Levítico 4:24 - Qullan Arunaca

²⁴ Uca cabriton p'ekepjjaru amparap lokjjatasaw qharinucjjaraquini Tatitun nayrakatapana, cawqhantejj naqhantayañataqui uywanacajj qharinucutäqui ucqharu, juchat sacrificio loktatätap laycu.

Aymar Bibliia 1986

²⁴ Uca cabriton p'ekepjjaru amparap lokjjatasaw qharinucjjaraquini Tatitun nayrakatapana, cawqhantejj naqhantayañataqui uywanacajj qharinucutäqui ucqharu, juchat sacrificio loktatätap laycu.

Qullan Arunaka DC

²⁴ Uka chivon p'iqipxaru amparap luqxatasin Tatitun nayraqatapan kharinukxani, kawkhantix uywanakax nakhantayañatak kharinukutäki ukkhana, jucha luratat wilañcha luqtäwïtap layku.

Levítico 4:24 Jak'a apnaqawi uñst'ayäwi

2 Reyes 12:16

Ucatsti juchañchäwita, uqhamarac juchata apanita kollkjja, janiw templor apanitäcänti, ucajj sacerdotenacar wact'atap laycu.

2 Crónicas 29:23

Ucatsti juchat ofrenda loktañ cabritonacjja reyin ucaruw apapjjäna, uqhamarac jakenacan nayrakatapana, ucatjja jupanacajj amparanacapwa uca uywanacjjaru uchapjjäna.

Éxodo 29:38

“Sapüruwa jan armt'asisa altaranjja mä marani pä orko ovejanaca loktäta.

Isaías 53:6

Take jiwasanacaw ovejanacar uñtat saranuctan, chhakharactan, sapa maynis pachpa thaquipa sarasa, ucampis Tatitojj juparuw apjjaruyi jiwasan ñankha luratanacasjja.

Levítico 1:11

ucasti qharinucutäñaparaquiwa altarat amstäjjana, Tatitun nayrakatapana. Aaronan sacerdote yokanacapajj altararuwa patata, thiyanacata wilamp ch'ajjchsupjjani;

Levítico 1:4

Amparampi uca uywan p'ekepjjaru lokjjatasa, uqhamat uca uywajj jupa lanti catokatäñapataqui, uca jakesti juchanacapat pampachatäñapataquiraqui.

Levítico 1:5

Orko vacsti Tatitun nayrakatapana qharinucuni; ucjjarusti Aaronan yokanacapa sacerdotenacaw wiljja loktapjjani, ucatsti Tatitump Jiquisiñ Carpar mantañawjan altararuwa patata, thiyanacata ch'ajjchsupjjani.

Levítico 14:13

Uca orko ovejsti cawqhatejj sacrificiot loktañataqui uywanaca qharinucuña chicajj yakhachatäqui ucqhanwa qharinucjjañaparaqui. Jucha luratata sacrificio loktäwisti sacerdotetaquïniwa, uqhamarac pantjasïwi juchat loktatasa sacerdotetaquiraquïniwa, ucanacajj mä sinti kollana yänacätap laycu.

Levítico 16:15

uca khepatwa cabritorojj jiwayjjaraquini, jakenacan juchanacapata mä sacrificiöcaspasa uqhama, ucatsti uca wiljja velo khepäjjaruw apjjaraquini; uca mankhanwa taparojj patjjata uqhamarac nayräjjata ch'allt'ani, cunjämtejj vacan wilapampejj ch'allt'cäna uqhama.

Levítico 3:13

ucatsti amparapjja uca uywan p'ekepjjaruw lokjjatani, ucatwa qharinucjjaraquini Tatitump Jiquisiñ Carpa nayrakatana.

Levítico 3:2

Qhititejj ofrenda loktcani ucajj, loktatäqui uca uywan p'ekepjjarojja amparap lokjjatañapawa, ucatsti qharinucuñapawa Tatitump Jiquisiñ Carpar mantañäquis ucawjaru. Ucatsti sacerdotenacaw altarjja wilampi patata, thiyanacata ch'ajjchsupjjani.

Levítico 3:8

ucatsti amparapjja uca uywan p'ekepjjaruw lokjjatani, ucatwa qharinucjjaraquini Tatitump Jiquisiñ Carpa nayrakatana. Ucatsti sacerdotenacajj uywan wilapjja altar patjjamppacha thiyanacamppacha ch'ajjch'upjjaraquini.

Levítico 6:18

Acat kheparusti, take Aaronan sacerdote wawanacapajj cunatejj Tatitur loktasin nact'ayatäqui uca ofrendanacatwa mank'apjjaraquini. Uca ofrendanacajj cawquïri yänacar jac'achasisinsa uca yänacjja kollanaptayaraquiniwa.”

Levítico 6:22

Aaronan wawanacapat jutiri, jach'a jilïri sacerdotesti, cawquïritejj jupa lanti utt'ascani ucasti uca quipcaraquiw waquicht'araquini, uca loktäwisti Tatitutaqui satapuninïwa, ucatsti k'ala naqhantayatäjjañaparaquiwa.

Levítico 6:25

“Aaronampiru uqhamaraqui sacerdote wawanacapampirojj, jucha luratat sacrificio loktañjjatjja aca yatichäwinaca churaraquim: Cuna uywtejj Tatitun nayrakatapar apanisin loktapcani ucajj Tatitun nayrakatapan qharinucutäjjañapawa, cawqha chekantejj naqhantayatäñataqui loktäwejj lurasqui uca chekana, ucasti wali kollanapuniwa.

Levítico 7:2

Yatcasina pantjasïwi jucha luratanacat loktat uywasti, cawqhantejj naqhantayatäñataqui loktat uywanacajj qharinucusqui uca chekana qharinucutäñaparaquiwa, wilapampisti patjjata, uqhamaraqui uca pachpa altarar muytata ch'allt'atäñaparaquiwa.