Marcos 1:5 - Qullan Arunaca

⁵ Take Judeanquiri, Jerusalén marcanquirinacas jupar ist'iriw jutapjjaraquïna. Juanasti jupanacan juchanacapat arsusipanjja Jordán jawiranwa bautisäna.

Aymar Bibliia 1986

⁵ Take Judeanquiri, Jerusalén marcanquirinacas jupar ist'iriw jutapjjaraquïna. Juanasti jupanacan juchanacapat arsusipanjja Jordán jawiranwa bautisäna.

Qullan Arunaka DC

⁵ Taqi Judeankiri, Jerusalén markankirinakas jupar ist'iriw mistunipxäna. Juanasti jupanakan juchanakap arsusipanxa, Jordán jawiran jupanakarux bautisäna.

Marcos 1:5 Jak'a apnaqawi uñst'ayäwi

Salmos 32:5

Ucampis jucha luratajjaw utjäna, uc amuyasta, ucat jucha luratanacajj jan imt'csmati; juchanacajj jumar arsusiñataquiw amtta, Tatay, jumasti juchanacajjat pampachista.

Proverbios 28:13

Qhititejj juchap imantascani ucajja, janiw nayrar sarcaniti, ucampis qhititejj juchap arsusisina jaytanucjjani, ucasti perdonatäjjaniwa.

Mateo 4:25

Walja jakenacaraquiw Jesusarojj arcapjjäna Galileata, uqhamarac Decápolis, Jerusalén, Judea ucanacata, uca quicparaqui Jordán inti jalsu tokenquirinacatsa.

Marcos 1:4

Juanaw wasaran jakenacarojj bautisascäna, ucatsti saraquïnwa: Jan wali luräwinacamatjja arrepientisipjjam, juchanacamat perdonatäpjjañamataqui, sasa.

Marcos 1:6

Juanan isipajj camello t'awrat luratänwa; cinturonapasti lip'ichit lurataraquïnwa; mank'apasti langostanacampi wasaran utjquis uca misq'inacampiraquïnwa.

Juan 1:28

Take acanacajj pasänwa; Betábara sat chekana, ucasti Jordán jawirat inti jalsu tokencänwa, cawqhantejj Juanajj bautiscäna ucqhana.

Juan 3:23

Uca pachparaquiwa Bautisiri Juanajj Enón sat chekan bautisascäna, Salim sat jac'ana, ucawjan walja uma utjatap laycu, jakenacasti puriniritcamaw bautisatäna.

Juan 5:35

Juanajj mä lamparjamaw jumanacataquejj khanäna, jumanacasti mä juc'a urunacasa cusisiñwa munapjjäyätajj uca khanapanjja.

Hechos 19:18

Walja iyawsirinacaraquiw jutasin take jan wali luratanacap arsusipjjäna.

Hechos 2:38

Ucjjarusti Pedrojj jupanacarojj sänwa: —Sapa mayni jumanacajja cutiquipstapjjam, uqhamarac bautisasipjjam Jesucriston sutiparu, juchanacamata perdonatäpjjañamataqui. Ucatwa Diosajj Kollan Ajayu churapjjätam.

Santiago 5:16

Ucatpï jumanac purajj maynit mayniru juchanacamjja arsusipjjañamajja, ucatsti maynejj maynitaqui orañaparaquiwa uqhamata c'umaräjjañapataqui. Mä asqui jaken oracionapasti wali ch'amaniraquiwa.

Josué 7:19

Ucatsti Josué chachajj Acán jakerojj sänwa: —Wawajja, Israel marcan jach'a Diosaparojj jach'añcham; jan c'arisisaraqui take juchanacam arsusim jan cunsa imt'asa —sasa.