Levítico 26:39 - Qullan Arunaca

³⁹ cawquïrinacatejj uñisirinacaman orakepan kheparapcani ucanacasti juchanacap laycu t'unjataw uñjasipjjani, awquinacapampi chicaw jucha lurapjjatanacap laycu jiwarapjjani.

Aymar Bibliia 1986

³⁹ cawquïrinacatejj uñisirinacaman orakepan kheparapcani ucanacasti juchanacap laycu t'unjataw uñjasipjjani, awquinacapampi chicaw jucha lurapjjatanacap laycu jiwarapjjani.

Qullan Arunaka DC

³⁹ khitinakatix uñisirinakaman uraqipan qhiparapkani ukanakasti, juchanakap laykuw jiwarapxani, ¡awkinakamamp chikaw jupanakan jucha lurapxatapat jiwarapxäta!

Levítico 26:39 Jak'a apnaqawi uñst'ayäwi

2 Crónicas 34:24

Naya, Tatitusti sistwa: Nayajj aca chekarojja mä jach'a jan walt'añwa jutayäjja, uqhamarac jakenacapjjarusa, cunjämtï Judá marcanquir reyin nayrakatapana leet'apcta uca librona maldicionanacajj kellkatäqui uqhamaru.

Esdras 9:7

Qhä pachata jichhacamawa wali jucha lurañana jacapjjta. Ucatsti nanacan juchanacajj laycojja, nanacasa, reyinacajjasa, uqhamarac sacerdotenacajjasa yakha marcanacanquir reyinacan munañanacapar catuyataw jicjjatasipjjta. Ucatjja chhojjrinchjata, jayar apanucuta, aparata, jisc'achjata jicjjatasipjjäyäta, jichhasti uca pachpa luräwiruraquiw puripjjaracta.

Nehemías 1:9

ucampisa nanacatejj jumaru cutt'anjjapjjerisma, camachi arunacamaru phokhasina uqhamaru sarnakasaraqui, cawqui aca orake thiyacama jakonucutäcasasa, ucqhatpachwa wasitat apthapipjjetasmajja, kollana chhijllat lugaramaru cawqhantejj sutimajj jaccani ucqharu.

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Éxodo 34:7

Waranka wawanacaman wawanacapataquisa pachpa cheka asqui munasiriquïscaniwa, uqhamarac perdonaraquiwa jan wali luratanacsa, jan wali amtäwinacsa, take juchanacsa. Ucampis juchanirojj janiw jan mutuyasaqui jaytquiti, jan ucasti awquinacan juchanacapatjja mutuyiwa wawanacaparu, allchhinacaparu, allchhinacapan wawanacaparu, uqhamarac allchhinacapan allchhinacaparusa.

Isaías 14:21

Jichhajj waquichasipjjam wawanacar jiwarayañataqui, awquinacapajj jakenacar jiwaraycänjja ucanacata, jan juc'ampi aca orake apnakañat lup'isipcañapataqui, uqhamaraqui aca oraken jach'a marcanacampi phokhantañataquisa.”

Isaías 24:16

Orake tucusitpacharacwa cantatanacapajj ist'asi: “Asqui jakejj jach'ar aptatäpan” sasa. Ucampis nayajj saractwa: “¡Ay cunas acajja, ay cunas acajja! ¡Ch'ojjña lurir jakenacasti jach'a ch'ojjñpin lurapjje!”

Jeremías 29:12

Ucapachaw jumanacajj nayaru art'asipjjetäta, ucatsti nayan ucaruw jutapjjaraquïta, nayaru mayisisa, nayasti mayisitanacamjja ist'apjjaraquïmawa.

Jeremías 3:25

Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Jeremías 31:29

“Uca urunacanjja janiw wasitat parlatäcjjaniti: ‘Awquinacaw c'allc'u uvanac mank'apjjejja, ucat wawanacan laca ch'aqhanacapajj ñusaratcamaquejja’ sasa.

Lamentaciones 1:3

T'akhesiñanacampitsa, ch'ama tucuñanacampitsa, Judá marcajj jichhajj preso apatawa. Qhititejj nayrajj marcanac taypin apnakcäna ucasti jichhajj janiw samarañ jicjjatcjjeti. Jupar arcnakerinacasti, jicjjatapjjaraquiwa, ucatsti jan walt'añanacanwa uñjasiyapjjaraqui.

Lamentaciones 4:9

Qhitinacatejj guerran jiwarapjjäna ucanacajj samarjjapjjewa, cawquïrinacatejj mank'at jiwapqui ucanacat sipansa. Acanacasti juc'at juc'atwa jiwarasipqui, mank'añajj jan utjcjjatap laycu.

