Levítico 8:30 - Qullan Arunaca

³⁰ Ucat Moisesajj janc'aquiw cuna aceitetejj Tatitur catuyasiñataqui uscutäcänjja uca aceite caturaquïna, uqhamaraqui cuna wilatejj altar patjjanccäna ucampi, ucatsti ucampiw Aaronaru, uqhamarac wawanacaparusa ch'allt'araquïna, uqhamarac jupanacan sacerdotëña isinacapjjarusa. Uqhamwa Aaronaru, wawanacaparusa, uca quipcaraqui sacerdotëña isinacaparusa Tatitur catuyjjaraquïnjja.

Aymar Bibliia 1986

³⁰ Ucat Moisesajj janc'aquiw cuna aceitetejj Tatitur catuyasiñataqui uscutäcänjja uca aceite caturaquïna, uqhamaraqui cuna wilatejj altar patjjanccäna ucampi, ucatsti ucampiw Aaronaru, uqhamarac wawanacaparusa ch'allt'araquïna, uqhamarac jupanacan sacerdotëña isinacapjjarusa. Uqhamwa Aaronaru, wawanacaparusa, uca quipcaraqui sacerdotëña isinacaparusa Tatitur catuyjjaraquïnjja.

Qullan Arunaka DC

³⁰ Ukatsti Moisesax jank'akiw kuna aceitetix Tatitur luqtasiñatak uskutäkän uk aptäna, kuna wilatix altar patxankkäna ukampi, ukatsti ukanakampiw Aaronaru, ukhamarak yuqanakaparux ch'allt'äna, uka kipkaraki jupanakan sacerdote isinakapxarusa. Aaronaru, wawanakaparu, uka kipkarak sacerdote isinakaparus ukham Tatitur luqtxäna.

Levítico 8:30 Jak'a apnaqawi uñst'ayäwi

Éxodo 28:2

Aarón jilamataquejja suma isinaca lurayaraquim, uqhamata suma isthapita jiwaquïñapataqui.

Éxodo 29:21

Ucjjarusti altar patjjan jilt'qui uca wilampi, uqhamarac loktañ aceitempejja Aaronarojj isipampiru ch'allsum, uca quipcarac wawanacaparusa, isinacaparusa ch'allsuraquim. Uqhamata Aaronajj, wawanacapampi, uqhamarac isinacapamppacha Diosaru suma loktatäpjjañapataqui.

Éxodo 30:30

“Uqhamaraquiw uca aceitempejj warjjataraquïta Aaronaru, uqhamarac wawanacaparusa loktañataqui uqhamata nayan sacerdotenacajjäpjjañapataqui.

Isaías 61:1

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,

Isaías 61:3

Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. ‘Atipt'iri roble kokanaca’ sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.

Levítico 7:35

Cuna ofrendanacatejj Tatitutaqui nact'ayatäqui ucanacajja Aaronampiru wawanacapampiruw wact'i, cunürutejj Tatitojj jupanacarojj sacerdotëpjjañanacapataqui utt'ayasqui uca uruta.

Levítico 7:36

Tatitusti saraquïnwa, israelita jakenacajj churapjjañapawa, cunürutejj jupajj sacerdotëpjjañanacapataqui utt'aycänjja uca uruta, ucasti mä wiñayataqui lurañanacäcaspas uqhama, awquinacat kalltasina wawanacapan wawanacapcama.

Levítico 8:12

Ucjjarusti Moisesajj uca catuyañ aceitjja Aaronan p'ekepjjaruraquiw warjjatäna, uqhamat sacerdoteta Diosar catuyjjañataqui.

Números 3:3

Uca pusinpacharaquiw wawanacapajj Tatitur sirviñataqui sacerdotet loktatäpjjäna utt'ayatäpjjaraquïna,

Hebreos 2:11

Qhitinacatejj catuyatäqui uqhamarac catuyqui ucasa, takew pachpa Awquinqui. Ucatwa Diosan Wawapajj jan p'enkasquiti: “Jilatanaca” sañjja.

1 Pedro 1:2

Take jumanacarusti Dios Awquiw ajllisipjjtam nayratpacha amtataparjama. Kollan Ajayu tokeraquiwa jumanacarojj jupataqui yakhachasipjjtam, jupar jaysapjjañamataqui, Jesucriston wilapampi k'omachatäpjjañamataquiraqui. Jumanacasti Diosan bendicionanacapjja jilarquiri catokapjjam, uqhamarac suman sarnakasiñsa.

1 Juan 2:27

Ucampis jumanacanjja utjapjjtamwa Kollan Ajayu cawquïrtejj Tatit Jesucristojj churapjjtam uca. Uqhamatwa jan qhitin yatichäwips munapctati, uca pachpa Ajayuw jumanacarojj yatichapjjtam. Yatichäwipasti chekawa, janiraquiw c'arïquiti. Uqhamay Tatit Jesucristompejj mayac jacapjjam, cunjämtï Kollan Ajayojj yatichapctam uqhamarjama.

Apocalipsis 7:14

Nayasti sistwa: “Tata, jumaw yattajja” sasa. Jupasti saraquituwa: “Acanacajj wali jach'a llaquinacwa pasanipjje, isinacapsti Corderon wilapampi t'ajjsusaraquiw jank'optayanipjje.