Marcos 4:7 - Qullan Arunaca

⁷ Yakhep jathanacasti ch'aphinac taypiruw puriraqui. Ch'aphinacasti jiltasinjja chhaktayiwa; janiraquiw achuyquiti.

Aymar Bibliia 1986

⁷ Yakhep jathanacasti ch'aphinac taypiruw puriraqui. Ch'aphinacasti jiltasinjja chhaktayiwa; janiraquiw achuyquiti.

Qullan Arunaka DC

⁷ Yaqhip jathanakax ch'aphinak taypiruw purïna. Ch'aphinakasti jiltasin q'al chhaqtayäna, ukat uka jathax jan achuniw uñjasïna.

Marcos 4:7 Jak'a apnaqawi uñst'ayäwi

Jeremías 4:3

Tatitusti sascaquiwa, Judá uqhamaraqui Jerusalén marcanquir jakenacarojja: “Jan yapuchat orakenacaru yapuchapjjam; ch'aphinac taypirusti jan yapuchcjjapjjamti.

Mateo 13:22

Ch'aphi taypinacar jalantat jatha misturisti acamp sasiwa: Suma arunac ist'casinsa, sintwa llaquisipjje acapach yänacatsa, kollketsa. Take ucanacasti juparojj atipjiwa, suma arunacasti janiraquiw jupan chuymapanjja jiltcaspati.

Mateo 13:7

Yakhepanacasti ch'aphi taypinacaruw puriraqui, ch'aphinacampi chica jilcasajja ch'aphinacaw atipjasin chhaktayapjje.

Mateo 13:8

Ucampis ucat ucjjar jathajja wali suma lak'awjaruw puri, ucatsti wali sum achuraqui, mayasti patacaruw achu, chicatanacasti sojjta tuncaru, quimsa tuncaruraqui.

Marcos 4:6

Ucampis cunapachatejj lupejj lupt'anjje ucqhajja, mäquiw wañsuwayjje jan suma saphintatätap laycu.

Marcos 4:8

Yakhep jathanacasti suma lak'awjaruw puri. Misturanisinsti jiltiwa, sumrac achu; mayatjj quimsa tuncaru, sojjta tuncaru, yakhepasti patacaru.

Lucas 12:15

Uqhamaraquiw säna: —Amuyasipjjam jumanacataquic take cuns munañjjata; jaken jacañapasti janiw cunatejj utjarapqui uca walja yänacapancquiti —sasa.

Lucas 21:34

“Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

Lucas 8:14

Ch'aphinac taypir jalantirïqui ucasti acawa: qhitinacatejj aru ist'apjje ucampis sarnakäwinacaparjamajj sarasipcaqui ucawa. Ucatsti cunayman llaquisiñanacampi, kamir cancañampi, acapach cusist'añanacampiw chhaktayjje uqhamatwa jan sum achcjjapjjeti.

Lucas 8:7

Maya jathanacasti ch'aphinac taypiruw puriraqui, ucatsti uca jathamp chic mistur ch'aphinacaraquiw ucarojj chhakayjjaraqui.