Levítico 25:36 - Qullan Arunaca

³⁶ Cuntejj mayt'cäta ucanacatsti janipun cunsa apakamti, janiraqui interesanacsa wayt'amti; ucampisa Diosamaru ajjsartam, uca marca masimarojj utamaru catokaraquim.

Aymar Bibliia 1986

³⁶ Cuntejj mayt'cäta ucanacatsti janipun cunsa apakamti, janiraqui interesanacsa wayt'amti; ucampisa Diosamaru ajjsartam, uca marca masimarojj utamaru catokaraquim.

Qullan Arunaka DC

³⁶ Kuntix mayt'käta ukanakatsti janipuniw juk'amp jila mayïtati; jan ukasti, Diosamar axsartam, uka marka masimarux utamar katuqarakim.

Levítico 25:36 Jak'a apnaqawi uñst'ayäwi

Nehemías 5:15

Ucampis nayat nayra marca apnakerinacäcäna ucanacasti marcataquejj mä llaquïnwa, jupanacajja sapüruwa pusi tunca kollkenaca mayisipjjerïna mank'añataqui, vinotaqui. Ucjjarusti sirvirinacapajj marcarojj t'akhesiyapjjänwa. Ucampis nayajj janiw uqham lurcti Diosar ajjsaratajj laycu.

Nehemías 5:3

Mayninacasti sapjjaraquïnwa: “Nanacajja mank'aña pist'atapatsti orakenacajj-jjaru, uva yapunacajj-jjaru, uqhamaraqui utanacajj-jjaruwa mansusipjjta” sasa.

Salmos 15:5

qhititejj kollke mayt'asin jalaktap jan apsqui uca, jan juchanir aynacht'ayañatac kollk jan catokasqui uca. Qhititejj uqham lurasapun sarnakqui ucajja, janipuniw aynacht'caniti.

Éxodo 22:24

Ucatsti nayajj coleratajja, jumanacarojj espadampcamaw jiwarayapjjäma, ucatjja uca quipcaraquiw warminacamasa viudanaca, uqhamarac wawanacamas wajchanaca kheparapjjani.

Éxodo 22:25

“Kollktejj mayt'äta marcajjanquir mä pobre jakejj jumampi jacqui ucaru, ucatsti janiw jumajj kollke mayt'irjama tucütati, ni interesanacsa mayiraquïtati.

Proverbios 28:8

Qhititejj kamir cancañapa waljaptayqui jila interesanaca apsusa ucajja, qhititejj pobre jakenacata qhuyapayasqui, ucaw kamir cancañapjja waljaptayasi.

Isaías 24:2

Sacerdotetaquisa, jakenacataquisa mayaquïniwa, utanitaquisa esclavotaquisa, utanitaquisa, esclavataquisa, alasiritaquisa, aljasiritaquisa, mayt'iritaquisa, mayt'asiritaquisa, mant'asiritaquisa, mant'iritaquisa.

Jeremías 15:10

¡Ay cunaquïct nayajja, taycajja, jumaw wawachasista takenimpi waycasiñataqui, uqhamaraqui nuwasiñataquisa! Janiw qhitirus kollke mayt'cti, janiraquiw nayarus mayt'apquituti, ucampisa takeniw nayarojj maldecipjjaraquitu.

Ezequiel 18:13

Kollkepsa walja ganancianac jicjjatañataqui mayt'ani, uqhamaraqui walja interesanac mayiraquini; uca jakesti jiwaniwa, janiw jaccaniti. Take ucanaca, cuntejj nayajj ajjtascta ucanaca luratapatsti jiwaniwa, jiwatapatsti jupa pachparaquiw juchanïscani.

Ezequiel 18:17

janiraqui qhitirus cuna ñankhsa lurcaniti, kollkepsa walja ganancia uñjjatañ laycus mayt'caniti, janirac interesanacsa mayiscaraquiniti. Ucatsti leyinacajjarjamaraqui sarnakani, camachi arunacajjsa phokharaquini uca jakejj janiw awquipan juchap laycu jiwcaniti, jan ucasti jacaniwa.

Ezequiel 18:8

Kollkepsa janiw ganañ laycu mayt'quiti, janiraquiw walja interesanacsa kollke mayt'atapatjja maycaraquiti; janiw qhitirus ñankhachquiti, cunapachatejj pani ch'ajjwiri jakenacaru ch'ajjwatanacapa t'akqui ucapachasti chekaparupuniw t'akjaraqui.

Ezequiel 22:12

Yakhepa jakenacamasti kollke catokasipjjaraqui jake masiparu jiwayañataqui. Kollksa waljaptayañanacaru uqhamaraqui walja interesanwa mayt'apjjaraqui, jake masinacaparusti t'akhesiyasaraquiwa, irnakayapjje, nayatsti armasipjjaraquiwa. Naya Tatituw ucjja arsta.

Levítico 25:17

“Jan qhitisa yakharu jan walinac lurpati. Diosarusti ajjsartapjjaraquim. Nayätwa jumanacan Tatitu Diosamajja.

Levítico 25:37

Cuna kollktejj mayt'cäta ucatsti jan interesanac cobramti, janiraqui cuna mank'tejj churcäta ucatsa cobrasimti.