Marcos 12:1 - Qullan Arunaca

¹ Ucjjarusti Jesusajj uñtasïwinac toke parlañ kalltäna: “Mä jakew utjäna, orakeparusti uva alinac ayruntäna. Ucatsti uyuchrantayänwa; uqhamaraquiw uva ch'irwañ waquicharaquïna. Uñjañataquisti mä torre luraraquïna. Jupasti yapuchir jakenacaruw uca orakepjj arrendjawayäna, ucatsti jaya marcaruw sarjjäna.

Aymar Bibliia 1986

¹ Ucjjarusti Jesusajj uñtasïwinac toke parlañ kalltäna: “Mä jakew utjäna, orakeparusti uva alinac ayruntäna. Ucatsti uyuchrantayänwa; uqhamaraquiw uva ch'irwañ waquicharaquïna. Uñjañataquisti mä torre luraraquïna. Jupasti yapuchir jakenacaruw uca orakepjj arrendjawayäna, ucatsti jaya marcaruw sarjjäna.

Qullan Arunaka DC

¹ Jesusax uñtasïwinak tuqiw parlañ qalltäna: “Mä jaqiw utjäna, uraqiparusti uva alinak ayruntäna, ukatsti uyuchrantayänwa; uva ch'irwañ wakichäna, uva yapu uñjañatakisti mä uta lurarakïna. Jupasti yapuchir jaqinakaruw waki yapuchapxañapatak churawayäna, ukatsti jaya markaruw sarxäna.

Marcos 12:1 Jak'a apnaqawi uñst'ayäwi

Isaías 7:23

Uca urunacansti cunatejj nayrajj waranka uva ali yapuchatäcän ucajj uqhamaraqui alapas waranka kollkëcän ucajj ch'aphi aliruquiw tucjjani.

Jeremías 2:21

Mä suma uva alïcasmas uqhamwa nayajj ayrusïyäsma, wali suma uva jathat jutirïcasmas uqhama. Ucampisa jichhajj k'ala jan wali tucutätawa, jan uñt'añjamäjjtawa.

Ezequiel 20:49

Nayasti ucjjarojj saractwa: “Tata, jakenacajj sapjjewa nayajj jan amuyt'caña arunacaqui parlascatajja” sasa.

Mateo 13:3

Jupasti walja yatichäwinacwa yatichäna, uñtasitanac toke. Saraquïnwa: “Mä yapuchir jakew phawir mistu.

Mateo 21:28

Jesusasti jupanacarojj sänwa: “¿Cunjämas aca amuyt'ajj jumanacataqui? Mä jakew pani yokanïna; ucat maynïriruw irnakeri qhiti, saraquiwa: ‘Saram irnakeri uva yapojjaru’ sasa.

Mateo 21:33

“Ist'apjjaraquim aca amuyt'a toke: Mä yapuchir jakew uva alinac orakeparu ayruntäna, ucjjarusti lawanacampiraquiw muyuntayäna. Luraraquïnwa uca uva ch'irwsuñataquejja mä uta, uqhamarac mä torre luraraquïna take ucanac uñjañataqui. Ucat yapunejj yakha yapuchir jakenacaruw uca yapupjja arrendjawayi ucatsti jayaruw sarjje.

Mateo 21:34

Cunapachatejj yapu apthapiñ horasajj purinjjän ucqhajja, uca yapuruw qhiti mä kawkha jupan uywatanacaparu, cunatejj jupar wact'cäna apsusiñapajj cosechatjja uca aptaniri.

Mateo 25:14

“Diosan reinopajja aca uñtasitamp sasiwa: Mä jakew yakha marcar sarjjañataquïscäna ucatwa sirvirinacaparu jawsthapini, ucatsti kollkep jupanacar churaraqui.

Marcos 11:33

Uqhamasti jupanacajj Jesusarojj sapjjänwa: —Janiw yatipcti qhitipunejj qhitanchi —sasa. Jesusasti ucjjarojj saraquïnwa: —Uqhamajj janiraquiw nayas sapcämati, cuna munañanïñampitejj take acanac lurctjja ucsa.

Marcos 13:34

Ucajj aqhamar uñtatawa: Cunapachatejj mä jakejj jayar sarañ amtejja, janïr sarcasaw uywatanacaparojj ewjjt'i, uqhamarac sapa maynirus lurañanacapa jaytawayaraqui. Ut uñjirirusti sum uñjañapataquiw jaytaraqui.

Marcos 3:23

Ucatsti Jesusajj jupanacar jawsasinjja uñtasïwinac tok khanañchäna: —¿Cunjämaraqui supayasti jupapachparusti jakonucusispasti?

Marcos 4:2

Jesusasti cunayman uñtasïwinacampiw yatichäna, saraquïnwa:

Lucas 15:13

Mä kawkha urutsti sullquïr yokajj take cunap aljantasinjja, yakha marcaruw sarawayjjäna, ucanwa kollkepjja ina ch'usar tucuntäna, jan wal jacasina.

Lucas 19:12

Ucatwa jupanacar saraqui: “Mä jakew wali aytat familiat utjäna, ucajja jaya marcaruw sari reyit utt'ayatäñapataqui ucat cutinjjañataqui.

Lucas 22:9

Jupanacasti jisct'apjjewa: —¿Cawqharu waquichañanacajjsa munta? —sasa.

Lucas 8:10

Ucat jupanacar saraquïna: —Jumanacarojj Diosaw yatiyapjjtam cunanacatejj alajjpachan imantatäqui ucanacjja; ucampis mayninacarojj uñtasitanac tok parltjja, uñjcasinsa jan uñjir tucupjjañapataqui, uqhamarac ist'casinsa jan amuyt'apjjañapataqui.

Hechos 7:38

Moisesasti wasaranjja uca israelita jakenacampiraquïnwa. Uqhamaraquiw jupajj Sinaí kollunsa Diosan angelapampejj parläna. Jiwasanacan awquinacasampïcasinjja, jupajj uca ángel tokew jacañ arunacjja catoke, jiwasanacar churañataqui.