Lucas 1:6 - Qullan Arunaca

⁶ Dios nayrakatanjja panpachaniw asqui jakëpjjäna, uqhamaraquiw Diosan camachi arunacapsa, leyinacapsa phokhapjjerïna. Uqhamata jupanacarojj janiw qhitis, ni cunats juchañchañïrjamäcänti.

Aymar Bibliia 1986

⁶ Dios nayrakatanjja panpachaniw asqui jakëpjjäna, uqhamaraquiw Diosan camachi arunacapsa, leyinacapsa phokhapjjerïna. Uqhamata jupanacarojj janiw qhitis, ni cunats juchañchañïrjamäcänti.

Qullan Arunaka DC

⁶ Jupanakax Diosan nayraqatapan aski jaqïpxänwa, Tatitun arsutaparjama, kamachiparjam phuqhasaw jan khitinsa juchañchat sarnaqapxäna.

Lucas 1:6 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Génesis 6:9

Acaw Noen sarnakäwipajja. Noesti wali suma jakënwa, Diosar jaysasapuniw sarnakaraquirïnjja. Jakenac taypinsti jupa sapaquiw Diosan munañaparjamajj sarnakäna.

Génesis 7:1

Uca khepatsti Diosajj Noerojj saraquïnwa: “Take jakenac taypinsti juma sapaquiw nayan munañajjarjamajj sarnaktajja. Uca laycu jichhajj familiamampi arcar mantjjam.

1 Reyes 15:5

Davidasti Tatitutaquejja suma asquinwa sarnakäna, jacañapanjja janipuniw sarakcänti cuntï Tatitojj lurañataqui churcäna ucatjja, jan ucasti Urías hititampi luräwipanacwa sarakänjja.

1 Reyes 9:4

Jichhasti jumatejj sarnakäta nayrakatajjana, cunjämatejj David awquimajj sarnakcäna uqhama, jan jucha lurasa cheka chuymamampi, uqhamarac luraraquïta cunanactejj siscsma lurañamataqui, ucatsti leyinacajjarusa, arsüwinacajjarusa ist'araquïta ucajja,

2 Reyes 20:3

“Nayajj achict'assmawa, Tatay, amtastati cunjämsa nayajja suma cheka chuymampi sirviyäsma uca, cunatejj jumataqui asquïqui ucanac lurasina” sasa. Ucatsti jupajj walipuniw jachäna.

2 Crónicas 17:4

jan ucasti awquipana Diosaparuwa sirvïna, mandamiento arunacapa phokhasina, janiraquiw Israelanquiri jakenacan sarnakäwiparu arccänti.

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Job 1:8

Ucat Tatitojj Supayarojj saraquïnwa: —¿Job sat sirvirejjaru uñjaniwaytati? Janiw qhitisa orakenjja utjquiti jupjama cheka, asqui jakejja, jupasti janipuniw qhitirus ñankha lurañ munquiti —sasa.

Salmos 119:6

Janiw cunat p'enk tucuñajjas utjcaniti, takpach arsutanacam phokcä ucapachajja.

Lucas 1:7

Janiraquiw wawanïpcänti, Elisabetasti janiw wawachasirïcänti. Uqhamarus jupanacajj wali chuymanëjjapjjänwa.

Lucas 16:15

Jesusasti jupanacarojj saraquïnwa: “Jumanacasti jakenac nayrakatanjja asquit uñt'ayasipjjtajja, ucampis Diosajj chuymanacamjja sumwa uñt'apjjtamjja. Cunatejj jakenacataqui asquïqui ucajj Diosataquejj janiw walïquiti.

Lucas 2:25

Qhaya urunacansti Jerusalén marcan mä chachaw utjäna Simeón sutini. Jupasti wali suma jakënwa, Diosaru, suyt'ascaraquïnwa Israel marcan khespiyäwipa. Kollan Ajayuw jupampiraquïna,

Hechos 2:25

Rey Davidasti Jesusjjat parlcasinjja aqham sänwa: ‘Nayajj Tatiturojj uñjapunirïtwa nayrakatajjancasquiri. Jupasti cupëjjajjanquiwa, jan qhitis nayar ajjsarayañapataqui.

Hechos 23:1

Pablojj uca jach'a jilïrinacar uñcatasinjja sänwa: —Jilatanaca, jichhürcamajj nayajj k'oma chuymampiw jacasiwayta Dios nayrakatanjja —sasa.

Hechos 24:16

Ucatwa ch'amañchasipunta Diosan nayrakatapansa, jakenacan nayrakatapansa, k'oma chuymanïñpuni jacasiña.

Hechos 8:21

Jumanjja janiw wact'ctamti catokañamajja, ni asquïcaractas ucataquejja. Chuymamasti janiw chekäquiti Dios nayrakatanjja.

Romanos 8:4

Take acanacsti lurawayiwa jiwasanacan cuntejj leyejj sisquis ucanac lurañasataqui, jiwasanacasti janiw janchin munañaparjam jacjjtanti, jan ucasti Ajayumpi chict'ataw jacjjtanjja.

1 Corintios 11:2

Jilatanaca, jumanacajj nayatjja amtasipjjapunistawa uqhamaraqui cuntejj yatichapcäyäsma ucarjamaraquiw sarnakasipcta, uqham lurapjjatanacamatjja wal cusista.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

Deuteronomio 5:33

Sarapjjamay cawquïri thactï Tatitu Diosajj uñacht'ayapctam ucanjama, uqhamata sum sarañanacamataqui, walja maranaca jacapjjañamataquiraqui cawquïri oraktï Tatitu Diosajj churapcätam ucana.

Filipenses 2:15

uqhamat jan qhitis cunatsa jumanacar juchañchañapataqui, jan ucasti Diosan wawanacapjama jan cuna k'añuni jan wali jakenac taypins jicjjatasipjjañamataqui. Jumanacasti jupanac taypinjja c'ajapjjapunim cunjämatejj mä warawarajj ch'amac taypin c'ajqui uqhama,

Colosenses 1:22

Cristojj janchipan jiwatap toke. Acsti jumanacar jupa nayräjjar uñstayañataquiw luri, jan cuna k'añuni ni cuna juchansa.

1 Tesalonicenses 3:13

Uqhamaraqui chuymanacamanjja ch'amañchatäpjjañamataqui, k'omachata jan cuna juchani Dios Awquisan nayrakatapana, cunapachatejj Tatit Jesusajj take jupanquirinacapampi jutcani ucapachajja.

2 Pedro 3:14

Ucatpï munat jilatanaca, acanac suyt'casajja take cunsa ascpun lurapjjam, uqhamata Diosajj jumanacar sumana jicjjatañapataqui, jan juchani ni cuna k'añunsa.

1 Juan 2:29

Jumanacajj yatjjapjjtawa Tatit Jesucristojj chekapätapa, yatipjjañamaraquiwa take qhitinacatejj chekapa lurapquejja, ucanacajj Diosan wawanacapawa.

1 Juan 2:3

Jiwasatejj Diosan camachinacaparu ist'asctanjja, uqhamanwa Diosar uñt'atasjja yattan.

1 Juan 3:7

Wawanacajja, jan qhitimpis c'arintayasipjjamti; asqui lurirejja asquiraquiwa, cunjämatejj Tatitojj asquïqui uqhama.