Levítico 26:36 - Qullan Arunaca

³⁶ “Qhitinacatejj uca uñisirinacaman orakenacapan jacasipcani, ucanacarusti walpun ajjsarayäjja, jupanacajj mä koka laphin jalaktatapatsa qhathatipjjaniwa; mä jakes jupanacarojj espada ayt'ata arcnakcaspa uqhamaw jaltjjapjjani, ucatsti jan qhitin arcnakataw liwirtapjjani;

Aymar Bibliia 1986

³⁶ “Qhitinacatejj uca uñisirinacaman orakenacapan jacasipcani, ucanacarusti walpun ajjsarayäjja, jupanacajj mä koka laphin jalaktatapatsa qhathatipjjaniwa; mä jakes jupanacarojj espada ayt'ata arcnakcaspa uqhamaw jaltjjapjjani, ucatsti jan qhitin arcnakataw liwirtapjjani;

Qullan Arunaka DC

³⁶ “Khitinakatix jumanakat uka uñisirin uraqipan jakasipkakini ukanakarusti, walpun axsarayä, mä quqa laphin jalaqtatapatsa khathatipxätawa; mä jaqis jumanakarux espada ayt'at arknaqkaspa ukham jaltxapxäta, ukatsti jan khitin arknaqkataw liwirtapxäta;

Levítico 26:36 Jak'a apnaqawi uñst'ayäwi

Génesis 35:5

Cunapachatejj jupanacajj sarjjapjjäna ucapachasti, Diosajj uca yakha marcanacarojj wali ajjsarañanaca churäna, ucatwa jupanacajj jan Jacobon wawanacaparojj arctapcänti.

Génesis 4:12

Orakjja wal lurascäta ucasa, janiw achunacajj achurapcätamti. Aca orake muyusaraquiw sarnakäta, janipuni samart'añ jicjjatasa —sasa.

2 Crónicas 14:14

Ucjjarusti Gerar jac'an marcanacajj utjcäna uca marcanacaruw mantantapjjaraquïna, uca laycusti take uca marcanquirinacawa Tatitutaqui ajjsarayasipjjäna. Judá marcanquir jakenacasti take uca marcanacarojja take kamir yänacapwa aparapjjäna.

Job 13:25

Nayajj mä waña laphimpi sastwa. ¿Cunataraqui nayar t'unjañ munistasti? Nayajj mä waña t'unampi sastwa, ¿cunataraqui nayar arcnakestasti?

Salmos 53:5

Jupanacajj ajjsarañat qhathatipjjani, Diosajj uñisirin ch'aqhanacap willitatani, jupanacasti mä p'enkaw atipjat uñjasipjjani, Diosan jupanacar jan catokatap laycu.

Salmos 53:6

¡Israel marcan khespiyasiñapajj Sión marcat jutaquispa! Diosajj marcapar wasitat cusisiycan ucapachajja, Jacobon wawanacapajj cusisiniwa, Israel marcajj c'uchirt'asiniwa.

Salmos 89:43

Ucampis jupataquejj espadap muthuptaytajja, nuwasiñansti janiw yanapctati.

Proverbios 28:1

Ñankha lurir jakejja jan qhitin arcnakcataw jaltjje, ucampis asqui jakenacajja janiw cunarus ajjsarquiti, mä leonjamawa ch'aman sayt'asi.

Isaías 30:17

Warankanacaw mä sapa jaken ajjsarayata jaltjjapjjani, take jumanacasti pheskanin ajjsarayataquiw jaltjjapjjäta, juc'aniqui kheparapjjañamcama, cunjämatejj mä lawajj mä kollu patan sayt'jjejj uqhama, jan ucajj cunjämatejj mä chimpojj sayt'ayatajj mä kollu patan uñstejj uqhama.

Isaías 7:2

Ucapachawa rey Acazaru familiapampiru aca yatiyäwi yatiyapjjäna: —Siria jakenacajj Efraín marcampiw mayacht'asjje —sasa. Ucapachasti reyisa, take jakenacasa ajjsarañat qhathatipjjäna cunjämatejj kokanacajj montenjja thayataquejj qhathatejj uqhama.

Isaías 7:4

ucatsti saraquim: ‘Amuyasim, ucampis jan sustjasimti, jan ajjsaramti, janiraqui llajllas tucumti, uca pä jisc'a ninar uñtata jek'erinacatjja, Rezín reyejj Sirio jupan jakenacapampi, uqhamaraqui Remaliasan yokapasa, jupanacasti colerat naqhantirjamäscaraquiwa.

