Marcos 4:8 - Qullan Arunaca

⁸ Yakhep jathanacasti suma lak'awjaruw puri. Misturanisinsti jiltiwa, sumrac achu; mayatjj quimsa tuncaru, sojjta tuncaru, yakhepasti patacaru.

Aymar Bibliia 1986

⁸ Yakhep jathanacasti suma lak'awjaruw puri. Misturanisinsti jiltiwa, sumrac achu; mayatjj quimsa tuncaru, sojjta tuncaru, yakhepasti patacaru.

Qullan Arunaka DC

⁸ Ukampis yaqhip jathanakax suma laq'awjaruw purïna, puyanakapasti walipuniw jilantäna, walja achunakarak churäna; mayatxa kimsa tunkaru, suxta tunkaru, yaqhipasti patakaru”.

Marcos 4:8 Jak'a apnaqawi uñst'ayäwi

Génesis 26:12

Uca marasti Isaacajj uca chekaruw yapuchasïna, ucatsti mä suma cosecha apthapiraquïna, Tatitojj jupar bendicitap laycu.

Isaías 58:1

Tatitojj saraquituwa: “Jan ajjsarasa, wali jach'at art'am, mä trompetäcaspas cuncamajj uqham art'asim; marcajjarusti jan wali luratanacapatjj juchañcharaquim, Jacobon marcaparusti jucha luratanacapat juchañcham.

Mateo 13:23

Ucampis suma lak'aru purir jathajja acamp sasiwa: Diosan arunacapa ist'asinjja amuyt'apjjewa, ucatsti mä sumwa achupjjaraqui, mayat patacaru sojjta tuncaru uqhamaraqui quimsa tuncarusa.”

Mateo 13:8

Ucampis ucat ucjjar jathajja wali suma lak'awjaruw puri, ucatsti wali sum achuraqui, mayasti patacaruw achu, chicatanacasti sojjta tuncaru, quimsa tuncaruraqui.

Marcos 4:20

Ucatsipana yakhepanacajj Diosan arunacap ist'asinjja catokapjjewa. Ucatsti achupjjaraquiwa suma lak'ar purquis uca jathanacar uñtata; mayat quimsa tuncaru, mayat sojjta tuncaru, yakhepasti patacaru —sasa.

Marcos 4:7

Yakhep jathanacasti ch'aphinac taypiruw puriraqui. Ch'aphinacasti jiltasinjja chhaktayiwa; janiraquiw achuyquiti.

Marcos 4:9

Ucatsti Jesusajj jupanacarojj sänwa: —Jumanacatejj ist'añ munapjjstajja ist'apjjam —sasa.

Lucas 8:15

Suma lak'aru jalaktirïqui ucasti acaraquiwa: qhitinacatejj take chuymampi Diosan arupjj ist'apqui, uqhamarac catokapjje, ucatsti take chuyma sarapjje, sum achupjjaraqui ucanacawa.

Lucas 8:8

Ucampis mä yakhep jathajj suma lak'awjaruw puri. Jilsuwayjjatatsti, wali sum achu, sapa mayatsti patacar cunaw achu.” Uc sasinwa, Jesusajj jach'at jupanacarojj saraqui: “¡Jumanacatejj ist'añ munapjjstajja, ist'apjjam!” sasa.

Juan 15:5

“Nayätwa uva alejja, jumanacasti layminacäpjjtawa. Qhititejj nayampi mayaquïchi, nayasti jupampi mayaquiraquïta, uquïrejj walwa achuraqui, uqhamasti jumanacajj jan nayampejj janiw cuns lurapcasmati.

Juan 7:17

Maynitejj Diosan munañap lurañ munchi ucajja, uñt'aniwa Diosan yatichäwipächi jan ucajj naya pachpan yatichäwejjaquïchi ucjja.

Hechos 17:11

Uca marcanquir judionacasti juc'amp suma chuymanïpjjänwa, Tesalonicanquir judionacat sipansa. Jupanacasti take chuymaw Pablompir Silasampirojj isch'uquipjjäna. Sapüruraquiw Kellkatanacsa yatjjatapjjäna —Uca arunacajj ¿chekapunïpachati janicha? —sasa.

Efesios 2:21

Uca kaljjaru utajj sayt'ayatawa. Uca kalasti Cristowa ucatsti saraparjamaw ucjjaru suma perkasisqui mä templo jicsutäñapcama, Diosar catuyata, Tatitur mayachataraqui.

Filipenses 1:11

Uqhamwa jacañanacamanjja mä suma cosech apthapiñäcaspas uqhama, Tatit Jesucristor yuspagarasina Diosar jach'añchañataqui.

Colosenses 1:6

Aca pachpa Diosan arunacapasti take chekanwa wali jiltasqui, take chekan parlataraquiwa, take chekanracwa apthapitäscaraqui. Uqhamaw jumanac taypinsa lurasiscaraquejja cunapachattï jumanacajj Diosan munasiñapat ist'apjjäyäta, uca munasiñapajj chekätap yatipjjaraquïyäta ucqhatpacha.