Levítico 25:14 - Qullan Arunaca

¹⁴ Maynitejj mä orake aljani jan ucajj alasinisa, ucasti jan maynitjja engañañaru uchaspati;

Aymar Bibliia 1986

¹⁴ Maynitejj mä orake aljani jan ucajj alasinisa, ucasti jan maynitjja engañañaru uchaspati;

Qullan Arunaka DC

¹⁴ Maynitix mä uraqi aljani jan ukax khititsa alasini ukasti, jan jumanakkamax sallqjasipxamti;

Levítico 25:14 Jak'a apnaqawi uñst'ayäwi

2 Crónicas 16:10

Ucatsti Asajj walpunwa profeta tokjja colerasïna, ucatjja carcelaruwa uchantayäna. Uqhamaraquiwa uca urunacanjja marcanquiri yakhepanacarojja sinti ñankhanac luraraquïna.

Salmos 10:18

Wajcharus t'akhesiyatarus chekaparuy uñjam: ¡lak'at lurat jiwir jakejj jan wasitat ajjsarayañ utjaypati!

Proverbios 14:31

Pobreru t'akhesiyirirojj Diosaruwa jisc'achasqui, ucampis pobrer qhuyapayirejja Tatituruw jach'ar aptasqui.

Proverbios 21:13

Qhititejj pobrenacan yanap mayitapar jan ist'cani ucarojja, janiraquiw ist'atäcaniti cunapachatï jupajj yanapa maycani ucqhajja.

Proverbios 22:16

Qhititejj kamiriptañ munasa pobreru t'akhesiyqui, jan ucajj kamirirusa cuns churqui ucajja, pobres cancañanwa tucusini.

Proverbios 28:16

Jan amuyt'an marca apnakerejj juc'ampiw jakenacar t'akhesiyi, ucampis qhititejj jan munapayirïqui ucajja, jaya maranacaw jacani.

Proverbios 28:3

Cunjämatejj sinti purir jallojj cosechanaca tucjquejja, uqhamawa pobrenacaru t'akhesiyiri jucharar jakejja.

Proverbios 28:8

Qhititejj kamir cancañapa waljaptayqui jila interesanaca apsusa ucajja, qhititejj pobre jakenacata qhuyapayasqui, ucaw kamir cancañapjja waljaptayasi.

Eclesiastés 5:8

Mä marcantï uñjsta pobreru t'akhesiyiri, uqhamarac cheka asqui lurañaru mayjt'ayirsa, jan muspharamti ucatjja, jilïrjjarusti imt'asquiwa mayni juc'amp jupat jilïri, ucatsti uca paninjjarusti mayni jupanacat juc'ampi jilïriraquiw imt'ascaraqui.

Isaías 1:17

¡Asqui lurañanac yatekapjjam, cunatejj chekapäqui uca lurañanacaruraqui ch'amachasipjjam, t'akhisiyatanacarusti arjjatapjjam, wajchanacarusti chekapar uñjapjjam, ijma warminacatsti arjjatasipjjaraquim!”

Isaías 33:15

Qhititejj chekaparu cuns lurqui, cheka parlaraqui, janiraqui ch'amampiqui kamirquipstquiti, janiraqui cuns wajjt'äwinac laycuqui lurquiti; janiraqui jake jiwayirinacan arunacapsa ist'quiti, nayranacapsa ch'irmthapiraqui jan ñankhanaca uñjascañataqui,

Isaías 5:7

Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.

Isaías 58:6

Chekpachansa janiw ucajj uqhamäquiti, cawquïri ayunotejj cusisiyquitu ucajj acawa: Cunatejj jan chekapäqui uca ñach'jjäsir cadenanac t'akjjaña, yugor ñach'jjäsquis uca chinunaca jararaña, t'akhesiyatanacarusti jan juc'ampi t'akhesiyjjaña, uqhamarusa take cunatejj jan walïqui ucanac tucjaña;

Jeremías 22:17

“Ucampis juma sapaquiw llaquistajja take cunsa jan wali lurañanacampi jicjjatatanacamata; jan juchanirojj jiwayaractawa, marcamarusti, t'akhesiyaractawa wali ch'ama lurañanacampi.”

Ezequiel 22:7

Jakenacamasti janiwa awquinacaparusa, taycanacaparusa suma uñjapcaraquiti, yakha marcat jutiri jakenacarusa ñankhachapjjaraquiwa, wajchanacarusa, ijma warminacarusa inaquiw irnakayapjje.

Levítico 19:13

“Janiraqui jake masima contrajj ch'amampiqui sayt'asimti, janiraqui cunatejj jupancqui ucsa aparamti. Irnakerina pagopsti janiraqui khepürcama apjjäsimti.

Levítico 25:15

qhititejj alascani ucasti mä suma alapa pagañapawa, kawkha maratejj pasqui ucat suma jact'asina, cunapachatejj khespiyasiñ marajj utjcän ucqhatpacha, aljiristi kawkha maranacas uca oraket cosechsuñajj utjascaraqui ucarjamaraquiw aljañapa;

Levítico 25:17

“Jan qhitisa yakharu jan walinac lurpati. Diosarusti ajjsartapjjaraquim. Nayätwa jumanacan Tatitu Diosamajja.

Miqueas 7:3

Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

Lucas 3:14

Uqhamaraquiw yakhep soldadonacajj jisct'apjjäna: —Nanacasti, ¿cuns lurapjjaraquëjja? —sasa. Jupasti saraquïnwa: —Jan qhitirus cunsa aparapjjamti, nuwampisa, ni c'arintasasa cuntejj jan lurqui ucatjja. Jumanacasti pagonacamampejj cusisitaquïpjjam.

1 Corintios 6:8

Ucampis jumanacajj jan walinacaracwa lurasipcaractajja lunthatasipcaractawa pachpa jilanacamatsa.

Jueces 4:3

Jabín sat reyisti llätunca pataca fierrot lurata carronacanïnwa. Uca laycusti pä tunca maranacawa israelitanacarojj t'akhesiyapjjäna. Uqham t'akhesiñana jicjjatasisajja israelitanacajja Diosaruw arnakasjjapjjäna yanapt'añapataqui.