Marcos 2:5 - Qullan Arunaca

⁵ Jesusasti jupanacan iyawsañanïpjjatap yatisinjja suchu jakerojj sänwa: —Wawa, juchanacamajj pampachatäjjewa — sasa.

Aymar Bibliia 1986

⁵ Jesusasti jupanacan iyawsañanïpjjatap yatisinjja suchu jakerojj sänwa: —Wawa, juchanacamajj pampachatäjjewa —sasa.

Qullan Arunaka DC

⁵ Jesusasti jupanakan iyawsañanïpxatap yatisinxa, suchu jaqirux sänwa: —Wawa, juchanakamax pampachatäxiwa —sasa.

Marcos 2:5 Jak'a apnaqawi uñst'ayäwi

Génesis 22:12

Tatitun angelapasti saraquïnwa: —Jan cuna ñankhsa wawarojj luramti, jichhasti yattwa Diosar ajjsaratama, janiraquiw “Janiw” sisctati sapa wawama nayar loktaniñjja —sasa.

Salmos 103:3

Tatituw takpach juchanacajjat pampachitu, jupaw take usunacajjat c'umarachitu;

Isaías 38:17

Uñtapjjam, t'akhesiñat sipansa, jichhajj samarañaw utjitu. Jumaquiraquiw nayarojj jacayista, aynacht'añ jach'a p'iyatsa, take juchanacajj perdonatam laycu.

Isaías 53:11

Uqham sinti t'akhesiña tucusitapatsti jupajj khana uñjani, uc yatisitapatsti c'uchiquiw uñjasjjaraquini; Tatitun cheka sirviripasti waljaniruw khespiyani, jupanacan juchanacapsti aparaquiniwa.

Mateo 9:2

Marcapancjjän ucqhasti, mä suchu jakeruw iquiñaru callanipjjäna. Jesusasti jupanacan iyawsañap unjasinjja, usutarojj sänwa: —Ch'amañcht'asim, wawa, take juchanacamatsti perdonatäjjtawa —sasa.

Mateo 9:22

Ucspachaw Jesusajj cutiquipstäna, ucatsti warmiru uñjasinjja sänwa: —Ch'amacht'asim, wawa, iyawsatam laycuw c'umara uñjastajja —sasa. Jupasti ucspachaw c'umaräjjäna.

Mateo 9:5

Jumanacataquejj ¿cunas juc'amp jasaquejja: ‘Juchanacamajj perdonatawa’ sañati, jan ucajj: ‘Sartam ucatsti sarnakaraquim’ sañacha?

Marcos 2:6

Ucan kont'atäsipcaraquïnwa kellkatanac yatichirinacata yakhepanacajja, jupanacasti chuyma mankhanacapan lup'isipcäna:

Marcos 5:34

Jesusasti sänwa: —Wawa, iyawsatam laycuw c'umaräjjtajja. Jichhasti sumac sarjjam. Usumatsti c'umaräjjtawa —sasa.

Lucas 5:20

Jesusasti jupanacan iyawsañanïpjjatap yatisinjja suchu jakerojj sänwa: —Wawa, juchanacamajj perdonatawa —sasa.

Lucas 8:48

Jesusasti ucjjarojj saraquïnwa: —Wawa, iyawsatam laycuw c'umaräjjtajja, sumac sarjjam —sasa.

Juan 2:25

Jaker uñt'añataquejj janiw qhitin yatiyatäñasa waquiscänti, jan ucasti jupa pachpawa yatïna jaken chuymapa.

Juan 5:14

Uca pasatatsti Jesusajj uca jakerojj templonwa jicjjatäna, ucatsti saraquïnwa: —Uñjam, c'umaräjjtawa, jichhajj jan juc'amp juch lurcjjamti jan wastat juc'amp jan walir puriñamataqui —sasa.

Hechos 11:23

Antioquiar purisinjja, Bernabeajj wal cusisïna, cunjämtï Diosajj jupanacar bendiscatayna uc uñjasajja. Jupanacarusti ewjjt'awayiwa: “Take chuymamp Tatitur arcapjjam” sasa.

Hechos 14:9

Uca jakesti Pablon parlataparuw isch'uquiscäna. Pablosti jupar uñcatasinjja, amuyänwa c'umaraptañatac iyawsañanïtapjja.

Hechos 5:31

Ucatsti Diosajj jach'aruraquiw apti, cupëjjaparu utt'ayasa. Jach'a munañan Jilïri Khespiyiriracwa tucuyi, Israel marcajj juchanacapat arrepientisisa perdón catokañapataqui.

1 Corintios 11:30

Ucatpï jumanac taypinjja waljaninacaw usutäsipqui, t'uqhäsipcaraqui, yakhepanacasti jiwarasipcaraqui.

2 Corintios 2:10

Jichhajj jumanacajj qhitirutejj perdonjjapjjstajja, nayajj juparojj perdonjjaractwa. Cuntï nayajj perdoncta ucjja jumanacat qhuyapayasisaw perdonta Tatit nayrakatanjja cuna perdonañatï utjcchïn ucasa,

Efesios 2:8

Diosan munasiñapatwa jumanacajj khespiyatäpjjtajja iyawsañ laycu. Acasti janiw jumanacan luräwinacamäquiti, jan ucasti Diosaw jumanacar churapjjtam.

Colosenses 3:13

Jumanac purajj llamp'u chuymampi sarnakapjjam, maynit maynirus perdonasipjjaraquim jan wali lurasipjjsta ucapachajja. Cunjämtï jumanacarojj Cristojj perdonapjjtamjja, uqhamarac jumanacajj perdonapjjam.

Santiago 5:15

Cunapachatejj jupanacajj iyawsañampi orapjjanejja, uca usutajj khespitäjjaniwa. Tatitusti juparojj sartayjjaraquiniwa, juchanïchi ucqhasti perdonataraquïniwa.