Ezequiel 18:19

Jumanacasti jichhajj sapjjätawa: ‘¿Cunatarac wawasti awquipan juchanacap jan phokhesti?’ sasa. Jïsa, wawajj cunatejj chekapäqui, cunatejj asquïqui ucwa phokharaqui, take leyinacajjsa phokharaquiwa; ucatwa jichhajj jacanejja.

Ezequiel 20:43

Ucanwa jumanacajj amtasipjjäta cuna jan wali luräwinacamampitejj uca orakejj taquisitäcän ucjja, jumanacpachatwa ajjtasipjjaraquïta uqhama ñankhanaca lurapjjatamatjja.

Ezequiel 24:23

Janiraquiw k'ara p'ekesa, k'ara cayusa sarnakcjjapjjätati. Janiraquiw jaqhusjjapjjätasa, ni jachcjjapjjaraquïtasa. Ñankha juchanac lurapjjatam laycusti jan ch'amaniw uñjasipjjäta, ucatsti jumanaccamaw jachapjjaraquïta.

Ezequiel 33:10

“Jumasti, chacha, Israel marcarojj saraquim: ‘Jumanacajj sapjjtawa: Juchanacampi jan wali lurañanacampi phokhantatätanwa. Ucatpï jichhajj jacquirpacha ñusantasctanjja. ¿Cunjämaraqui jiwasasti jacsna? sasa.

Ezequiel 36:31

Cunapachatejj jan wali sarnakäwinacamata, uqhamaraqui jan wali luräwinacamata amtasipjjäta ucapachasti jumanacpachawa p'enkasipjjaraquïta jan wali lurañanacana, juchanacana sarnakapjjatamata.

Ezequiel 4:17

Umas mank'as pist'aquipuniniwa, jupanaccamasti wali ajjsarañampiw uñcatasipjjaraquini. Juchanacap laycusti jacquirpacharaquiw ñusantapjjani” sasa.

Ezequiel 6:9

Uca jilt'irinacasti, uca jaya marcanacanjja nayatwa amtasipjjaraquini; cunjämtejj nayajj jupanacaru t'akhesiycäyätjja, jan nayaru take chuymampi arcapjjatapata, uqhamaraqui nayatsa jayarst'awayapjjatapata yakha diosanacar yupaychañ laycojja, take ucanacwa amtasipjjani. Jupanacasti take ñankha luräwinacapa amthapisisajja, jupanacpachaw ajjtasipjjani, take uca ajjtascaña luräwinacapatsa.

Oseas 5:15

“Ucatsti utjäwejjaruw cuttawayjjä, jupanacan juchanacap uñt'asiñapcama, nayar thakeri jutapjjañapcamaraqui. ¡Llaquisiñanacapanwa nayarojj thakapjjetani!”

Zacarías 10:9

Nayaw ananucuractjja yakha marcanac taypiru, ucampisa jayanccasajj nayata amtasipjjaniwa, mä uruw wawanacapamppacha cutt'anjjapjjanejja.

Números 14:18

“Janiw janc'aqui colerasirïcti, wali jach'aw qhuyapayasiñajjajja, uqhamarac perdonaractwa ñankhanacsa, naya contra sayt'asiñanacsa, janiraquiw juchanirojj jan mutuyata jaytcaractti jan ucasti mutuyaractawa awquinacapan juchanacapatjja wawanacapan wawanacaparu” sasa.

Deuteronomio 28:65

Uca marcanacan jaccasinjja janiw sumancañsa ni samarañsa jicjjatapcätati; Diosajj wali sustjatwa jacayätam, nayranacamas llact'ata ajjsarañana, kawkhasay cusisiñ munascam.

Deuteronomio 30:1

“Cunapachatï jumanacjjaru jutani take cawquïrinactï yatichapcsma, bendicionampita, maldicionampita jumanacan ajllisiñanacamataqui, amuyt'asiraquïta take ucanacatsa, cawqha marcanacarutejj Tatitu Diosamajj jakonuccätam ucana,

Deuteronomio 5:9

Janiw ucanacar quillt'asïtati ni yupaycharaquïtasa; nayätwa Diosamajja wali ch'amani, janiraquiw muncti yakhampïpjjañamsa. Awquinacan juchanacapatsti wawanacan wawanacaparuw azot'iraquëjja, qhitinacatejj uñisipquitu ucanacaru.

Deuteronomio 8:20

Cunjämtï Diosajj t'unjcani cawquïri marcanacatï sarnakäwinacaman jicjjatasini ucanacarojja, uqhamaraquiw jumanacajj t'unjatäpjjäta Tatitu Diosar jan ist'atanacam laycu.