Levítico 25:25 - Qullan Arunaca

²⁵ “Mayni marca masimatejj aynacht'ata uñjasini, ucat orakepa jumar aljätamjja, ucapachasti mayni jac'a familiapaw jutani, ucat uca orakjja cutsuyjjaraquini, cuntejj familiapajj aljcatayna uca.

Aymar Bibliia 1986

²⁵ “Mayni marca masimatejj aynacht'ata uñjasini, ucat orakepa jumar aljätamjja, ucapachasti mayni jac'a familiapaw jutani, ucat uca orakjja cutsuyjjaraquini, cuntejj familiapajj aljcatayna uca.

Qullan Arunaka DC

²⁵ “Mayni marka masimatix aynacht'at uñjasini, ukat uraqipa jumar aljätam ukaxa, mayni jak'a wila masipaw kuntix wila masipax aljkatayna uka uraq kutsuyir jutani.

Levítico 25:25 Jak'a apnaqawi uñst'ayäwi

Levítico 25:24

Uqhamasti jumanacajj cawquïri orakenactï catupjjäta, uca orakenacsti nayra orakeniruw cuttayjjapjjäta, jupanacaw wasitat uca orakenacjja tumpasjjapjjaraquini.

Levítico 25:26

“Cunapachatejj maynejja jan jac'a familianïcani, cawquïritejj uca orake cutsuycaspa uca. Ucapachasti uca jakejj kollke tantt'asini uca orake cutsuyasjjañataqui,

Levítico 25:47

“Yakha marcat jutir jaketejj jumanaca taypina jaccasina kamiri tucuni, ucampisa uca jaya marcat jutiri jaken uta jac'apan mayni israelita jakejj pobreru tucuraquini, ucat uca israelita jakejj uca jaya marcat jutiri kamiri jakeru aljasjjaraquini, jan ucajj yakha jaya marcat jutir jakerusa,

Levítico 27:22

“Maynitejj Tatituru mä alata orake churani, uca orakesti janiraqui herencia orakëcaniti,

2 Corintios 8:9

Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.

Rut 2:20

Noemí warmisti juparojj saraquïnwa: —¡Diosasti juparojj bendizpan! Jupasti jichhajj jiwasarojj sum uñjistu, cunjämatï nayrajj jiwirinacampi lurcäna uqhama. Uca jakesti jiwasan familiasawa, ucatwa jiwasaru khespiyañapajj wact'i.

Rut 3:12

Chekpachansa nayarojj jumar khespiyañajj wact'chitu familiamätajja laycu, ucampis jumanjja utjasquiwa yakha, nayat sipan juc'ampi jac'a familiamajja jumar khespiyañataquejja.

Rut 3:2

Ist'am, Booz familiasajj jichha arumajj saraniwa cebada qhuysuri, cawqhantï jumajj uywatanacapampi irnakcäyätajj uca chekana.

Rut 3:9

Ucat jisct'araquïna —¿Qhitïtas jumajja? —sasa. Rut warmisti saraquïnwa: —Nayasti Rut uywatamätwa. Jumasti nayan familiajjätawa, ucatwa jumarojj wact'tam nayar khespiyañamajja. Jichhasti aca uywatamarojj iquiñamampi janjjatam —sasa.

Rut 4:3

Booz chachajj familiaparojj sänwa: —Noemí warmejj Moab marcata cutt'anisinjja, Elimelec familiasan orakepa aljañwa amti.