Levítico 9:24 - Qullan Arunaca

²⁴ Tatitun nayrakatapatsti ninaw mistuniraquïna, cawquïri uywatejj naqhantayatäñapäcäna, uqhamarac cuna liq'itejj altarjjan apnokatäcän take ucanacwa naqhantaraquïna. Take ucanaca uñjasinsti, israelitanacajj takpachaniw cusisiñat wali arnakasipjjaraquïna, ucatsti paranacapampi oraker puriñcamaw alt'apjjaraquïna.

Aymar Bibliia 1986

²⁴ Tatitun nayrakatapatsti ninaw mistuniraquïna, cawquïri uywatejj naqhantayatäñapäcäna, uqhamarac cuna liq'itejj altarjjan apnokatäcän take ucanacwa naqhantaraquïna. Take ucanaca uñjasinsti, israelitanacajj takpachaniw cusisiñat wali arnakasipjjaraquïna, ucatsti paranacapampi oraker puriñcamaw alt'apjjaraquïna.

Qullan Arunaka DC

²⁴ Tatitun nayraqatapatsti ninaw mistüna, uka ninasti kawkïri uywatix nakhantayatäñapäkäna, kuna lik'itix altarxan apnuqatäkän taqi ukanak nakhantäna. Taqi ukanak uñjasinsti, israelitanakax taqpachaniw kusisiñat wal arnaqasipxäna, ukatsti killt'asisin paranakapsa uraqir puriyañkamaw alt'apxarakïna.

Levítico 9:24 Jak'a apnaqawi uñst'ayäwi

Génesis 15:17

Cunapachatejj arumäjjäna, wali ch'amacäjjaraquïn ucapachajj mä hornow wali jek'escäna, mä nina wiyaraquiw uca jaljat animalanac taypin sarnakascäna.

Génesis 17:3

Ucapachasti Abramajj orakeruw alt'äna ajanupajj oraker puriñcama, Diosasti ucchañcamajj parljjayascaquïnwa:

2 Reyes 19:15

oracionwa luräna, aqham sasa: “Israelan Tatit Diosapa, jumajj querubines sat angelanacjjaru trononïtawa: Juma sapaquïtawa aca orakena take acapachan Diosapajja; jumaraquiw alajjpachsa acapachsa lurtajja.

1 Crónicas 21:26

Ucatsti uqhamaw Tatitutac mä altar lurayäna, ucatjja loktänwa sumancäwi nact'at ofrendanaca, sacrificionacsa. Ucjjarusti Tatituruw art'äna, ucatsti Tatitojj juparojj ist'änwa alajjpachata nina sarakayanisina altarjjaru, nact'at loktäwinac patjjaru.

2 Crónicas 6:2

Ucampis nayajj lurarapsmawa mä templo juman utjasiñamataqui, cawqhantejj wiñayataqui jaccäta” sasa.

Esdras 3:11

Mayninacajja yupaychaña k'ochunacwa k'ochupjjäna, mayninacasti sapjjaraquïnwa: “Tatiturojj yuspagarapjjam, jupajj asquiwa, uqhamarac munasiñapas Israel marcapataquejj wiñayataquiwa uca laycu” sasa. Ucatsti take marcpachawa cusisiñata art'apjjäna, uqhamarac Tatiturus yupaychapjjaraquïna, Tatitun templopa lurañanjja kalltasitap laycu.

Salmos 80:1

Israel marcan awatiripa, ist'apjjaquitaya, tamar uñtat Josean marcapar irpiri, jaysapjjaquitaya; angelanac taypin khapak konuñaman kont'asiri, ist'apjjaquitaya.

Éxodo 3:2

Ucansti Tatitun angelapaw uñstäna mä ninjama zarza sat ch'aphi alinac taypina. Ucampis Moisesajj uñjänwa ch'aphinacan nina akasquiri, ch'aphisti janiw naqhantcänti.

Levítico 10:2

Ucatwa mä ninajj Tatitun nayrakatapat mistunïna, jupanacarusti k'alwa naqhantaraquïna. Uqhamwa jupanacajj Tatitun nayrakatapana jiwarapjjäna.

Levítico 6:13

Altaranquir ninasti janipuniw jiwañapäquiti jan ucasti wiñayataquiw akaraquini.

Números 14:5

Moisesampi, Aaronampejj oraker puriñcamaw ajanunacap alt'apjjäna, take marcan nayräjjapana, cunja usuchjatas chuymapan uñjasipjjän uc uñacht'ayañataqui.

Números 16:22

Ucampis jupanacajj ajanunacap oraker puriyañcamaw alt'apjjäna, ucatsti sapjjaraquïnwa: —Dios Tata, jumaw take jakenacarus jacañ churta, ¿takpach marcampiti colerasïta mä sapa jaken juchapatjja? —sasa.

Números 23:21

Janiw qhitis uñjquiti cuna jan walinacsa, ñankhanacsa Jacobon Israel marcapanjja. Dios Tatituw jupanacampi chicäsqui. Jupanacasti reyirjamaraquiw unt'asipjje.

Mateo 26:39

Jesusasti juc'ampi nayrakatar sarasinwa, quillt'asisin Diosarojj mayïna aqham sasa: “Awquejjay, waquischi ucajja, aca t'akhesiñatjja khespiyita, ucampis jan nayan munañajjäpati jan ucasti juman munañamäpan” sasa.

Apocalipsis 4:9

Sapa cuti uca pusi jacasquirinacajj, qhititejj tronon kont'atäqui, uqhamarac wiñayataquis jacasqui ucar yupaychapqui, yuspagarapcaraqui ucqhajja,

Apocalipsis 5:8

Libro apakcäna ucqhasti uca pusi jacasquirinacasa, uqhamarac uca pä tunca pusini jilïrinacasa uca Cordero nayrakataruw quillt'asipjjäna. Sapa mayni jilïrinacasti mä arpa apt'atäpjjänwa, uqhamarac mä kori copa ast'atcama. Uca kori copanacasti incienson phokhantatänwa, uca inciensosti Diosan wawanacapan oracionanacapänwa.

Apocalipsis 7:11

Take angelanacasti trono muytata sayaratäpjjaraquïnwa, uca jilïrinacaru, uca pusi jacasquirinacarusa muytata. Ucatsti orakcama alintasaw quillt'asipjjäna tronon nayrakatapana, Diosarusti yupaychapjjaraquïnwa

Jueces 13:23

Warmipasti saraquïnwa: —Diosatejj jiwasaru jiwayaña munchistu ucajja janiwa holocausto loktat ofrendasjja catokquistasapänti, ni cuntejj uñjctan ucsa uñacht'aycaraquistasapänsa. Uqhamarac ni cuntejj ist'ctan ucanacsa yatiycaraquistasapänsa —sasa.

Jueces 6:21

Ucat angelajja aychanacampiru, t'ant'anacampirojj amparapancqui uca thujrumpiw ayjjatäna, ucatsti uca kala janqharatjja ninaw mistsunïna aychanacsa, t'ant'anacsa take naqhantäna. Uccañcamasti Diosan angelapajj Gedeón jac'atjja chhactawayjjänwa.