Marcos 1:1 - Qullan Arunaca

¹ Diosan Jesucristo Yokapjjata suma yatiyäwi arunacajj aqhamatwa kallti.

Aymar Bibliia 1986

¹ Diosan Jesucristo Yokapjjata suma yatiyäwi arunacajj aqhamatwa kallti.

Qullan Arunaka DC

¹ Diosan Jesucristo Yuqapxata suma yatiyäwi arunakax akhamat qallti.

Marcos 1:1 Jak'a apnaqawi uñst'ayäwi

Salmos 2:7

Tatitun arsutap yatiyä: Jupajj situwa: “Jumaw nayan wawajjätajja: jichhüruw jumarojj jacañ chursma;

Mateo 14:33

Ucapachawa botenquirinacajj quillt'asisin Jesusarojj sapjjäna: —¡Chekapuniw Diosan Yokapätajja! —sasa.

Mateo 17:5

Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Mateo 3:17

Alajjpachatsti ist'asiraquïnwa mä aru aqham siri: “Acawa munat Wawajjajja, cawquïrirutejj nayajj ajllista ucajja” sasa.

Mateo 4:3

Supayasti ucapachajj jac'achasiraquïnwa Jesusar yant'añataqui, aqham sasa: —Jumatejj Diosan yokapästa ucajja, aca kalanacarojj t'ant'ar tucuyam —sasa.

Lucas 1:35

Angelasti sänwa: —Kollan Ajayuw jumjjaru jutani, ucatsti alajjpach Diosan ch'amapaw mä kenayjam jumarojj imjjattätam. Ucatwa nascan uca wawajj Diosatac yakhachatäni, ucatsti Diosan Wawapa sataraquïniwa.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Juan 1:34

Nayaw uñjta, nayaraquiw testigötjja, jupajj Diosan wawapätapa” sasa.

Juan 1:49

Natanaelajj ucjjarojj sänwa: —Yatichiri, jumajj Diosan Yokapätawa, Israel marcan Reyipa —sasa.

Juan 20:31

Ucampis acanacajj kellkatawa Jesusajj Cristötap iyawsapjjañamataqui uqhamarac Diosan Yokapätapsa, ucatsti iyawsasinjja jacañanïpjjañamataqui.

Juan 3:16

“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Juan 6:69

Nanacajj iyawsjjapjjtwa, uqhamarac yatipjjtwa jumajj jacquiri Diosan Yokapa Cristötama —sasa.

Hechos 1:22

Uca chachanacasti Juanajj bautiscäna uca urutwa arcapjje, cunürutï Jesusajj alajjpachar maqhatcäna ucürcama. Jupanacatsti maynejj ajllitäñapaw jiwasanacamp chica Jesusan jacatatäwipat khanañchañapataqui.”

Hechos 13:24

Janïr Jesús jutquïpanjja, Juan sat chachaw yatiyäna Israelanquir take jakenacar aqham sasa: ‘Bautisasipjjam, jan wali luräwinacamatsti arrepientisipjjaraquim’ sasa.

Romanos 8:3

Diosajj phokhawayjjewa cuntejj Moisesan leyipajj jan lurcäna jan ch'amanïtapata, jiwasanacan wali juchararätas laycu. Diosasti jupan mä sapa Wawaparuw qhitani jiwasjam janchi cuerponi, uca quipca jucharus purirjamaraqui. Jupasti jucha laycu jiwañataquiw juti, ucatsti jupajj jucharojj juchañchawayiwa, janchincasinracwa atipjawayi.

Romanos 8:32

Diosajj janiw Wawaparus perdonquiti, ucatpï Wawaparojj jiwañaru catuyejja jiwasanacan juchanacas laycu. Uqhamasti ¿janiquit take cuns churquistani Wawapamp chicjja?