Jeremías 37:10

Jumanacajj caldeo jakenacarojj k'alsa atipasipcasmawa, jiwarayasipcaraquismawa, uqhamaraqui nuwasïwi chekansti mä kawkha usuchjata jakenacaquisa kheparjjapjjaspa ucasa ucanacajj sartanisinjja Jerusalén marcarojj ninampi phichcatawayasipcaquipunispawa.’ ”

Jeremías 46:16

Soldadonacamasti lanctasisin liwirtapjje, maynit maynicamaw sasipjjaraqui: ‘¡Acat sarjjañäni, marcasaru cuttjjañäni, cawqhantejj nasctan uca orakeru! ¡Guerran nuwasiñanacatsti jaltawayjjaraquiñäni!’ sasa.

Lamentaciones 1:3

T'akhesiñanacampitsa, ch'ama tucuñanacampitsa, Judá marcajj jichhajj preso apatawa. Qhititejj nayrajj marcanac taypin apnakcäna ucasti jichhajj janiw samarañ jicjjatcjjeti. Jupar arcnakerinacasti, jicjjatapjjaraquiwa, ucatsti jan walt'añanacanwa uñjasiyapjjaraqui.

Lamentaciones 1:6

Uqham suma Sión marcan sarnakäwipasti jichhajj chhakatawa; jilïrinacapasti tarujanacar uñtataw, pasto thakhasa sarnakapjji; jiwayirinacap nayrakatansti cayu katatisisaw nayraru sarasipcaraqui.

Lamentaciones 4:19

Jiwasar arcnakerinacasti alajjpacha jach'a pacanacat sipansa juc'ampi jaltirïpjjewa; kollunacanwa arcnakestu, ¡wasaransti sipitanaca jiwasataquejj uchantaraqui!

Ezequiel 21:12

Jumasti chacha, ¡arnakasim, warariraquim, ucasti marcajjar jiwarayañataqui uchatawa, Israel marcan take marca apnakerinacaparu! Jupanacasti marcajjampi chica jiwarañataqui juchañchatäpjjewa, jichhajj uca aykoñat lek'esim.

Ezequiel 21:15

Take utanacaparuwa uca jiwarayir espadjja uscuracta, llijullijunac sarayañataqui suma llijquir kaksut espadawa, jiwarayañataqui afilata espadawa.

Ezequiel 21:7

Ucattejj jumaru jisct'apjjätam: ‘¿Cunatsa jachta?’ sasajja, jupanacarojj saraquim: ‘Mä jan wali lurasïwin lurasiñapa yatta, ucatwa jachta’ sas saraquim. ‘Take jakenacasti jan ch'amanjamaw uñjasipjjani, jan cunsa lurirjamaraqui; janiw qhitinsa ch'amajj utjcaniti, takenis ajjsarañatjja konkorinacapa qhathatiyapjjaraquini. Horasajj niyaw purinjje, ucanacan kalltasiñapasti niya jac'ancjjewa’ Naya Tatituw ucjja arsta” sasa.

Oseas 8:3

Ucampis Israelajj cuntejj asquïqui ucjja apanucuwayiwa, ucat jichhajj uñisirinacapajj jupanacarojj arcnakani.

Levítico 26:17

Nayasti jumanac contraw sayt'araquëjja, uñisirinacamas jumanacarojj atipjapjjaraquïtamwa; qhitinacatejj jumanacarojj wal uñisipctam ucanacampi t'unjataw uñjasipjjäta, jan qhitin arctataw chhuctjjapjjaraquïta.

Levítico 26:35

Cunapachatejj orakejj k'ala t'unjata uñjasini ucapachasti orakejj samaraniwa, cuntejj jumanacajj jan samarayapcäyäta ucanacatjja.

Deuteronomio 1:44

Ucatsti uca kollunacan jaquir amorreonacajj jumanacampi nuwasiriw mistunipjjäna, ucatsti wayronkonacjama alisinipjjäyätamjja Seir chekan atipjasina Horma sat chekacama.

Josué 5:1

Jordanat inti jalanta token utjiri, amorreos sat marcan reyipajj ist'ataynawa uqhamarac Mediterráneo sat jach'a kota jac'an utjiri cananeos sat marcan reyipas ist'araquitaynawa cunjämtejj Tatitojj Jordán jawir wañt'aycatayna Israel marcapan pasaniñapcama uca, ucatsti wal ajjsarapjjäna Israel marcampi nuwasiñjja.

Josué 7:5

Hai sat marcanquir jakenacasti israelitanacarojj quimsa tunca sojjtani jakenac jiwarayäna; mayninacarusti marcan puncupat kala ch'iyañ chekacamaw arctapjjäna, uca aynachan atipjapjjaraquïna; uqham uñjasinsti take Israel marcpachaw chuyma mayjt'at uñjasipjjäna ch'amanacapsa thayjtayasipjjaraquïna.

1 Samuel 17:24

Israelitanacasti uca chacha uñjasajja wali ajjsarapjjäna, jupan nayräjjapatsti imantasjjapjjaraquïnwa,