Marcos 11:1 - Qullan Arunaca

¹ Jerusalén jac'ancjjasinsti Betfagempita Betaniampita, Olivos kollu uñcatasiwjatwa Jesusajj pani discipulonacaparojj qhitäna:

Aymar Bibliia 1986

¹ Jerusalén jac'ancjjasinsti Betfagempita Betaniampita, Olivos kollu uñcatasiwjatwa Jesusajj pani discipulonacaparojj qhitäna:

Qullan Arunaka DC

¹ Jerusalén jak'ankxapxän ukkhasti, Betfagempita Betaniampita, Olivos qullu uñkatasiwjat Jesusax pani yatiqiriparuw khithäna,

Marcos 11:1 Jak'a apnaqawi uñst'ayäwi

2 Samuel 15:30

Davidasti Olivos kollu amsta maqhatascaraquïna; k'ara cayuquiw sararaquïna, jacht'asisa, p'ekepas ch'okt'ata llaquisitapa uñacht'ayañataqui. Take cawquïri jakenacatejj jupampi chica maqhatapcän ucanacasti p'ekenacapa ch'okt'atcamaquiw sarapjjaraquïna uqhamaraqui jacht'asisa.

Zacarías 14:4

Uca uruw Tatitojj cayup tact'asinejja Olivos kollu patjjarojja, ucasti Jerusalén uñcatasinquiwa, inti jalsu tokena. Mä jach'a valleraquiw jist'artaraquini inti jalsut jalanta tokeru, payaruraquiw jaljtayanejja Olivos kollurojja. Chicat kollusti jitt'araquiniwa amsta tokeru, maynïr chicatasti aynacha tokeruraqui.

Mateo 21:17

Uca pasatatsti Jesusajj Jerusalén marcatjja Betaniaruw sarjjäna, ucanwa uca arumajj kheparäna.

Mateo 24:3

Jupanacasti Olivos sat kolluruw mistjjapjjäna. Ucan Jesusajj kont'atäsquipanwa discipulonacapajj mä jisct'a jamasat jisct'apjjäna: —Nanacajj munapjjtwa yatiña cunapachatï take acanacajj pascani ucanaca. ¿Cawquïrïnis chimpojja jumajj cutt'ancät ucqhajja, uqhamarac acapach tucuscan uca urutsa? —sasa.

Mateo 26:30

Mä k'ochu k'ocht'atatsti Olivos sat kolluruw sarjjapjjäna.

Marcos 11:2

—Qhaycatancquis uca jisc'a marcar sarapjjam. Purisinsti mä asnoruw ucan chinutäsquir jicjjatapjjäta. Ucarusti janiraquiw qhitis konjjatquiti. Jararanipjjam ucatsti irpanipjjaraquim.

Marcos 13:3

Ucatsti templo uñcatas Olivos kolluruw sarapjjäna. Jesusar ucan kont'atäsquir uñjasinsti, jupa saparuquiw jamasat Pedrompi, Jacobompi, Juanampi, Andresampejj jisct'apjjäna:

Marcos 14:13

Ucatsti Jesusajj pani discipulonacaparuw qhitäna: —Marcar sarapjjam, ucansti mä chacharuw uma waculla apt'at jicjjatapjjäta. Ucatsti juparuw arcapjjäta.

Marcos 6:7

Tunca payan discipulonacapar jawsasinsti panin panin qhitäna. Ucatsti ch'am churaraquïna ajayunac alissupjjañapataqui.

Juan 8:1

Jesusasti Olivos sat kolluruw sarawayjjaraquïna.

Hechos 1:12

Ucanac pasjjepansti, Olivos sat kollutjja Jerusalenaruw cutt'jjapjjäna. Uca kollusti Jerusalenatjj jac'ancaquiwa, mä chica tupun chicataparjama.