Lucas 17:24 - Qullan Arunaca

²⁴ Cunjämtejj mä llijullijojj maysat maysar khantir uñjapjjtajja, uqhamäniwa Jaken Yokapajj jutcan uca urojja.

Aymar Bibliia 1986

²⁴ Cunjämtejj mä llijullijojj maysat maysar khantir uñjapjjtajja, uqhamäniwa Jaken Yokapajj jutcan uca urojja.

Qullan Arunaka DC

²⁴ Kunjämtix mä lliju llijux maysat maysar qhantixa, ukhamäniw Jaqin Yuqapax jutkan uka uruxa.

Lucas 17:24 Jak'a apnaqawi uñst'ayäwi

Ezequiel 1:14

Uca pusinisti janc'aquiw jutapjjäna sarapjjaraquïna mä llijullijunacäpcaspas uqhama.

Zacarías 9:14

Tatituw marcapjjaru uñacht'ayasinejja; flechanacapsti rayonacjam antutt'araquini. Dios Tatituw trompeta toct'anejja, aynach jach'a thayamp chicaw sarantaraquinejja.

Mateo 24:27

Cunjämtejj mä llijullijojj uñjasi jalsut jalantcamajja, uqhamaraquïniwa Jaken Yokapajj jutcani ucqhajja.

Mateo 24:30

Ucapachaw alajjpachan mä chimpojj uñstanini Jaken Yokapata. Take marcan jaquir jakenacasti ucapachaw jachapjjani, Jaken Yokaparusti uñjapjjaraquiniw kenayjjan jutasquiri jach'a ch'amapampi, uqhamarac jach'a c'ajquir cancañapampi.

Mateo 25:31

“Cunapachatejj Jaken Yokapajj reyjama jutcani ucapachajja, angelanacapampi muyuntataw jupajj kont'asini tronoparojja take ch'aman cancañapampi.

Mateo 26:64

Jesusasti saraquïnwa: —Jïsa nayätwa, cunjämtejj jumajj sisctas ucajja. Sapjjaracsmawa, uñjapjjaraquïtawa Jaken Yokaparojj ch'aman Diosan cupëjjapan kont'atäsquiri, uqhamarac alajjpachat kenayjjan sarakasinquiri.

Mateo 5:15

Janiraquiw mä lamparasa jamasaru uchañataqui aktayatäquiti, jan ucasti khanawjar uchatäñapawa take uta mankhanquirinacaru sum khantañapataqui.

1 Corintios 1:8

Juparaquiw jumanacarojj suma uñjapjjätam khepa urucama, uqhamat jan qhitis jumanacar juchañchañapataqui Jesucristojj jutcan uca urunjja.

1 Tesalonicenses 5:2

Jumanacajj asquiw yatipjjta, Tatitojj purininiwa cunürutejj jan suycañäni ucüru, cunjämatejj mä lunthatajj arum jutqui uqhama.

2 Tesalonicenses 2:2

jan janc'aqui amuyunacamjja mayjt'ayapjjañamataqui. Janiraqui cuna casta ajayun arunacampis sustjayasipjjamti, ni cuna casta arunac ist'asinsa, ni cuna carta catokasinsa “Tatitun urupajj purinjjewa” sas kellkata ucatsa.

2 Tesalonicenses 2:8

Ucatsti qhä ñankha jakejj uñstaniniwa, Tatit Jesusasti saman phust'apampiquiw jiwayani, c'ajquir jutäwipampiw t'unjaraquini.

Santiago 5:8

Jumanacajj llamp'u chuymanïpjjaraquim, janiraqui mayjt'asipjjamti, Tatitun jutañapasti jac'achaniwa.

2 Pedro 3:10

Ucampis Tatitun jutañap urojja acatjamatwa jutani, lunthatar uñtata. Alajjpachanacasti mä jach'a ajjsarcañ warariñanacampiw t'unthaptani, cunanacatejj alajjpachan utjqui ucanacasti ninampi tucjatäniwa, orakensti, cunanacapatejj utjqui ucanacämppacha, Diosan taripäwipar catuyataw kheparani.