Marcos 2:12 - Qullan Arunaca

¹² Suchu jakesti ucspachaw sartasin iquiñap apthapisi, ucatsti taken uñjcataraquiw mistuwayi. Uc uñjasinsti takeniw muspharapjjäna, Diosaruw yupaychapjjaraquïna: —Janipuniw cunapachas aqhamjja uñjirïctanti —sasa.

Aymar Bibliia 1986

¹² Suchu jakesti ucspachaw sartasin iquiñap apthapisi, ucatsti taken uñjcataraquiw mistuwayi. Uc uñjasinsti takeniw muspharapjjäna, Diosaruw yupaychapjjaraquïna: —Janipuniw cunapachas aqhamjja uñjirïctanti —sasa.

Qullan Arunaka DC

¹² Suchu jaqisti ukspachaw sartasin ikiñap apthapisïna, ukatsti taqin uñjkañaw mistuwayxäna. Uk uñjasinsti taqiniw muspharapxäna, ukatsti Diosaruw yupaychapxäna akham sasa: —Janipuniw kunapachas akham uñjirïktanti —sasa.

Marcos 2:12 Jak'a apnaqawi uñst'ayäwi

Mateo 12:23

Take jakeraquiw cusisiñat wali muspharatäpjjäna, ucat sapjjaraquïna: “¿Acasti Davidan wawapäspati?” sasa.

Mateo 15:31

Take ucanacatsti jakenacajj wal muspharasipjjäna, jan parlir amutunacas arsjjänwa, manconacas waliquëjjänwa, cojonacas sarnakjjapjjaraquïnwa, juyqhunacasti uñj-jjapjjaraquïnwa. Uqhamatwa Israel marcan Diosaparojj yupaychapjjäna.

Mateo 9:33

Ñankha ajayurojj Jesusajj ankaruw alissüna, uca jakesti ucspacharaquiw parlañ kalltäna. Jakenacasti wal muspharapjjäna, sapjjaraquïnwa: —Janipuniw cunapachas uqham uñjirïctanti aca Israel marcanjja —sasa.

Mateo 9:8

Cunapachatejj jakenacajj uc uñjapcän ucqhajja wali ajjsarapjjäna, Diosarusti yupaychapjjaraquïnwa, uqham jakenacaru ch'ama churatapata.

Marcos 1:27

Uc uñjasinsti takeniw sustjasipjjäna, ucat jisct'asipjjaraquïna: —¿Cunas acajja? ¿Cuna machak yatichäwirac acasti? ¡Aca jakejj munañaniraquis ñankha ajayunacar alissuñataquisä, uqhamarac uca ñankha ajayunacampi ist'ayasiñataquisä! —sasa.

Marcos 2:11

—Jumaruw sisma, sayt'asim, iquiñam apthapisim ucatsti utamar sarjjam —sasa.

Lucas 13:13

Ucat jupjjaruw amparapamp Jesusajj lokjjati, uca warmisti ucspachaw chekaptjjäna, ucat Diosaru yupaycharaquïna.

Lucas 17:15

Ucatwa jupanacat maynïrejj c'umaräjjasin Diosar jach'at yupaychasa cutt'aniwayäna.

Lucas 5:26

Takeniraquiw wali sustjatäpjjäna, Diosarusti yupaychapjjaraquïnwa, ucatsti wali ajjsart'asaraquiw sapjjäna: —Jichhürojj wali muspharañanacwa uñjtanjja —sasa.

Lucas 7:16

Uc uñjasinjja takeniw ajjsarthapipjjäna, ucat Diosar yupaychañ kalltapjje: “Mä jach'a profetaw jiwas taypin uñsti. Diosaw juti marcapar yanapt'iri” sasa.

Juan 7:31

Ucampis waljaninacaw jupar iyawsapjjäna, sapjjaraquïnwa: —Cristojj jutcani ucqhajja ¿juc'ampi milagronaca unañchanactï luraspa aca jaket sipansa? —sasa.

Juan 9:32

Janiw cunapachas aqham ni qhititsa ist'asirïquiti: ‘Nacïwipatpach juyqhu jakeruw kollatayna’ siri.

Hechos 4:21

Ucatsti jilïrinacajj ajjsarañanac churasawa qhitanucjjapjje. Marcar ajjsarasinsti janiw cunjämats mutuyañjamäcänti, takeni Diosar yupaychapjjatap laycu cunatejj lurascatayna ucata.