Marcos 7:7 - Qullan Arunaca

⁷ Inamayaquiw nayar yupaychatapajja, yatichäwinacapajj jaken amtäwipaquiwa’ sasa.

Aymar Bibliia 1986

⁷ Inamayaquiw nayar yupaychatapajja, yatichäwinacapajj jaken amtäwipaquiwa —sasa.

Qullan Arunaka DC

⁷ Inamayakiw nayar yupaychatapaxa, yatichäwinakapax jaqin amtäwipakiwa’ sasa.

Marcos 7:7 Jak'a apnaqawi uñst'ayäwi

Isaías 29:13

Tatitusti saraquituwa: “Aca marcajj pata chuymaquiw sirvitu, lacanacapampiquiraquiw nayaru jach'añchapjjetu, ucampisa chuymapajj nayatjja jayancasquiwa, nayar yupaychañ culto loktanipquitu ucasti jakenacan amuyataparjamaquiwa, p'eket yatekataquiraqui.

Malaquías 3:14

Acwa jumanacajj sapjjtajja: ‘Diosaru sirviñajj inamayaquiwa. ¿Cunaraqui jiwasasti apsuñäni jupan camachi arunacaparjam sarnakasajja, uqhamaraqui llact'at sarnakasasa take ch'aman Dios nayrakatanjja?

Mateo 15:9

Janiw acch'as walïquiti jupanacan yupaychaña churatanacapajja, jupanacan yatichäwipajj jakenacan yatichäwipaquïtap laycu.’

Mateo 6:7

Oración lurcasinjja jan inamaya arunacjja arsumti, cunjämtï Diosar jan uñt'ir jakenacajj lurqui uqhamjja. Jupanacasti amuyapjjewa Diosajj jupanacarojj walja arunaca arsutap laycu ist'caspa uqhama.

1 Corintios 15:14

Cristotejj jan jactcchejja, yatichapcsmas uca arunacajj janipï cunataquis asquïquitejja, jumanacan iyawsañanacamasa inamayaraquipï.

1 Corintios 15:58

Uqhamasti munat jilatanaca, jumanacajj Tatitumpejj sum sayt'asipjjam, janirac sarakapjjamti. Irnakasipcaquim juc'ampi juc'ampi Tatitun luräwipanjja; jumanacajj yatipjjaractawa Tatitumpi mayaqui irnakapjjatamajj janiw inamayäquiti.

Deuteronomio 12:32

“Take ewjjanaca churapcsma uqhamarjam sarnakapjjam, jan cunsa jiljjatayapjjamti ni menoswakayapjjamsa.

Colosenses 2:22

Take aca yatichäwinacasti tucusir yänacampi chicaw tucusiwayjje, jakenacan camachinacapaquiwa, uqhamarac jupanacan yatichatapaquiwa.

Tito 3:9

Ucampis jan munamti jan wali jisct'anaca, nayra arunaca, ch'ajjwanaca, uqhamarac Moisesan leyipjjata ch'ajjwañanaca. Ucanacajj inamayawa, jan cunatac asquiraquiwa.

Santiago 1:26

Maynitejj Diosar arcatap amuyaschejja ucatsti cuns parlascacchi ucajja, jupa pachpaw c'arintasisqui, Diosar arcatapasti inamayaquiraquiwa.

Santiago 2:20

Ucampis pisi amuyun jake, ¿janit amuyt'cta maynin iyawsatapatejj jan suma luräwinacampi uñacht'ayascchi ucqhajja, uca iyawsañapan jiwatätapa?

Apocalipsis 22:18

Take qhitinacatejj aca libron kellkatäquis uca Diosan arupa ist'irinacarojj nayajj sistwa: Qhititejj aca libron kellkatäquis uca arunacar yapjjatanejja, Diosajj juparojj cuna mutuyäwittï parlqui ucjja yapt'araquiniwa.

1 Samuel 12:21

Janiraqui uca c'ari diosanacaru sirvipjjamti, jupanacasti janiw yanapapquiristamti, ni khespiyapcaraquiristamsa, c'ari diosanacäpjjatap laycu.