Levítico 6:11 - Qullan Arunaca

¹¹ Ucjjarusti isinacapjja trocsusjjaraquiniwa, khellanacjja campamentot ankäjjaru mä k'oma chekawjaruw apatäjjaraquini.

Aymar Bibliia 1986

¹¹ Ucjjarusti isinacapjja trocsusjjaraquiniwa, khellanacjja campamentot ankäjjaru mä k'oma chekawjaruw apatäjjaraquini.

Qullan Arunaka DC

¹¹ 11 (4) Ukxarusti yaqha isimpiw isthapisxani, ukatsti uka qhillanakxa campamento anqäxaruw mä q'uma chiqawjar apxani.

Levítico 6:11 Jak'a apnaqawi uñst'ayäwi

Éxodo 29:37

Juchanacatsti pakallko uruwa altaranjja sacrificio loktäta, uqhamata Diosaru suma loktatäñapataqui. Ucatsti uca altarajja mä suma kollana altaräñapataqui. Ucatjja cunatejj uca altarar jac'cani ucajja Diosar loktatäjjañapataqui.

Ezequiel 44:19

Cunapachatejj uta ankäjjaru mistuwayjjapjjani, cawqhancquitejj jakenacajj ucqharu, ucapachasti janïra uca jakenacampi jiquiscasajja cuna isinacampitejj Tatitur sirvipcäna uca isinacjja templonquiri mä utaruw issusiwayjjapjjaraquini, yakha isimpiw isthapisjjapjjaraquini, uqhamat uca kollan isejj jani jakenacjjarojj kollana k'aphimpi k'apt'añapataqui.

Levítico 16:27

“Cawquïri orko vacatejj, uqhamarac cawquïri cabritotejj jucha luratata sacrificio loktatäqui ucanacan wilanacapasa kollana chekaru apatäcaraquïna juchanacat pampachasïwi jicjjatañataqui, ucanacasti campamentot ankäjjaru apatäjjañapawa, lip'ichinacapasa, aychanacapasa, cuna jilt'anacapasa takpacha naqhantayatäjjaraquiniwa.

Levítico 24:9

Uca loktäwisti Aaronataquipunïniwa, uqhamarac Aaronan wawanacapa sacerdotenacataquiraquïniwa, jupanacasti uca t'ant'jja mä kollan chekanwa mank'apjjaraquini, uca ofrendajj sinti kollana ofrendätap laycu, cunatejj Tatitutaqui naqhayatäcaraqui uca laycu.”

Levítico 4:12

jan ucajj maypach orko vaca, campamentot ankäjjaruw mä k'oma chekaru apsuwayjjani, cawqhantejj altaran naqhayat liq'i khella warañäqui ucqharu; ucanwa khella montonjjaru lawanac uchasa, nina nactayaraquini.

Levítico 4:21

Ucatsti uca orko vacajj, campamentot ankäjjaru apsusin naqhantayatäjjaniwa, cunjämatejj nayrakat orko vacajj naqhantayatäcän uqhamaraqui, take israelit jaken juchapata sacrificiot loktatätap laycu.

Levítico 6:10

Sacerdotesti suma lino isinacampiw isthapisini, uqhamaraqui linot lurata calzoncillonac uscusiraquini, ucatsti cuna uywatejj altarjjan naqhantayatäcän ucanacan khellapwa apthapjjaraquini, ucat ucjja altarat maysa thiyaruw uscuraquini.

Levítico 6:12

“Altaran nacqui uca ninasti janipuniw jiwarañapäquiti. Sacerdotew sapärmanthi alwa lawanacjja uca altarjjaru apjjataraquini, uqhamaraqui cawquïri uywatejj sacrificiot loktatäcani ucsa ninjjaru apjjataraquini, sumancthapiñataqui nact'ayata liq'inacampi chica.

Levítico 6:20

“Aaronampi sacerdote wawanacapampejja, cuna urutejj jupanacajj sacerdoteta Tatitur catuyatäjjapjjani ucapachasti aca ofrendanacwa Tatitur loktapjjañapa: Pä kilo suma jac'unaca, ucasti granonacat sapa uru ofrenda loktatäcaspas uqhama, chicatjja alwaw loktjjaraquini, chicatsti jayp'u tokeruraqui, jan mä urusa armasisaraqui.

Levítico 6:22

Aaronan wawanacapat jutiri, jach'a jilïri sacerdotesti, cawquïritejj jupa lanti utt'ascani ucasti uca quipcaraquiw waquicht'araquini, uca loktäwisti Tatitutaqui satapuninïwa, ucatsti k'ala naqhantayatäjjañaparaquiwa.

Levítico 7:6

Ucatsti cawquïrinacatejj sacerdotenacan wawanacapäqui uca sacerdotenacaquiw ucatjja mank'apjjaraquini, Tatitur loktata chekana mank'araquini, Tatitutaquejj uca chicajj sinti kollanätap laycu.