Marcos 10:5 - Qullan Arunaca

⁵ Jesusasti ucjjarojj sänwa: —Moisesajj kala chuymäpjjatam laycuwa uca camachi arunacjja jaytawayapjjtamjja.

Aymar Bibliia 1986

⁵ Jesusasti ucjjarojj sänwa: —Moisesajj kala chuymäpjjatam laycuwa uca camachi arunacjja jaytawayapjjtamjja.

Qullan Arunaka DC

⁵ Jesusasti ukxarux sänwa: —Moisesax qala chuymanïpxatam laykuw uka kamachi arunak jaytawayapxtam.

Marcos 10:5 Jak'a apnaqawi uñst'ayäwi

Nehemías 9:26

“Ucampis jupanacajj jan ist'asirinacäpjjänwa, juma contraw tucupjjäna, uqhamarac leyimarusa jisc'achapjjaraquïnwa. Ucjjarusti jiwayapjjänwa profetanacamarojja jupanacar juchañchatapata jumar cutt'anjjañapataqui, ucatjja jach'a juchanacwa juma nayrakatan lurapjjäna.

Mateo 19:8

Jesusasti saraquïnwa: —Jumanacan wali kala chuymanïtam laycuwa Moisesajj warmimp jaljtañjja jaytawayapjjtamjja, ucampis kalltanjja janiw uqhamäcänti.

Hechos 7:51

“Estebanajj sascaquïnwa: Jumanacajj sinti kala chuyman jakenacäpjjapuntawa. Jinchunacamasa Diosar jan uñt'ir jakenacanjamawa. Jumanacajj Kollan Ajayu conträpjjaractawa, cunjamäcäntejj awquinacamajj uqhamaraquïpjjtawa.

Deuteronomio 24:1

“Mä jaketejj mä warmiru irptasisina jupampi casarasini, ucatsti janirac jupajj muncjjaniti, jupan k'añu sarnakatapa jicjjatani, ucapachasti mä certificado kellkt'ata jaljtañatac churjjani, utapat qhitanucjjasaraqui.

Deuteronomio 31:27

Nayasti yattwa jumanacan Tatitu contra sayt'asiri, amuyt'asiri jakenacäpjjatamjja. Naya jacasquipansa jumanacajj Tatitu contraw sayt'asipjjtajja, ¿cunjämaraquïni nay jiwjjä ucqhasti?

Deuteronomio 9:6

Jichhasti yatipjjätawa, janiw Diosajj jumanacan asqui luratanacam laycuti uca suma orakenaca churapctamjja, jan ucasti jumanacajj jan ist'asir marcäpjjtawa.