Marcos 13:6 - Qullan Arunaca

⁶ Waljaniw nayan sutejjana jutapjjani: ‘Nayätwa Cristojj’ sasa. Jupanacasti waljaniruraquiw sallkjapjjani.

Aymar Bibliia 1986

⁶ Waljaniw nayan sutejjana jutapjjani: “Nayätwa Cristojj” sasa. Jupanacasti waljaniruraquiw sallkjapjjani.

Qullan Arunaka DC

⁶ Waljaniw nayan sutixar jutapxani: ‘Nayätwa Cristox’ sasa. Jupanakasti waljaniruw sallqjapxani.

Marcos 13:6 Jak'a apnaqawi uñst'ayäwi

Jeremías 14:14

Ucatsti Tatitojj saraquituwa: “Uctejj profetanacajj nayan sutejjaru sasipcchejja, ucapachajj c'arisipjjewa. Janiw nayajj jupanacaru qhitancti, janiw cuna arojjsa churcaractti, ni jupanacarojj cunsa siscaractti. Ucanacajj c'ari yatiyäwinacaquiwa, c'ari uñjäwinacac parlapjjaraqui, jupanacan amtatanacaparu parlapjjatapaquiwa. Ucanacacwa uca profetanacajj yatiyapjjejja.

Mateo 24:11

Walja c'ari parlirinacaraquiw sartani, Diosatsa parlapcaspa uqhama, ucanacasti waljaniruraquiw sallkjapjjani.

Mateo 24:5

Waljaniraquiw nayan sutejjanjja jutani: ‘Nayätwa Cristojja’ sasa, jupanacasti waljaniruraquiw c'arintapjjani.

Marcos 13:22

C'ari cristonacampi, c'ari profetanacampiw sartani. Ucatsti unañchanacamp, muspharcañanacamp lurapjjani, jakenacar pantjayañataqui. Waquisin ucqhajj Diosan ajllitanacaparus pantasiyañ munapjjani.

Marcos 13:5

Jesusajj jupanacarojj sänwa: —Wal amuyasipjjam, janiw qhitimpis sallkjayasipjjätati.

Marcos 13:7

“Cunapachatejj ch'ajjwanacat ist'apjjätajja, uqhamarac guerranacan utjañap yatipjjaraquïtajja ucqhajj janiw sustjasipjjätati, ucanacansti uqham lurasiñapaw waquisi. Ucampis ucqhajj janïraw tucuyäcaniti.

Juan 5:43

Nayajj Awquejjan qhitanitaw jutta, jumanacasti janiw catokapquistati; ucampis maynitejj jupa pachpat jutaspa ucarojj catokapjjasmawa.

Juan 8:24

Ucatpï sapjjsmajja: ‘Juchanacaman jiwarapjjäta’ sasajja. Jumanacatejj jan iyawsapquitäta nayajj qhitïcti ucjja, juchanacamanwa jiwarapjjäta —sasa.

Juan 8:28

Ucatwa Jesusajj jupanacar saraquïna: —Cunapachatejj jumanacajj Jaken Yokapar jach'ar aptapjjäta ucqhawa uñt'apjjetäta qhitïcti nayajj ucjja, uqhamarac jan cuns nayan munañajjat luratajjsa. Nayajj arstwa cuntejj Awquejj yatichquitu uca.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.