Levítico 27:17 - Qullan Arunaca

¹⁷ Qhititejj orakepjja Tatitur churani khespiyasiñ maranjja, uca arsüwisti phokhatäñataqui suyt'ataraquïniwa,

Aymar Bibliia 1986

¹⁷ Qhititejj orakepjja Tatitur churani khespiyasiñ maranjja, uca arsüwisti phokhatäñataqui suyt'ataraquïniwa,

Qullan Arunaka DC

¹⁷ Uka jaqitix qhispiyasiñ maran uraqip churani ukasti, alapax qawqha satäkitix ukax phuqhasiñapapunïniwa,

Levítico 27:17 Jak'a apnaqawi uñst'ayäwi

Levítico 25:10

Pheska tunca mara purinjjepansti jumanacajj uca mararojj mä khespiyasiñ maratwa catokapjjäta; uca marasti khespiyasiña maräniwa, uca marasti take marcpachana takenitaqui khespiyatäñajja utjatapwa yatiyapjjäta. Uca marasti take jakewa utaparu cutt'jjani familiapan ucaru, uqhamarac orakenacapsa tumpasjjaraquini.

Levítico 25:11

Uca pheska tunca marasti jumanacataquejj khespiyasiña maräniwa, uca marasti janiw jumanacajj yapuchapcätati, janiraquiw jupapacha jiliri trigsa yawthapipjjätati, janiraquiw uva yapumat achunacapsa apthapipjjätati,

Levítico 25:13

“Uca khespiyasiñ maransti jumanacajj takeniwa orakenacamjja tumpasjjapjjäta.

Levítico 25:9

uca marana pakallko phajjsi sarakjjepansti, uca phajjsina tunca uru sarakatarusti, cunürutejj juchanacat pampachatäña jicjjataña urüqui ucapachasti jumanacajj mä pututu phust'apjjäta take aca marcpachana.

Levítico 27:14

“Maynitejj Tatituru utapa catuyañ muncani, ucapachasti sacerdotew uca utan alapjja tantiyt'araquini. Kawkhaw siscanitejj sacerdotejj ucasti jaysatäñapapuniwa.

Levítico 27:16

“Maynitejj orakepat mä parte Tatituru churani ucasti, uca oraken alapajj kawkhatejj uca oraken achcaspa uqhamaru tantiyt'ataraquïniwa, sapa pä tunca litro cebadanacatsti pheska tunca kollkenacaw pagasjjaraquini, sapa pä pataca pä tuncani litro granonacatjja.

Levítico 27:18

ucampisa khespiyasiñ mara pasatata Tatitur churascani ucapachasti, sacerdotew kawkha kollketejj churatäcaspa ucjja tantiyt'araquini, kawkha maranacatejj uca orake yapuchasin cosecha apsuñajj utjcani uca maranaca jaqhokasaraqui, cunapachatejj khespiyasiñ marajj purincani ucacama.