyapt'ayasisinjja amparapampiw lokjjatt'i, ucatsti saraquiwa: —Muntwa, c'umaräjjaractawa —sasa.

Marcos 5:19

Ucampis Jesusajj janiw muncänti, jan ucasti sänwa: —Utamar sarjjam, familianacamar yatiyam cuna muspharcañanactï Tatitojj jumatac lurqui ucanaca, uqhamarac cunjämtejj qhuyapayastam ucanacaraqui —sasa.

Marcos 6:32

Uqhamasti Jesusampi discipulonacapampejj mä botet sarapjjäna wasar chekaru.

Marcos 6:34

Jesusasti botet mistusinjja, walja jakenacaruw uñjäna. Jupanacatsti qhuyapt'ayasïnwa jan awatirin ovejanacjamäpjjatap laycu. Ucatsti walja yatichäwinac yatichañ kalltäna.

Marcos 8:3

Jan mank'atpach utanacapar qhitanucjjerista ucqhajja, karipjjaspawa. Janiraquiw ch'amanacapajj thaquinjj utjcaspati, yakhepanacasti jayat jutapjje —sasa.

Marcos 9:22

Walja cutiraquiw ajayojj ninarus umarus jupar jiwayañatac jakonti. ¿Jumach waliptayarapitasma? Uqhamäspa ucqhajja, nanacata qhuyapt'ayasipjjeta, yanapt'apjjaraquitaya —sasa.

Lucas 15:20

Ucatwa sartasin cuttanjjäna awquipan ucaru. “Awquipasti jayancquipanwa juparojj uñjäna, ucatwa jupat qhuyapt'ayasisin jicjjatirejj jali, juparusti khomantasa jamp'att'asaraquiw catokäna.

Lucas 7:13

Uc uñjasinsti Tatitojj jupatjja qhuyapt'ayasïnwa, ucat saraqui: —Jan jachamti —sasa.

Hebreos 2:17

Ucataquipï waquisïnjja take cunansa jilanacapjam tucuyatäñapajja, qhuyapayasiri, cheka jach'a sacerdotëñapataqui Dios nayrakatana, uqhamarac sacrificio toke take jakenacaru juchanacap apakañataqui.

Hebreos 4:15

Jiwasan uca jach'a jilïr sacerdotesasti qhuyapt'ayasistaspawa t'uqha cancañasanjja, jupa quicparaquiw take casta yant'anaca jiwasjama t'akhesiwayi, ucampis jan juchar purisa.

Hebreos 5:2

Cunjämtejj pachpa sacerdotejj janchin t'uqhasiñanacapjja t'akhesi, ucatwa qhuyapt'ayasiraquispa jan amuyt'irinacatsa, uqhamarac saranucutanacatsa.