Marcos 13:7 - Qullan Arunaca

⁷ “Cunapachatejj ch'ajjwanacat ist'apjjätajja, uqhamarac guerranacan utjañap yatipjjaraquïtajja ucqhajj janiw sustjasipjjätati, ucanacansti uqham lurasiñapaw waquisi. Ucampis ucqhajj janïraw tucuyäcaniti.

Aymar Bibliia 1986

⁷ “Cunapachatejj ch'ajjwanacat ist'apjjätajja, uqhamarac guerranacan utjañap yatipjjaraquïtajja ucqhajj janiw sustjasipjjätati, ucanacansti uqham lurasiñapaw waquisi. Ucampis ucqhajj janïraw tucuyäcaniti.

Qullan Arunaka DC

⁷ “Kunapachatix ch'axwanakat ist'apxäta, nuwasiñanakan utjañap yatipxarakïta ukkhax janiw axsarapxätati. Ukham lurasiñapaw wakisi; ukampis ukkhax janïraw aka pachan tukusiñ urupäkaniti.

Marcos 13:7 Jak'a apnaqawi uñst'ayäwi

2 Samuel 14:14

Chekpachansa takeniw jiwañänejja, cunjämatejj umajj orakeru wartatajja uqhama jiwasajj wartasiractanjja, uca umasti janiw apthapiñjamäcaraquiti. Ucampisa Diosajj janiw qhitirus jacañapjja apakquiti, jan ucasti Diosajj cunjämatsa muniwa uca jayaru apanucutäqui ucajj jan uqham jayan jacascañapataqui.

Salmos 112:7

Jan wali yatiyäwinacarojj janiw ajjsarquiti, chuymapajj Tatituncasajj wali thurt'atawa.

Salmos 27:3

Nuwasir tamas nayatac tantachasiscpan, chuymajjajj janiw qhathatcaniti; nayar jaljjatañataquis waquichasisipcpan, janiw nayajj llaquiscäti.

Proverbios 3:25

Janiw ajjsarayascätati acatjamata ajjsaraña jutirirusa, janiraquiw juchararanacjjar tucjaña urojj jutcani ucarusa,

Isaías 8:12

“Jan jumanacajj sayt'asiña amtäwinacaw sapjjamti cunürutejj aca marcajj sayt'asiña amtäwiw sisqui ucarojja. Jan ajjsarapjjamti, janirac sustjasipjjamsa cunanacarutejj aca marcajj ajjsarqui ucanacarojja.

Jeremías 51:46

Jan sustjasipjjamti, janiraqui ajjsarapjjamsa cuna arunacatejj marcan parlasqui uca arunacatjja. Sapa maraw take casta arunaca parlasini, nuwasiña toket parlanacaw ist'asini, marcanac apnakerinacas jupanaccamaw ch'ajjwapjjaraquini.

Mateo 18:7

¡Cunja jan walisa acapachataquejj jakenacar juchar puriñanaca utjatapajja! Juchar puriñajj utjapuniniwa, ucampis ¡cunja jan walisa qhititejj juchar puriyqui ucataquejja!

Mateo 2:3

Uqham yatisinjja, rey Herodesajj mayjt'asïnwa, uqhamarac Jerusalenan take jaquir jakenacasa.

Marcos 13:6

Waljaniw nayan sutejjana jutapjjani: ‘Nayätwa Cristojj’ sasa. Jupanacasti waljaniruraquiw sallkjapjjani.

Marcos 13:8

Mä jach'a marcajj mayni jach'a marca contraw nuwasini, mä marc apnakeristi mayni marc apnaker contraraquiw nuwasiraquini, orak qhathatinacaw walja chekan utjani; mach'anacampi ojjoñanacampiraquiw utjani. Take uca t'akhesiñanacasti kalltaquïscaniwa.

Juan 14:1

“Jan jumanacajj llaquisipjjamti. Iyawsapjjam Diosaru, nayarus iyawsapjjaraquita.

Juan 14:27

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Hechos 17:3

Kellkatanacarjamaw Pablojj jupanacar khanañchäna: “Cristojj t'akhesiñapapunïnwa, ucatsti waquisiraquïnwa jiwatata jactañapajja. Qhitittï nayajj jumanacar parlapcsma uca Jesusapï Diosan qhitanit Cristojja” sasa.